1 John 1

1Cesilwok acek ŋalek ce nöme ŋolyontet nyepo soponto nye kimite kuceke towunot. Kicelim oŋnkyekäs acek om konyekyacek kirotote, oŋnkyename yewuniyekyo. 2Ciŋoŋ cipor soponto okoy cekäs acek, ce nöme soponto nye mopoku nye kiciporwec nye mitowune wule mite Papa. 3Kunyo cemwowok acek akwek kito nye kicekäs oŋnkyelim, sukuŋet oyomekey akwek oko acek om koyomotet nye ceponte acek oko Papa oko Werinyi Yesu Kristo. 4Cesilwok acek ŋalecu sukuŋet kuyemec ŋerekwek. 5Kunyo ŋolyontet nye kicelim acek kucone wule mite Werinyi nye cemwowok acek kunyi kule, Yiyintet kunye lakweyet, puryo kot kumite menonet mpo kisic om wule mite neto. 6Kunyo ye kacemwowu kule ceponte koyomotet oko Yiyintet oŋnkurok yec cemite wule mite menonet, kuporkey kule coperperisyi pate om ŋalek ce cemwowu oko yisyet nye kyiye. 7Ntene ye kicipurte lakweyet, kuyu wulo ponto neto lakweyet kuye mosicipurte acek koyomotet kwacek nkit, yoto kuye mosukowunec korotikap Werinyi Yesu kunum miyotyonik tokol. 8Ye kacemwowu acek kule moceponte miyotyo, kaciperperkey acek nkit oŋnkupuryo kot ceponte ŋalek cepo manta. 9Ntene ye kacerenynkey cemwoci Yiyintet miyotyonikyo, mosukukalyec oŋnkuwunec om wule mite miyotyonik tokol, omnye Yiyintet kunye po manta oŋnkwiye ŋalek cepo manta ce toponec okokoy. 10Ye kacemwowu kule mnakyiy kutoku kule kociperperisye oŋnkuporkey kule puryo kot kumitowune ŋolyontetap Yiyintet wule cemite acek.

will be added

X\