Romu 2

1N diyana-mɔgɛnu, wo ye wo dɛ bilala mɔgɛnuna koe rɔ kɔnɔ wo wa wo bɔnu yiliki tumɛ min, wo ara wo nyɛrɛ le yiliki wo la. Masigima-kuma sa wo bolo worɔ! Ni wo ya a yen n bi wo fɔla bawo anu denu bi min mala, wole nyɛrɛ fanan bi wo le mala. 2Ma ya a lɔn ko minnu bi ko sufa kɛnu mala, yoe ye Alla bolo ka wonu kiti. 3Kɔnɔ n bɔnu, wole min bi wo dɛ bilala mɔgɛnuna koe rɔ, wole nyɛrɛ ye ko sufa wonu mala. Wo miri ko wo si porokɔlɔ Allala kiti kɔrɔ, wa? 4Allala nyimayɛ wo, ata dinyɛ wo, anubɛ ata munyu-waranɛ wo, wo ara tɛgɛ wonu tɔ, nyɛ? Ko Alla ye ko-nyimɛ kɛla wo ye alako wo ni tubi a ma, wo ma wo lɔn, ba? 5Kɔnɔ wo yisi gbɛlɛ, ado wo bannɛ tubi koe ma feu! Woletɔ Allala diminyɛ anubɛ ala kiti wa bɔ gbɛ rɔ tumɛ min, wo si wola tɔrɔyɛ makofu wulɔn le 6bawo Alla si mɔgɛ bɛɛ sara kelen-kelenyɛ ma anuna kɛwɔlɛla ko la. 7Mɔgɛ donu bi bonyɛ anubɛ gbiliyɛ anubɛ habadan-nimayɛ nyinina Alla bolo min kɛ, woletɔ anu si to ko-nyimɛ kɛla dɛɛ! Tonyɛ le wo la, Alla si habadan-nimayɛ di wonu denu ma. 8Kɔnɔ donu si anu nyɛrɛ keni dɔrɔn ka anu ban ko-telennɛ-kɛ-koe ma. Koe minnu ma telen, anu bilanɛ wonu denu fɛ. Alla si ala diminyɛ anubɛ ala mɔninyɛ rawuya wonu kuma. 9Tɔrɔyɛ anubɛ diminyɛ si bui ko-yogoma-kɛlɛ bɛɛ ma, a Yahudiya wo, a sibolo gbɛrɛ wo. 10Kɔnɔ Alla si bonyɛ anubɛ gbiliyɛ anubɛ yisi-kimɛ di ko-nyima-kɛlɛ bɛɛ ma, a Yahudiya wo, a sibolo gbɛrɛ wo. 11Ado Alla ti mɔgɔ do lafisaya do ko. 12Alla ya tɔn kitabu min di Nɛbi Musa ma, sibolo gbɛrɛnu sa tɔn kitabu wo kalama. Hali anu sa wo kalama, anu si halaki anu nyɛrɛta ko-yogomɛla ko la. Ado Yahudiya minnu bi tɔn kitabu wo kalama, wonu fanan bi ko-yogomɛ kɛla. Wo le ya a to, anu denu fanan bi halakila tɔn-tinyɛ wola ko la. 13Ka tɔn kitabu wara-koe lamɔɛn dɔrɔn, wo ti mɔgɔ latelen Alla ye. Kɔnɔ ka ata tɔn kitabu bira, wo le si mɔgɔ latelen Alla ya la. 14Yahudiya ma minnu na, wonu sa Nɛbi Musata tɔn kitabu kalama. Kɔnɔ anu ba ko-latelennɛ kɛ iko tɔn kitabu ya a fɔ nya min, wo si a yira ko min telenta, anu bi wo kalama. Min ma telen, anu bi wo fanan kalama. 15Anu kɛ-nya si a yira ko tɔn kitabu wara-koe sɛbɛnɛ anu yisi rɔ. Anu sɔndɔmɛ fanan bi sereyɛ bɔla ko tonyɛ le wo la. Wo ye mala bawo wati do, anu nyɛrɛ miriya si anu yiliki. Wati gbɛrɛ, anu miriya si anu fɛka. 16Dogonta-koe min bɛɛsi ye mɔgɔ yisi rɔ, Alla si wo bɛɛ kiti Yisa, Allata-Mɔgɔ-Yabɔnɛ bolo kiti tɛgɛ wati iko a fɔra kibara-nyimɛ rɔ nya min. Ado n bi wo le kawandili bɔla. 17Wole don? Wo ye wo nyɛrɛ kelela ko Yahudiyanu. Wo ye wo yigi bɛɛ sala tɔn kitabu wara-koe kuma ka wo nyɛrɛ matɔgɔ ko Allatɛ le wo la. 18Alla ye a fɛ, wo ni min ma, wo ya wo lɔn bawo wo ara ko-latelennɛ wo karan tɔn kitabu rɔ. 19Wo ya wo nyɛrɛ lɔn fiyon-bolo-biralɛ le la ado wo miri ko wo ye waan rakala pinpirɔ-mɔgɛnu denu ma. 20Wole miri fanan ko sɔn-yogoma-tiginu anubɛ ko-lɔnbɛlɛnu-karan-mɔgɔ le wole la. Allata tɔn kitabu ye wo bolo min kɛ, wo miri ko lɔnnɛ anubɛ tonya-bɛrɛ ye wole le bolo. 21Wo ye donu karanna. Nfenna wo ti wo nyɛrɛ karan? Wo ye kawandili bɔla ko, “Mɔgɔ kana kankanyɛ kɛ,” kɔnɔ wole don? Wo sa kankanyɛ kun na? 22Wo ko, “Mɔgɔ kana yɛlɛnyɛ kɛ,” kɔnɔ wole don? Wo sa yɛlɛnyɛ kɛla? Wo ko bɛsi-kɔɛ ma di wo ye kɔnɔ wo sa kankanyɛ kɛla bɛsi wonu kɔ tinɛnu tɔ? 23Wo ye wo nyɛrɛ matɔgɔla ko Allala tɔn kitabu ye wole le bolo kɔnɔ wole don? Wo sa Alla lamiliyala wola tɔn-tinyɛ fɛ, wa? 24Ado a sɛbɛnɛ Allala kitabu rɔ ko, “Ka a tɛgɛ wole Yahudiyanu sɔn ma, sibolo gbɛrɛnu bi Alla rasɛla.” 25Ni minnu ya tɔn kitabu wara-koe bira, anuta kemininyɛ si ko nyinya anu ma. Kɔnɔ ni minnu ma tɔn kitabu wara-koe bira, a fisa, anu bilakore ni to nun. 26Sibolo gbɛrɛ minnu kemininyani ma, ni wonu ya tɔn kitabu wara-koe bira, Alla si anuna kemininyabɛlitayɛ wo yɛlɛma anu ye kemininyɛ la. 27Wole Yahudiyanu, hali wo kemininyara, wo si miliya sibolo gbɛrɛnu ye bawo wole ye Nɛbi Musata tɔn kitabu tinyana hali wo ye tɔn kitabu wo kalama. Anu denu kemininyabɛlɛ kɔnɔ anu bi tɔn kitabu wara-koe birala. 28Bagbuyita-kemininyɛ dɔrɔn ti mɔgɛ ma Yahudiya-bɛrɛ la bawo kemininya-bɛrɛ sa mɔgɛ fɛrɛ ma. 29Kɔnɔ Yahudiya-bɛrɛ le wo mɔgɛ la min telennɛ Alla ye. Woletɔ kemininya-bɛrɛ ye mɔgɔ-yisi le tɔ. Allala Ni Sɛnimɛta wɔlɛ le wo la. Tɔn-birɛ mako sa wo la. Yahudiya-bɛrɛ si matɔgɔlɛ sɔrɔn Alla bolo. A ti a sɔrɔn mɔgɛ bolo.

will be added

X\