Filipai 2

1Ka a fɔ ko Kirasiti siginɛ wo yisi rɔ, kumɛ wo ti wo sɛnbɛ don, ba? Ala keninteyɛ ti wo yisi-kimɛ, wa? Wo ye ta-nyɔgɔnyɛ kɛla ata Ni Sɛnimɛ baraka rɔ, a sa wo nya? Wo sa kinikinɛ anubɛ nyɔgɔn-keni kɛla, wa? 2Nba, ni tonyɛ le wo bɛɛ la, n bi wo madiyala ko wo ni nna sewɛ lakanbali worɔ. Miriya kelen anubɛ keninteya kelen ni taran wo tɛma. Wo sɔndɔmɛ anubɛ wo hɛnkili fanan ni ma kelen na. 3Wo kana ko-wo-ko kɛ ka a bɛn wo nyɛrɛta nata ma. Wo kana ko ladan min si a ma, wo ni wo nyɛrɛ kɔrɔbi nya min. Wo ni wo famayigi wo nyɔgɔn ye. Wo kana ko ladan min si a yira ko wo fisa wo nyɔgɔn ko mumɛ! 4Wo kana to hɔnna wo nyɛrɛ la dɔrɔn, wo ni hina doinu fanan na. 5Kɛ-nya min bi Kirasiti Yisa bolo, wo ni wo le bi. 6Alla kɛ-nya-nyɛrɛ ye a bolo kebi fɔlɔ kɔnɔ a ma a miri ko anubɛ Alla rakɛnyanɛ ni to wo nya fɔrɔsɛ la. 7A ya wo bɛɛ boloka a nyɛrɛ sako la ka kɔrɔ-wɔli-kɛlɛ sɔn bi. A sɔrɔnta iko mɔgɛ ka bɔ gbɛ rɔ mɔgɔyɛ muninyɛ rɔ. 8A ya a famayigi ka Allala kumɛ bira ha a donta sayɛ rɔ. A fagara kɔlɔma ma iko ko-yogoma-kɛlɛ. 9Wola ko la, Alla ya a layɛlɛ san kole rɔ pon! A ya tɔgɛ di a ma min si a yira ko a tenbira bɛɛ la. 10Woletɔ min bɛɛ ye san kole rɔ anubɛ dugu kole kuma anubɛ minnu bi dugu kole kɔrɔ, wonu si anu nyɛnkin Yisa kɔrɔ ka a gbiliya. 11Bɛɛ si a lawɔyɔ gbɛ rɔ ko Yisa Kirasiti, Mari le. Bɛɛ si ma Fa Alla gbiliya kumɛ wo la. 12Woletɔ n na kelen nyɔgɛnu, iko wo ara nna kumɛ bira nya min, n bi wo fɛ nyɔ tumɛ min, wo ni a bira wo nya kaka gben, hali n sa wo fɛ nyɔ. Wo ni wo raya ko wola sɔn-nyimayɛ la ni kanbali kilan anubɛ yɛrɛyɛran rɔ. 13Ado Alla ye wɔlila wole rɔ wati bɛɛ alako a ni diya wo ye ka a sako kɛ. Ado a ye sɛnbɛ dila wo ma ka wo ma. 14Wo tenbi ko-wo-ko kɛla, wo kana a kɛ gbunyɛ rɔ. Wo kana sɔsɔli sa wo nyɔgɔn tɛma. 15Wo ni ma Allala den-sɛninyanɛnu na minnu telennɛ ado fɛɛ woo sa wole la. Hali wo siginɛ duninya-mɔgɔ-radunɛnu anubɛ mɔgɔ-yogomɛnu tɛma, wo tenbi anu makawandila nimaya-kumɛ la, wole ni malan iko lolenu. Ni wo ya wo ma, Kirasiti wa na lunyɛ min, n si n nyɛrɛ-matɔgɔ-kunya sɔrɔn wola ko la worɔ. Ado a si gbɛ bɛɛ yala ko nta wɔlɛ ma kɛ fu! 17Wola dɛnkɛninyɛ fanan manɛ iko sarakɛ min bi bɔla Alla ye. Tumado, n nyɛrɛ yele ye nala bonna wola sarakɛ kuma gbɛ! Wo si ma iko kɔ-fan min dinɛ Alla ma. Ni a ye wo nya le, n sewanɛ worɔ. Ma ni nyagalen ma nyɔgɔn fɛ wona. 19Ni n Mari Yisa sɔnta, n si Timoti lata wo ma yona, woletɔ n ba wo wara-koe lamɔɛn, n yisi si kimɛ. 20Male dɛnkɛninya-mɔgɛnu tɛma, wola ko siginɛ mabɛ Timoti le dɔrɔn yisi rɔ gben! 21Mɔgɛ toe bɛɛ ye hɔnna a nyɛrɛta koenu denu dɔrɔn na, Yisa Kirasitila koenu ma de! 22Wole nyɛrɛ ya a lɔn Timoti mara lanaya-mɔgɛ la nya min. Ale ara ma n ye iko n nyɛrɛta dan. Ado a wɔlita nde fɛ kibara-nyimɛla ko la. 23Nba, n ba nna koenu tagbɛ tumɛ min, a sɔgɛ ye n na ka a lata wo ma yona. 24Ni Mari sɔnta, nde nyɛrɛ si na wo wara yona. 25Ma na kelen nyɔgɛ Ɛpaforodaita, n bara a latɛgɛ ko n ni wo lata wo ma. Ma ara wɔli ma nyɔgɔn fɛ kan kelen tɔ. Ale ara ma wola kilayɛ la n dɛnbɛn tinɛ. 26A sɔgɛ ye a la ka wo dama yen. Ado a yisi sani ma bawo wo ara a lamɔɛn ko a kirayara. 27Tonyɛ le, a kirayara le. A tora doni, a ni faga kɔnɔ Alla kinikinita a ma. Ado ni a lakirayara wo nya, wo si ma tɔrɔya dan natenbinɛ la n bolo. Alla ya n tanka wo ma ka kinikini nde fanan ma. 28Woletɔ n bara n taya nya bɛɛ ma ka a lata wo ma. Wo si a ma, wo wa a yen tumɛ min, wo si sewa tun. Ado wo si a ma fanan, nde nyɛrɛ yisi ni sa. 29Wo ni ale Ɛpaforodaita rabira sewɛ bɛɛ la iko wo na kelen nyɔgɛ Mari rɔ. Mɔgɛ min bɛɛ ye iko ale ye nya min, wo ni wonu gbiliya 30bawo a ma a nyɛrɛ niyi lɔn fenfen na. A tora doni, a ni faga Kirasitila wɔlɛla ko la. A ya wo ma alako wota dɛnbɛnɛ dasara kan min, a ni wo dafa n ye.

will be added

X\