Matiyu 23

1Wo kɔma, Yisa ya nyama makawandi anubɛ ala karan dannu. 2A ko, “Sɛnbɛ ye tɔn-karan-mɔgɛnu anubɛ Farisinu bolo ka Nɛbi Musata tɔn rakaran mɔgɛnu ye 3woletɔ wo ni anuna kumɛ bira. Anu bi wo karanna min bɛɛ la, wo ni wonu bira gben! Kɔnɔ anu bi koe min bɛɛ kɛla, wo kana wonu kɛ bawo anu bi mɔgɛnu karanna min na, anu denu sa wo kɛla. 4Anu si dunu-wɛ lakiri ka a sigi mɔgɛnu kuma kɔnɔ anu denu ti sɔn hali ka anu bolo-nɔlɔnɛ tugu dunɛ wonu na. 5Anu si anuna ko-nyimɛ bɛɛ kɛ alako mɔgɛ ni anu yen dɔrɔn! Allala kumɛ min sɛbɛnɛ ata kitabu rɔ, anu bi wo mala lɛsimɔgɛnu na ka wonu kiri anu telɛnu anubɛ anu bolenu ma. Wonu mafɛlɛn! Anuna duruku-yan bunsannu yanyɛ-nya fanan mafɛlɛn! 6Ado sigi-tina-mayɛlɛnɛnu di anu ye ladiyɛ rɔ, anubɛ sigi-fan-nyimɛnu Yahudiyanuna dina-bɔnnu na. 7Gbiliya-kɔndɔli di anu ye bari rɔ. A fɛrɛ sa fɔ mɔgɛnu ni anu kele ko, ‘Karan-mɔgɔ.’ 8Kɔnɔ wo kana sɔn, mɔgɛ ni wo kele ko, ‘karan-mɔgɔ’ bawo wo damasi na kelen nyɔgɛ gbansan! Ado Karan Mɔgɔ kelen pe le ye wo bolo. 9Nba, wo kana mɔgɔ wo mɔgɔ kele duninya kɛ rɔ ko, ‘N fa,’ bawo Fa kelen pe le ye wo bolo Arinyɛni tɔ. 10Wo kana mɔgɔ woo kele ko, ‘n tigi’ bawo wo Tigi kelen pe ye nyɔ, wo le Allata-Mɔgɔ-Yabɔnɛ la. 11Min kolo wo bɛɛ ko wo tɛma, wo ni ma bɛɛta wɔli kɛlɛ la. 12Min ba a nyɛrɛ kɔrɔbi, wo ma si yigi. Min ba a nyɛrɛ famayigi, wo la si yɛlɛ. 13“Gbalo-belebele ye wole tɔn-karan-mɔgɛnu anubɛ Farisinu kuma! Wole nyɛrɛ-mayiralɛnu, Alla min bi Arinyɛni tɔ, wo ara ata mansayɛ don dɛ sɔgɔ mɔgɛnu yarɔ. Kɔnɔ wole fanan ti don. Ado mɔgɛ minnu bi anu tayala don koe ma, wo ti sɔn wonu ni don. [ 14“Gbalo-belebele ye wole tɔn-karan-mɔgɛnu anubɛ Farisinu kuma! Wole nyɛrɛ-mayiralɛnu, wo ye kɛɛ-musinu kensunyala ka anuna bɔnnu bi anu bolo, wo kɔma ka wo nyɛrɛ mayira wota madiyali-yannu fɛ! Wo le ya a to, wota tɔrɔyɛ si yogoya bɛɛtɛ ko!] 15“Gbalo-belebele ye wole tɔn-karan-mɔgɛnu anubɛ Farisinu kuma! Wole nyɛrɛ-mayiralɛnu, wo si kɔgɔ-yi tɛgɛ ka ta nyamanɛ bɛɛ rɔ alako mɔgɔ kelen bɛrɛn si tubi ka don wola dina rɔ. Wo wa a sɔrɔn tumɛ min, wo si ale ma nyahanama-mɔgɛ la ka tenbi wo nyɛrɛ la! 16“Wole fiyɔn kun tiginu, gbalo-belebele ye wole kuma! Wo ye mɔgɛnu karanna ko, ‘Ni mɔgɔ ya a gboro Alla Bato Bɔn rɔ, ko-wo-ko ti bɔ a rɔ. Kɔnɔ sɛnɛ min bi Alla Bato Bɔn la, ni a ya a gboro wo rɔ, ko si bɔ wo rɔ.’ 17Wole fiyɔn kuntannu! Nyamintan tenbira a ta-nyɔgɛ la, sɛnɛ, ka, Alla Bato Bɔn min bi sɛnɛ wo sɛninyala? 18Wo ye mɔgɛnu karanna fanan ko, ‘Ni mɔgɔ ya a gboro saraka bɔ tinɛ rɔ, ko ti bɔ wo rɔ. Kɔnɔ kɔ-fan min bi saraka bɔ tinɛ kuma, wo ko ni a ya a gboro wo rɔ, ko si bɔ wo rɔ.’ 19Fiyɔn bɛrɛbɛrɛ le wole la! Nyamintan tenbira a ta-nyɔgɛ la, kɔ-fan, ka, saraka bɔ tinɛ min bi kɔ-fan sɛninyala? 20Nba, mɔgɔ wa a gboro saraka bɔ tinɛ rɔ tumɛ min, a ye a gborola a rɔ anubɛ kɔ-fan min bi a kuma. 21Mɔgɔ wa a gboro Alla Bato Bɔn rɔ tumɛ min, a ye a gborola a rɔ anubɛ Alla min siginɛ nyɔ burɔ. 22Mɔgɔ wa a gboro Arinyɛni tɔ tumɛ min, a ye a gborola Allala mansaya-sigi-fan rɔ anubɛ ale min siginɛ a rɔ. 23“Gbalo-belebele ye wole tɔn-karan-mɔgɛnu anubɛ Farisinu kuma! Wole nyɛrɛ-mayiralɛnu, wo ye yaka bɔla nako-fen-mɛsɛnu tɔ kɔnɔ wo ye wo banna karan kolomɛnu bira-koe ma. Tɔn minnu bi iko telenbagayɛ, kinikini, anubɛ dɛnkɛninyɛ, wo bannɛ wonu ma. A kakɛn, wo ni kɛnu denu ma anubɛ wo ye doi min bɛɛ kɛla. 24Fiyɔn-kun-tiginu! Wo ye wola min-kɛ-yi maserendila alako mɛnɛ-mɛnɛnɛnu ni bɔ a rɔ kɔnɔ wo ye nyomɛ lakununa! 25“Gbalo-belebele ye wole tɔn-karan-mɔgɛnu anubɛ Farisinu kuma! Wole nyɛrɛ-mayiralɛnu, wo ye wola yi-lafɛnu anubɛ piletinu kɔmɛ makula, ado wo ya min sɔrɔn kɔrɔndiyɛ anubɛ wunduyogoyɛ la, a burɛ fanɛ fan wonu na. 26Wole Farisi fiyɔnnu! Wo ni yi-lafɛ-burɛ sɛninya fɔlɔn. Ni wo ya wo ma, a kɔmɛ fanan si sɛninya worɔ! 27“Gbalo-belebele ye wole tɔn-karan-mɔgɛnu anubɛ Farisinu kuma! Wole nyɛrɛ-mayiralɛnu, wo mani de iko kanba magbɛnɛnu minnu mafɛlɛn-nya kin a kɔma kɔnɔ a burɛ fanɛ mɔgɔ faganɛnu kolenu na anubɛ fen-tulinɛnu. 28Wo ye wo nyɛrɛ mala mɔgɔ-nyimɛnu na mɔgɛ bɛɛ yala wo nya le. Wo kɔmɛ kin kɔnɔ wo burɛ fanɛ foninyɛ anubɛ hakɛnu na. 29“Gbalo-belebele ye wole tɔn-karan-mɔgɛnu anubɛ Farisinu kuma! Wole nyɛrɛ-mayiralɛnu, nɛbi minnu ya telenbagayɛ kɛ fɔlɔ nun, wo ye kanba nyimɛnu sinna wonu ye ka bɔnnu sɔ kanbɛ wonu kuma. 30Wo ye a fɔla ko ni wole ye wo benbanuta wati rɔ nun, anu ya min kɛ nɛbinu na ka anu faga, wole ti wo kɛ nun. 31Woletɔ wo ara wo sɔn a la ko minnu ya nɛbinu faga, wonu bɔnsɔn le wole la! 32Nba, wo benbanu ya min dabira, wo ni wo raya ka wo laban! 33Wo sɔn yogo iko duguma-fannu anubɛ duguma-fen-dannu! Wo si kisi nyahanama ma kama? 34Nba, a nɛbi wo, a hɛnkilima wo, a karan-mɔgɔ wo, n si wonu nana wo ma. Wo si donu faga ka donu gbangban kɔlɔma ma ka donu gbesi Yahudiyanuna dina-bɔnnu na. Wo si to anu gbenna soenu tɔ. 35Mɔgɔ magbalanɛ min bɛɛ fagara, wo si wonuna tɔrɔyɛ sɔrɔn. Ka a bi Ebɛlita sayɛ ma ale min magbalanɛ kɔni, ha ka a sigi Bɛrɛkayala dan Sakarayata sayɛ la, wo si tɔrɔyɛ wo bɛɛ sɔrɔn. Ado wo ya ale Sakaraya faga Alla Bato Bɔn anubɛ saraka bɔ tinɛ tɛma. 36Wa wo hɛnkili to kɛ ko! Wole si tɔrɔyɛ sɔrɔn wo damala ko la! 37“E, Yerusalɛm, Yerusalɛm! I ye nɛbinu fagala nun tolon! Alla ara kilayɛ minnu sɔ i wara, i ya wonu mabon kurinu na! A sɔgɛ ye n na wati siyaman ka ila mɔgɛ bɛɛ ladɛn iko sisi-denbɛ si ala dannu nadɛn a kanban kɔrɔ nya min kɔnɔ i ma sɔn n ni wo ma! 38Nba, Alla Bato Bon rakolonyanɛ si to feu! 39N bi kɛ fɔla i ye. I wa a fɔ tumɛ min ko, ‘Min bi nala Mari tɔgɛ rɔ, Allata duwɛ si to wo fɛ.’ Nba, wo si n yen tun wati wo le tɔ.”

will be added

X\