2 Timoti 2

1Nba, nna dan, i ni Alla madiya ko a ni i sɛnbɛ makofu. A si i sɛnbɛ makofu ka a tɛgɛ ata hinɛ ma i wara la Yisa Kirasiti baraka rɔ. 2I ya nta makawandili-kumɛnu namɔɛn sereya-siyaman yala nun. I ni wonu bi ka anu kerifa lanaya-mɔgɛnu na minnu si ke donu karanna fanan. 3I ni i munyu nyagbɛ kɔrɔ iko Yisa Kirasitita kɛlɛ-den-nyimɛ. 4Kɛlɛ-den-nyimɛ ye a fɛ ka ala kun tigi hɛnɛ min kɛ, woletɔ kɛlɛ den ma minnu na, a ti basan wonuna koe la. 5Mɔgɛ min bi a rayala nyɔgɔn-to-buri rɔ, wo ti barayi sɔrɔn fɔ a wa sereyanu bira. 6Sɛni-salɛ min bi wɔli-gbɛlɛmɛ kɛla, a kakɛn, wo fɔlɔn ni sɛnita-fan wo do dɔn. 7N bi min fɔla, i miri wo ma bawo Mari si i dɛnbɛn ka koe bɛɛ nya-yen. 8Alla ya Yisa Kirasiti min nawuli ka bɔ furinu tɛma, Mansa Dawuda bɔnsɔn mɔgɛ kɔni, i ni i hɛnkili to wo ko bawo n bi kibara-nyimɛ kɛ lakela wo le baraka rɔ. N bi kibara-nyimɛ-kawandili bɔla min kɛ, n bi nyagbɛ sɔrɔnna. Anu bara n kiri iko ko-yogoma-kɛlɛ kɔnɔ Allala kumɛ kirini ma. 10Wo le ya a to, n bi n muinna koe bɛɛ kɔrɔ Allata mɔgɔ yabɔnɛnuna ko la. Yisa Kirasiti ni anu fanan kisi alako anu ni sigi Alla fɛ habadan gbiliyɛ rɔ nya min. 11Tonya-kumɛ le kɛ la. Ni ma fagara Yisa fɛ, ma si nimayɛ fanan kɛ a fɛ. 12Ni ma tora ma munyuna, ma si kun-tigiyɛ kɛ a fɛ fanan. Ni ma ya ma ban a la, ale fanan si a ban ma la. 13Kɔnɔ hali ni male ma lanayɛ kɛ, ale si lanayɛ kɛ tolon bawo a ti foninyɛ fɔ a nyɛrɛ ye. 14I ni ila mɔgɛnu hɛnkili bila kɛ ko ka anu makawandi bɛrɛkɛ Alla yala. Kumɛ minnu ti ko-wo-ko nyinya fɔ ka a lamɔɛnnɛnu tinya, i kana sɔsɔli sa kumɛ wonu ma. 15I ni i se-koe-bɛɛ kɛ ka ma wɔli-kɛla-nyimɛ la. Alla ni i lɔn wɔli kɛlɛ la min miliyani ma ala wɔlɛla ko la. I ni to mɔgɛnu karanna Allala tonya-kumɛ la a kilɛ fɛ. 16I tanka Alla-lɔnbɛliya-kumɛ anubɛ yuwaya-sɔsɔlɛnu ma. Wonu ti ko-wo-ko nyinya fɔ ka mɔgɛnu masɛgi Alla la. 17Anu bi mɔgɛnu karanna min na, wo manɛ iko tɛlɛ-wɛ min bi mɔgɔ fɛrɛ dɔnna tala. Haimɛneyasi anubɛ Failita ye karan-mɔgɔ wonu tɛma. 18Anu bara tonya-kilɛ to. Anu bi a fɔla ko Alla ara ban hadama dan lawulila nun ka bɔ furinu tɛma. Foninyɛ le wo la. Karan wo ye dɛnkɛninya-mɔgɛ donuna dɛnkɛninyɛ tinyana. 19Kɔnɔ Alla ara chɔchi min ma dɛnkɛninya-kurukɛ-sɛnbɛ la, wo la ti maga mumɛ! Kumɛ kɛnu denu sɛbɛnɛ chɔchi ma ko, “Mari ya a nyɛrɛtɛ lɔn.” Wo kɔma, a sɛbɛnɛ ko, “Min bi a fɔla ko Maritɛ le ale la, wo ni fara ko-yogoma-kɛ la.” 20Miran-su-siyaman bi bon-belebele la. Donu nadannɛ sɛnɛ anubɛ wodi-gbɛ la. Donu nadannɛ kɔlɔma la. Bɔnku-dagɛnu bi nyɔ fanan. Donu nadannɛ gbiliyɛla ko la, donu nadannɛ wɔli toela ko la. 21A ye wo nya le dɛnkɛninya-mɔgɛnu bara la. Ni mɔgɔ wo mɔgɔ ya a fara ko-yogomɛ kɛnu na ka a nyɛrɛ sɛninya, Alla si wo ma ata wɔli kɛlɛ la min si gbiliyɛ sɔrɔn bawo a sɛnima. Ado a rabɛnnɛ wɔlɔ-nyima su bɛɛ kɛ koe la ala kun tigi ye. 22I ni i tanka fonikeya-natanu ma. I raya telenbagayɛ anubɛ dɛnkɛninyɛ ma, wo kɔma, keninteyɛ anubɛ yisi kimɛ ma. I ni to sɔndɔma-tiginu kurun tɔ. 23Kɔnɔ i kana yuwaya-sɔsɔlɛ anubɛ karanbɛliya-sɔsɔlɛ kɛ. I ya a lɔn ko wonuna ban le kɛlɛ la. 24Marita wɔli kɛlɛ kana kɛlɛ kɛ fɔ ka ko-nyimɛ kɛ bɛɛ ye. A ni ma karan-mɔgɔ-nyimɛ la min si a munyu mɔgɛnu kɔrɔ. 25A dinyanɛ ni a sɔsɔlɛnu natelen. Tumado, Alla si fɛrɛ di wonu ma ko anu ni tubi ka tonyɛ lɔn. 26Wo kɔma, anu si hɛnkili sɔrɔn alako anu ni bɔ Setanɛta gbɛrɛ la nya min. Bawo Setanɛ ara anu bira ko anu ni ale sako kɛ.

will be added

X\