1 Timoti 2

1A fɔlɛ, n bi wo madiyala alako wo ni Alla madiya mɔgɛ bɛɛ ye katarala mansɛnu anubɛ kun tiginu ma. Wo ni to tarali kɛla ko Alla ni anu dɛnbɛ alako ma ni to sabarɛ anubɛ yisi-kimɛ rɔ anu bolo. Ma ni to Alla gbiliyala ka ma hadama-den-nyɔgɛnu bira a kilɛ fɛ. 3Madiyali su kɛ bɛɛ kin. A ye Alla hɛnɛna, ma kisilɛ kɔni, 4min bi a fɛ, mɔgɛ bɛɛ ni kisi ka tonyɛ lɔn. 5Alla kelen de nyɔ. Ado mɔgɔ kelen de nyɔ fanan min bi Alla anubɛ mɔgɛnu tɛmɛ rabɛnna. Wo mɔgɛ le Yisa Kirasiti la. 6Ale le ya a nyɛrɛ niyi ni ko mɔgɛ bɛɛ ni hɔrɔya. Ata sayɛ le ya a mayira a wati-latɛgɛnɛ rɔ ko Alla ye a fɛ, bɛɛ ni kisi. 7Wo le ya a to, Alla ya n ma kilayɛ anubɛ karan-mɔgɔ la. A ko n ni sibolo gbɛrɛnu karan dɛnkɛninyɛ anubɛ tonya koe ma. N sa foninya fɔla wo ye. N bi tonyɛ le fɔla serr! 8Wo wa wo ladɛn Alla bato tinɛ tuma-wo-tuma, n bi a fɛ, wole keinu ni madiyali kɛ ka wo bole rasigi Alla ye. Wo ni ma mɔgɔ-sɛninyanɛnu na Alla ye. Ado wo tenbi madiyali kɛla, diminyɛ anubɛ sɔsɔli kana taran wo tɛma. 9N bi a fɛ fanan, musinu ni ma hɛnkilimɛnu na. Anu kana anu makiri-nya latenbi a dan kun na! Kun-sigi-dannɛ wo, sɛnɛ wo, wodi-gbɛ wo, kuru-da-gbɛlɛ wo, anu kana kinya wonu dɔrɔn fɛ 10fɔ anu kɛ-nya-nyimɛnu fɛ iko a bɛnnɛ dɛnkɛninya-musinu ma nya min. 11Musinu ni karan sabari anubɛ famayigi bɛɛ la. 12N ti sɔn musinu ni keinu karan, ni wo ma, ka sɛnbɛ sɔrɔn keinu kuma. Anu ni anu masabari Alla bato tinɛ. 13Ni i ya a yen n ya a fɔ wo nya na bawo Alla ya Hadama fɔlɔn dan, wo kɔma, Hawa. 14Ado duguma-fan ma Hadama yanfa fɔ ala musi. Setanɛ ya ma mama Hawa le fɔlɔn bolo labira ka hakɛ kɛ Alla la. 15Kɔnɔ tɔ-a-la, musinu si kisi den-sɔrɔn fɛ ni anu tora dɛnkɛninyɛ anubɛ keninteyɛ anubɛ sɛninyɛ rɔ ka anu sɛbɛ don.

will be added

X\