1 Kɔrɛnti 8

1Nba, bɛsɛnu si kɔ soge minnu na, n bi nala wonu denu wara-koe fɔla wo ye kɛ la. Tonyɛ le ko bɛɛ ya doni lɔn kɛ rɔ. Kɔnɔ lɔnnɛ sifa wo si a ma, mɔgɛ ni wasi wola ko la. Keninteyɛ le si mɔgɛ layɛlɛ. 2Minnu miri ko anu hɛnkili waranɛ, wonu ma fenfen lɔn iko a kakɛn, anu ni a lɔn nya min. 3Kɔnɔ Alla keninɛ minnu bolo, a ya wonu lɔn. 4Woletɔ bɛsɛnu si kɔ soge minnu na, n si min fɔ wonuna ko la, wo le kɛ la. Ma ya a lɔn ko bɛsɛ, fen de wo la niyi sa min tɔ. Ma ya a lɔn fanan ko Alla kelen de! 5Hali wo, anu bi fan donu kelela ko “allanu” anubɛ “marinu” san kole rɔ anubɛ dugu kole kuma. Ado fan wonu siya kati! 6Kɔnɔ Alla kelen de male bolo, ma Fa Alla min ya fan bɛɛ dan kɔni. Male ye ale le bolo. Ado Mari kelen pe le ma bolo fanan, Yisa Kirasiti kɔni. Fan bɛɛ danta wo le baraka rɔ. Ado male fanan ye wo le baraka rɔ. 7Kɔnɔ dɛnkɛninya-mɔgɛ bɛɛ ma kɛ lɔn. Mɔgɛ donu durunɛ bɛsɛ kɛnu na ko ha bi, fen de wo la, niyi ye min tɔ, woletɔ anu sɔndɔmɛnu tafaganɛ Alla wara-koe rɔ. Bɛsɛnu si kɔ soge minnu na, anu ba wonu dɔn tumɛ min, anu sɔndɔmɛ ti gbɛ soge wonu dɔn tinɛ. 8Ma ti ke Alla hɛnɛna dɔn-fen dɔn-koe la. Ni ma ma a dɔn, wo ti ma bɔnɔ fenfen tɔ. Ni ma ya a dɔn fanan, ma ti tɔnɔ woo sɔrɔn wo rɔ. 9Wo ni a ma wo fɛrɛma. Minnu sɔndɔmɛ rafaganɛ, wola hɔrɔyɛ kɛ kana na a ma, wonu ni bui hakɛ rɔ. 10Anu sɔndɔmɛ rafaganɛ koe kɛnu tɔ kɔnɔ wole ara hɛnkili sɔrɔn kɛnu ma. Ni anu ya wo yen soge dɔnna bɛsi kɔ tinɛ rɔ, wo si a ma, anu fanan ni soge wo dɔn. 11Wole ya a lɔn ko soge wo dɔn-koe ma yogo kɔnɔ wo si a ma, minnu sɔndɔmɛ rafaganɛ, wonu ni halaki. Ado wo na kelen nyɔgɛ le wonu na, Kirasiti fagara minnuna ko la. 12Nba, wo ara hakɛ bi wo na kelen nyɔgɛnu na ka anu sɔndɔmɛnu madumɛ bawo wonu sɔndɔmɛnu tafaganɛ le. Wo wa wo ma, wo ye hakɛ kɛla Kirasiti la worɔ. 13Nba, ni dɔn-fan si a ma, n na kelen nyɔgɛ ni hakɛ kɛ, nde nyɛrɛ ti soge dɔn tun wo rɔ mumɛ! N kana n na kelen nyɔgɛnu nabui hakɛ rɔ.

will be added

X\