1 Kɔrɛnti 5

1Nba, n ya a lamɔɛn ko yɛlɛnya su do ye wo tɛma hali Alla-lɔnbɛlɛnu ti sɔn min sifa ma. Anu tɛrɛna ko le wo la n bolo. Anu ko mɔgɛ donubɛ a na-sena-musi ye kila. 2Wo wasinɛ nfenna worɔ? A fisa nun, wo ni don diyi rɔ miliyɛ bolo. Ado mɔgɛ min bara ko-sifa wo ma, wo ni wo gben wo kurun tɔ! 3Nba, hali n sa wo fɛ Kɔrɛnti soe burɔ, n bi wo fɛ nyɔ n yisi rɔ. Hali n sa wo fɛ nyɔ, n bara ban ko-yogoma-kɛlɛ wola kiti tɛgɛla Mari Yisa tɔgɔ rɔ. Wo wa wo ladɛn kan-tina-kelen tumɛ min, n bi wo fɛ nyɔ n yisi rɔ. Ma Mari Yisa baraka rɔ, wo tenbi ladɛn kun na, 5wo ni ko-yogoma-kɛlɛ wo don Setanɛ bolo. Wo ni wo ma alako hali Setanɛ wa a fɛrɛ-bɔnkɛ tinya, Mari Yisa wa na lunyɛ min, a niyi si kisi. 6Wola wasinteyɛ ma bɛn mumɛ! Wo ma a lɔn ko ni mɔgɔ kelen tora hakɛ kɛla wo tɛma, tɔrɛ si nyɛnsɛn wo bɛɛ tɛma, wa? Wo ya kumɛ wo lɔn ko, “Biredi-yɛlɛ-fan doni si a ma, biredi wo bɛɛ ni yɛlɛ.” 7Wa ko-yogoma-kɛlɛ wo gben wo tɛma. Wo si ma iko biredi-yɛlɛ-fan sa dɛgɛ min tɔ wo rɔ. Ado ni hakɛ sifa sa wo tɛma, wole ara ban mala iko yɛlɛ-fan sa dɛgɛ min tɔ. Kirasiti ara ban mala sarakɛ la nun. Mata saga-dan le ale la mata Kanan-Ko-Ladiyɛ rɔ. 8Ma ni mala ladiyɛ wo kɛ a kilɛ fɛ. Ma kana a kɛ hakɛ anubɛ wunduyogoyɛ la ma bolo min manɛ iko biredi-yɛlɛ-fan. Ma ni a kɛ sɛninyɛ anubɛ tonyɛ la min manɛ iko biredi-yɛlɛ-fen sa dɛgɛ min tɔ. 9N ya kɛdi sɛbɛ wo ma nun ko wo kana sɔn-yogoma-tiginu ma wo ko-ladan-nyɔgɛ la. 10Nba, n ma wo sɛbɛ ka a tɛgɛ Alla-batobɛlɛnuna ko la minnu bi yɛlɛnyɛ kɛla. N ma a sɛbɛ wasabɛlɛnu anubɛ kankannu anubɛ bɛsi-kɔlɛnuna ko la. Ni wo le, fɔ ni wo bɔra duninya kɛ rɔ feu! 11N bi min ma nun, wo le ko ni yɛlan le, ni wasabɛlɛ le, ni bɛsi-kɔlɛ le, ni min bi nafigiyɛ kɛla, ni min baan-minyɛ kun na, ni kankan le -- ni mɔgɛ wo ye a fɔla ko wo na kelen nyɔgɛ le ale la dɛnkɛninyɛ rɔ, wo kana wo bole layigi miran kelen tɔ lefan wo mɔgɔ sufanu fɛ. 12Ka mɔgɔ gbɛrɛnu kiti, nta wɔli ma wo la! Alla le si wonu kiti. Ka kiti tɛgɛ wo nyɔgɔn tɛma chɔchi burɔ, wota wɔlɛ le wo la. Iko a sɛbɛnɛ Allala kitabu rɔ nya min ko, “Wo ni ko-yogoma-kɛlɛnu nabɔ wo tɛma.”

will be added

X\