1 Kɔrɛnti 16

1Nba, wo ye wodi min nadɛnna Allala mɔgɛnu dɛnbɛn koe la Yudiya nyamanɛ rɔ, wo ni a ma iko n bara a fɔ Kalesiya nyamanita chɔchinu ye nya min 2Lɔgɔkunyɛ-tele-fɔlɛ, wo kelen-kelennamɛ-bɛɛ ni fan do lamara a dan na iko a ye a sɔrɔnna nya min. Woletɔ n ba na tumɛ min, hali wo ma gbɛsɛ-gbɛsɛ ladɛn tun. 3N ba na tumɛ min, wo ara mɔgɛ minnu yabɔ min si ta wola kɔ-fannu na Yerusalɛm, n si kɛdinu don wonu bolo. Anu denu si ta wo la anu bolo. 4Ni nde bɛrɛn ta-koe bɛnta, n si ta anu fɛ worɔ. 5N ba Masidoniya nyamanɛ ratagama tumɛ min, n si na ke wo ma worɔ bawo n bi bɔla nyamanɛ wo le tɔ. 6N si wati do bɔ wo fɛ, ado tumado, n si dafere-kimɛ wati bɛɛ bɔ wo fɛ. Woletɔ ni n tara kan-bo-kan wo kɔma, wo si ke n dɛnbɛna nta tagama rɔ. 7A ma di n ye, n ni wo yen dɔrɔn ka belen. Ni Mari sɔnta, a di n ye ka wati-yan bɔ wo fɛ. 8Kɔnɔ n bara a latɛgɛ ko n ni to Ɛfɛsa soe burɔ yan ha Pɛntikɔsi tele 9bawo fɛrɛ ye n bolo yan serr, ka wɔlɔ-nyimɛ kɛ, ado mɔgɔ siyaman nawulinɛ n kan ma. 10Ni Timoti nara ke wo ma, wo ni a rabira gben, bawo a ye wɔlila Mari ye iko nde fanan bi wɔlila nya min. 11Mɔgɔ wo mɔgɔ kana a bɔrɔbɔ kɔnɔ wo ni a dɛnbɛ ala tagama rɔ yisi-kimɛ rɔ alako a si sɛgi n bara nya min. N bi ale anubɛ n na kelen nyɔgɛnu makɔnɔna. 12Nba, ka ma na kelen nyɔgɛ Apɔlɔsila koe fɔ, n bara a madiya ko a ni ta wobɛ ma na kelen nyɔgɛnu kɔndɔn. Kɔnɔ ta-sɔgɔ sa a la nyɔ kaka kɔnɔ hali wo, a wa fɛrɛ sɔrɔn tumɛ min, a ye tala le. 13Wo ni wo ya lakalan ka wo sɔ dɛnkɛninyɛ rɔ yiri! Wo ni wo kerinteya ka wo sɛnbɛ don. 14Wo ni wola wɔlɛ-su-bɛɛ kɛ keninteyɛ la. 15Wo ya Sitɛfanasi anubɛ ala denbayɛ wara-koe lɔn. Dɛnkɛninya-mɔgɔ-fɔlɛ le wonu na Akeya sigisɔn rɔ. Anu bara anu nyɛrɛ di Alla ma ka ma wɔli kɛlɛnu na Allata mɔgɛnu kɔrɔ fasai! N na kelen nyɔgɛnu, n bara wo madiya ko 16wo ni mɔgɔ su wonuna kumɛ bira anubɛ min bɛɛ ye wɔlila anu fɛ. 17N bara sewa Sitɛfanasi anubɛ Fɔtunati anubɛ Akayika na-koela ko la. Wole sa yan min kɛ, wole si min kɛ nun, wonu bara wo gbɛ bi. 18Wonu bara n niyi lakuraya iko anu ya wotɛ lakuraya nya min. Wo ni mɔgɔ su wonu gbiliya. 19Chɔchi minnu bi Esiya nyamanɛ rɔ, wonu bi wo kɔndɔnna. Akuwila anubɛ Purusila anubɛ chɔchi mɔgɛ minnu nadɛnnɛ anuna bɔn la, wonu bi wo kɔndɔnna bɛrɛkɛ Mari tɔgɔ rɔ. 20Ma na kelen nyɔgɛ min bɛɛ ye yan, wonu bi wo kɔndɔnna. Wo ni wo nyɔgɔn sɛnibɔ. 21Nde, Pɔli le ara kɔndɔli kɛnu sɛbɛ n nyɛrɛ bole la. 22Ni min ti Mari keni, dankatoe le wo tigi la. Ma Mari, na! 23Mari Yisala hinɛ ni to wo fɛ. 24Nta keninteyɛ ni to wo dama fɛ Kirasiti Yisa rɔ.

will be added

X\