1 លោកប៊ីលដាដ ជាអ្នកស្រុក ស៊ូអាពោលឡើងថា៖ 2 ព្រះជាម្ចាស់មានអំណាចគ្រប់គ្រង ព្រះអង្គគួរអោយស្ញែងខ្លាច ព្រះអង្គតាំងអោយមានសេចក្តីសុខសាន្ត នៅលើស្ថានដ៏ខ្ពស់បំផុត។ 3 គ្មាននរណាអាចរាប់ចំនួនកងពលរបស់ព្រះអង្គបានទេ ពន្លឺរបស់ព្រះអង្គចាំងដល់មនុស្សគ្រប់ៗគ្នា។ 4 ដូច្នេះ តើមនុស្សអាចតវ៉ាថាខ្លួនសុចរិត នៅចំពោះព្រះភ័ក្ត្រព្រះជាម្ចាស់បានឬ? តើអ្នកដែលកើតចេញពីស្ត្រី អះអាងថា ខ្លួនបរិសុទ្ធដូចម្តេចកើត? 5 នៅចំពោះព្រះភ័ក្ត្រព្រះជាម្ចាស់ សូម្បីតែព្រះច័ន្ទក៏បាត់រស្មី ហើយហ្វូងតារាក៏មិនភ្លឺទៅហើយ 6 ចុះចំណង់បើមនុស្សដែលមិនខុសពីដង្កូវ ហើយកូនមនុស្សដែលមិនខុសពីជន្លេន តើគេរឹតតែអន់យ៉ាងណាទៅទៀត!»។
