ROM 8

1Ëete ndana, ko lápi tïù äaló ká to äotu äete äe ëiyá sañgwate äená äe Krist Yesus na, 2káto ëeti te yi Sisiñ yi nyá kpasa joñgwá nyá äotu äete äe äá sañgwate äená äe Krist Yesus äaka ma soñá mi ká ëeti te yi kelna máäeyó náè yi sóñ. 3Yo nde, mámboñga má Njambiyá tïì äá ná ëeti te yi keló ëete na, káto mátákó máte yi mumó nó káà kelma nde, mámboñga tïî äáki ná ëeti te yi kamá nyá na. Ëete, yasi te yi mámboñga tïì äá ná ëeti te yi keló, Njambiyá kpalma nje keló yo yïù njesá ñgbak ñgbak Mónó wená káto máäeyó má äomó. A njesa nyá ná tári te yi mámbundó nda wusá äotu äe máäeyó yïù pásó ná jósi máäeyó máte yi ëiyá ká yotu mumó káà, 4náà wusá kel gba ñgbeñ mákele máte yi mámboñga máná lápá nde, há keêl káà. Wusá äotu äete äe joñna ndana äeñgwá yasi te yi Kimó Sisiñ kwaëyá káà yakama keló ëete, káto wusá ti joàñnañgwá se äeñgwá yasi te yi wusá ná ñguru wusu kwaëyá káà na. 5Yo nde, mó te á joñna äeñgwá yasi te yi nyá ná ñguru wená kwaëyá káà nyáàki temó ká yasi te yi äomó kwaëyá káà. Yasi wátá, mó te á joñna äeñgwá yasi te yi Kimó Sisiñ kwaëyá káà nyáàki temó ká yasi te yi Kimó Sisiñ kwaëyá káà. 6Nyána temó ká yasi te yi mumó ná ñguru wená kwaëyá káà keàl nde, a saêñgwañgwá ná sóñ. Ma yasi wátá, nyána temó ká yasi te yi Kimó Sisiñ kwaëyá káà nyáàki mumó kpasa joñgwá, keló nde, a joêñnañgwá ná tá. 7Yo nde, mó te á nyá temó ká máyasi máte yi mumó ná ñguru wená kwaëyá káà, mó te pendó Njambiyá, káto a ká sáñá kiná keló yasi te yi mámboñga má Njambiyá lápá káà na. Ko a ti yaka keló yo na. 8Njambiyá ti yaka äá ná másosa ná mó te á joñna mátu háná äeñgwá yasi te yi nyá ná ñguru wená kwaëyá káà na. 9Ma ká yun, wuná ti joàñnañgwá se äeñgwá yasi te yi wuná ná ñguru wun kwaëyá káà na. Yasi wátá, wuná má joñna ndana äeñgwá yasi te yi Kimó Sisiñ kwaëyá káà, káto Sisiñ Njambiyá ká ëiyó pá wuná. Ma ñgá Sisiñ Krist ti ëiyá ká yotu mumó na, ko mó te yeti mó te wená na. 10Ma ñgá Krist ëiyá pá yun, Sisiñ ná ká keló nde, wuná äáêki ná joñgwá, káto Njambiyá pásima nde, wuná má ná ñgbeñ ká mbómbu wená. Wuná ná joñgwá te, ko äákó nde, yotu te yi wuná nó káà yaêkañgwá sañgwa ná sóñ káto máäeyó. 11Sendi, ñgá äá nde, Sisiñ te á womiya Yesus soñá ká njoka äemuñ kó ká ëiyó ká yotu yun gbate, yite nyá Njambiyá te á womiya Krist soñá ká njoka äemuñ kó ta keló sendi nde, máyotu mun yi sañgwa ná sóñ káà, äáêki ná joñ. A ta keló yo ná ëeti Sisiñ ná yi ëiyá pá wuná káà. 12Wuná njóñ, nda yo ëete káà, wusá má ná pilo ká to, yo nde, wusá tïî joñnañgwá se äeñgwá yasi te yi wusá ná ñguru wusu kwaëyá káà na. 13Ñgá wuná joñna äeñgwá yasi te yi wuná ná ñguru wun kwaëyá káà, yite wuná ta sañgwa ná sóñ. Yasi wátá, ñgá wuná si gwesá äeya máyasi máte yi wuná ëiki keló káà ná ëeti te yi Kimó Sisiñ, yite wuná ta juã. 14Káto äomó háná äe Sisiñ Njambiyá kándá ná äo äaka äónó äe Njambiyá. 15Yo nde, Sisiñ te yi Njambiyá nya wuná káà yeti ká keló nde, wuná ëïîy äebala, náà wuná nje ëiy ná wóã ká yotu na. Yasi wátá, Sisiñ te yi nyá nya wuná káà ká kpaló keló nde, wuná äáêki äónó äená. Sisiñ te ká nyá wusá ëeti te yi lápó kembiëya ká móy máñgwáta musu nde: 'Aba Da!' 16Kimó Sisiñ te ná ñguru wená ká kombile jayá lápó ná sañsañ nyá sisiñ su nde, wusá má gbate äónó äe Njambiyá. 17Ma nda wusá má äónó äe Njambiyá káà, wusá ta äá sendi ná kimó máyasi máte yi nyá sima kombile tiká wusá káà. Siná äe Krist ta äá ná ñgaäiyá ká máyasi máte, káto siná äo háná ká sañgwa ná mábóná, náà wusá äá sendi ná máluksa siná äo. 18Mi ká taká gba nde, mábóná máte yi wusá sañgwa nó muka káà ëeká ná mbát ká misi, ko há ti yaka yekó yo ná nyañgwá máluksa máte yi Njambiyá ta nyá wusá káà na. 19Máyasi háná te yi Njambiyá kusuma káà ká laëye ná temó ná äak äak ñgimó te yi nyá ta teëye ná máluksa má äónó äená ká puyá káà. 20Yo nde, Njambiyá kelma nde, máyasi háná te yi nyá kusuma káà kpaêl nje äá nda tumbul máyasi. Máyasi máte ná ñguru wan tïì kwaëyá nje äá ëete na. Yo Njambiyá pásá nde, yo njaêki nje äá ëete. 21Ma ko ëete, Njambiyá äaã ná äiäina temó nde, wátá yesó a ta soñá máyasi máte yi nyá kusuma káà ká ëiyó bala te yi yo ëiki äó káà nje nyá yo máluksa äená äónó äená. 22Ma wusá ká duwá nde, kandá yesó te yi Njambiyá ma kuàsu ná máyasi kumó muka máyasi háná te yi nyá kusuma káà ká njimó ñgwenjila nda yi nyari wa ná miõ káà. 23Yo sendi nde, yeti ndi máyasi máte nyápó njimá ëete na. Yasi wátá, wusá äotu äete äe nyá kandima pa nyá wusá Sisiñ ná nda tómna äaka ká njimó sendi ëete ká móy mátemó musu yïù laëye ná ñgimó te yi nyá ta punjá teëye gbate nde, wusá má äónó äená, koló máyotu musu soñá ká móy mábóná. 24Yo nde, Njambiyá sima joñgwá wusá. Yasi wátá, kumó ndana wusá ndi ká laëye ná äiäina temó nde, há ta äáñá yo gbate wátá yesó. Ñgá mumó si äáñá yasi te yi nyá äaã ná äiäina temó káte káà, ñge sendi yi nyá ta laëye káà? A tïì si äáñá yo. 'Ma, mumó ta káè ka sendi mbómbu yïù laëye äáñá yasi te yi nyá sima äáñá káà? 25Ma ñgá äá nde, wusá ná äiäina temó ká yasi te yi wusá tïì pa äáñá káà, yite wusá ká keló tiñ te yi laëye äáñá yo. 26Ëete sendi, Kimó Sisiñ ká kamá wusá ká mátákó musu, káto wusá yeti ká duwá nda yi wusá yaêkañgwá ñgwáta kimóte ná Njambiyá káà na. Yasi wátá, Kimó Sisiñ ká ñgwáta ná Njambiyá ká numbu su ná njim yasi te yi wusá tïù yaka pilá na. 27Njambiyá, mó te á námbá yasi te yi ëiyá ká móy temó mumó kó ká duwá yasi te yi Kimó Sisiñ kwaëyá lápó káà, káto Kimó Sisiñ ká ñgwáta káto äotu äe Njambiyá äeñgwá yasi te yi Njambiyá kwaëyá káà. 28Wusá duwaã nde, ká yi äotu äete äe kwaëyá Njambiyá äaka, máyasi háná te yi ëyaã äo, Njambiyá jaàya nde, yo ëyaêñ äo, náà äo sómbu mányóñó káte. Äotu äenóri, yo äaka äe nyá jeäama äeñgwá yasi te yi nyá sima pásó káà. 29Yo nde, Njambiyá sima pásó nde, äotu äete äe nyá kikima si tóká äaka ta äá nda Mónó wená, na äá tomba móy ká njoka äuëya njóñ ná. 30Ma äotu äaka äe nyá pásima nde, a ta keló ná äo ëete äaka, a jeäama sendi äo. Äo äotu äete äe nyá jeäama äaka, a pásima nde, äo má ná ñgbeñ ká mbómbu wená. Äo äotu äete äe nyá pásima nde, äo má ná ñgbeñ ká mbómbu wená äaka. A nya sendi äo máluksa. 31Ma nda yo ëete káà, há ta nje lápó äa ná ñge? Nda Njambiyá ká kóñ su káà, nda yakama luã ëyambi ná wusá kó? 32Gba nyá ná ñguru wená tïì kama ná ñgbak ñgbak Mónó wená na. Yasi wátá, a kañma nyá njesá nde, äo woêku nyá káto su háná. Ma nda yo äaã ëete káà, 'ná taàka ka nde, a ta ëiyó kiná nyá ka sendi wusá máyasi háná ná gbálate nda yi nyá nya ná wusá Mónó wená káà? 33Nda yakama sómse äotu äete äe Njambiyá sima tóká äaka? Ko na, káto yo nyá, Njambiyá pásá nde, äo má ná ñgbeñ ká mbómbu wená. 34Nda ta pásó lápi äaëyá ká to yan kó? Krist [Yesus], nyá ná ñguru wená gwaã, jekó kwaã kwañgó a womiya. A ká mbam äó Njambiyá, yo nyá ñgwáta sendi ná nyá káto su. 35Ma ëete, nda yakama äaká njoka su siná äe Krist nde, a tïî kwaëyikwá se wusá kó? 'Yo mábóná yakama äaká njoka su? 'Yo mápóku ho nyañgwá mábóná máte yi äomó yakama teëye wusá káà? 'Yo ëiyó nja ho mábukó? 'Yo yiña äeya yasi te yi yakama móndó wusá káà ho pásina ñgiñ su ná kafa? Ko na. 36Yo nda yi yo kátinate ká mákana má Njambiyá nde: 'Kandá äemáñmáná kumó äekoko siná äe sóñ kol wátá káto yó. Äo äáàña wusá nda äesam äete yi äo äuã káè pásó ñgiñ yan äaka.' 37Ma yasi wátá, ká yinóri háná wusá ká lañsa kwaã to te jakimá mó te á kwaëya wusá kó. 38Káto mi ká duwá gbate nde, kiná yaña wátá ná wátá yakama äaká njoka su siná äe Njambiyá nde, a tïî kwaëyikwá se wusá na. Ko sóñ ko joñgwá, ko äejaki äe Njambiyá ko äeya máyasi máte yi äá ná nyañgwá ëeti, ko máyasi máte yi yakama ëyaã ndana ho yi yakama ëyaã námánó, ko máyasi máte yi ná ñguñguëyá, ko máyasi máte yi ëiyá ká kwey ho yi ëiyá ká njiõ, kiná yaña wátá ná wátá te yi Njambiyá kusuma yakama äaká njoka su siná äe Njambiyá nde, a tïî kwaëyikwá se wusá na. A teëya wusá mákwaëya máte ná nje Nyañgwá Kumande wusu Krist Yesus.

will be added

X\