ROM 3

1'Ma ëete, mó Äeyudán kwaàñ mó te á yeti Äeyudán kó ká ñge? 'Sendi, mápásina máte yi Äeyudán kelá káà kaàma äo ká ñge? 2Ma máyasi mánóri háná yiäa kpasa máyasi ká mánje háná ká yan. Bosa yasi, yo nde, Njambiyá äoñma málápi máná kañá nyá äo. 3Há ta lápó äa ndana ná ñge? Ñgá äá nde, äaña ká njoka yan tïì tiká temó ká málápi máte yi Njambiyá lápima káà, 'Njambiyá maà ëiyó kiná tonjá máyasi máte yi nyá sima kpo káà? 4Ko mbát na. Äomó háná duêkwá nde, Njambiyá láàpi ndi gbakasi, ma mumó háná láàpi ndi jaã. Yo nda yi yo kátinate ká mákana má Njambiyá nde: 'Äomó duêkwá nde, wá Njambiyá, wá láàpi ndi gbakasi ká máyasi máte yi wá lápá káà. Sendi, ñgá wuàná äomó támá ká jósi, wá ta kaäó lápi.' 5Ma kótu mákele máte yi wusá kelá káà ká teëye nde, Njambiyá ná ñgbeñ. Ma ëete, há yakama lápó ná ñge? 'Há kina láàpi nde, Njambiyá keàl máyasi kótute komá nyá punjá ñgambi ná teëye wusá mábóná káà na? Ma mi ká lápina ëete nda yi äomó yakama lápina káà. 6Yasi wátá, ko yo yeti ëete na. 'Ma ñgá Njambiyá kelá kótu mákele, a maà nje keló nan yïù pásó ná jósi äotu äe mánáti maka? 7Sendi, jaã te yi mi kelá káà ká kpaló keló nde, Njambiyá teêëya ná sañsañ kwaã to te nde, nyá ná ñgbeñ. Yo ká keló nde, máluksa máná puêndu puyá. 'Ma ëete, a ta jóse mi nde, mi mó máäeyó káto ñge? 8Ñgá äá nde, máyasi keêlnañgwá ëete, 'yite há kina lápi nde: 'Há keêl äeya máyasi, náà kimó máyasi nje pundu káte na'? Äaña äomó ká ëiki pásó lápi nyá ká numbu su nde, wusá ká ëiki lápó njál málápi máte yite. Lápi ta äaló ká to yan, äo maà sañgwa ná mábóná máte yi yakama ná äo káà. 9'Há ta nje lápó äa ndana nde ñge? 'Wusá Äeyudán kwaã ka äásó äomó? Ko na, káto há sima si teëye nde, ko Äeyudán ko äotu äete äe yeti Äeyudán äaka, máäeyó ká namó äo háná. 10Yo nda yi yo kátinate ká mákana má Njambiyá nde: 'Kiná mumó wátá ná wátá á kelá yasi ná ñgbeñ na, ko wátá. 11Kiná mó te á ná ëyanó na. Kiná mó te á saã nje te yi duwá Njambiyá na. 12Äo háná sima jató ká äeya nje. Ko äo yeti ná ëeti te yi keló yiña yaña na. Kiná wátá ná wátá ká njoka yan ká keló kimó yasi na, ko wátá. 13Ñgóñgálá yan ká äoñna ná äoñsóñ te yi ëiyá nyasá káà. Máëyem man, yo yïù seäila äomó. Mada äenyóñá ká njiõ máëyem man. 14Numbu yan tonduma ná mákita náè málápi máte yi luã mumó ká temó nda sóru kuäu. 15Äo nádó te yi káè punjá mákiyó. 16Äo ká äekiëye äomó tikó äo ká mábóná ká mbáy háná te yi äo kwaã káte. 17Äo yeti ká duwá nje te yi nyá mumó táte káà na. 18Kambina Njambiyá yeti ná mbát ká ëyanó ëyan na.' 19Há duwaã nde, yasi háná te yi mámboñga lápá káà, yo láàpi ndi nyá äotu äete yi mámboñga máte njaã káto yan äaka, náà äomó háná ëiäi numbu, náà äotu äe mánáti maka háná duwá nde, äo ná májósó ká mbómbu Njambiyá, 20káto Njambiyá ti páàsi nde, mumó má ná ñgbeñ ká mbómbu wená, káto kelna máyasi máte yi mámboñga lápá káà na. Káto siya yasi te yi mámboñga kelá, yo ndi teëya mumó máäeyó máná. 21Ma ndana Njambiyá ká teëye wusá nda yi nyá pásá nde, mumó yakama äá ná ñgbeñ ká mbómbu wená kiná kwaã ná nje mámboñga na. Mámboñga máte yi Móyisi kátima káà náè äotu äe punja málápi má Njambiyá njaã lápó sendi ëete. 22Á nde, Njambiyá páàsi nde, mumó má ná ñgbeñ ká mbómbu wená ná nje tikina temó ká yi Yesus Krist. Njambiyá keàl ëete ná äomó háná te äe tiká temó ká yi Yesus äaka, káto a yeti ká námbá njoka äomó na. 23Yo nde, äomó háná kelma máäeyó, á Njambiyá soñá máluksa máná ká yotu yan. 24Ma Njambiyá ná ñgikwa, ëete a pásima nde, äo má ndana ná ñgbeñ ká mbómbu wená ná gbálate. A kelma ëete ná nje mákolna máte yi Krist Yesus njaã nje koló ná äo káà. 25Njambiyá tókuma Yesus yi nyá ná sadaka, na gwe punjá mákiyó máná yïù soñá ná ñgambi Njambiyá ká máäeyó máte yi äomó kelma káà. Njambiyá soàña ñgambi ná ëete ká yi äotu äete äe tiká temó ká yi Yesus Krist äaka, náà äo äá ná tá. A kwaëya teëye ná nje te yite nde, nyá ná ñgbeñ, káto a gbisimama kiná teëye äomó mábóná ká äeya máyasi máte yi äo kelma mbómbu káà na. Ma ká ñgimó te yókó ndana, a ká teëye äomó nde, nyá ná ñgbeñ. A ká kwaëyá ëiyó ndi ná ñgbeñ, pásó sendi nde, äaka háná äe tiká temó ká yi Yesus äaka má ná ñgbeñ ká mbómbu wená. 27Ma to yasi te yi mumó ta äendiëye ná yotu káte káà äa we? Kiná yaña wátá ná wátá na. Káto ñge? 'Káto kelna yiña kimó mákele? Ko na. Yasi wátá, yo ndi káto tikina temó ká yi Yesus, yeti káto kelna máyasi máte yi mámboñga lápá káà na. 28Káto wusá ká taká gbate nde, Njambiyá páàsi nde, mumó má ná ñgbeñ ká mbómbu wená káto tikina temó ká yi Yesus, yeti káto kelna yasi te yi mámboñga lápá káà na. 29'Yite nde, Njambiyá ndi Njambiyá Äeyudán siyá? 'Nyá yeti sendi Njambiyá te yi yiña mákandó na? IÕ gbate, nyá Njambiyá te yi yiña mákandó sendi, 30káto Njambiyá ndi wátá ná wátá. Yo ndi nyá nyápó sendi ta pásó nde náè äotu äete äe pásina náè äaka äe ti páàsinañgwá äaka ta äá ná ñgbeñ ká mbómbu wená ná nje tikina temó ká yi Yesus Krist. 31Yiká yi wusá lápá káà, 'wusá láàpi ka nde, wusá leêñ mámboñga má Njambiyá káto tikina temó ká yi Yesus? Jaã, yeti ëete na! Wusá ká kpaló lápó nde, mámboñga ná kpasa misi másay máte yi nyá kelá káà.

will be added

X\