PUNJA MÁYASI 4

1Ká kóñ máyasi mánóri, ká mi ma kañá misi, äáña, wátá numáy nyasá ká ëyoäó. Á mi woká mán te yi ma láàpinañgwá ná mbómbu nyá mi káà. Mán te lumsama nda yi mumó tóã ná dómbiya káà. Á mán te lápá nyá mi nde: "Äendó nje woñga, náà mi teëye wá máyasi máte yi yaêkañgwá ëyaã ká kóñte yiri káà." 2Ká kiya ñgimó te á Kimó Sisiñ ëyaã mi, á mi äáñá wátá siya äekumande ká ëyoäó náè wátá mumó mátiëyá káte. 3Mbómbu mó te á äaã mátiëyá káte kó äaã ká panó ná ñgáãy ñgáãy nda kpasa yiña tari nde japi náè sórdiyóñ. Yiña yasi nda yi lumbu tá nó káà linja siya te. Yo äaã ká panó nda kpasa wátá tari nde emerod. 4Yiña másiya äekumande kaäa jó yini linja siya äekumande te yóru. Äetomba kaäa jó yini äaã mátiëyá ká másiya mánóri. Äo äaã ná wumna málambó ká yotu náè máëuñgwá ká to tandá lór. 5Yási mbiyó ëikima pundó ká siya äekumande te. Mámán náè lum mbiyó ëikima wulá sendi mate. Málambo yitan jó yiäa ëikima panó ná kpalele ká puló mbómbu siya te. Málambo máte, yo másisiñ Njambiyá yitan jó yiäa. 6Yiña yasi äaã ká mbómbu siya äekumande te nda mañ. Yo äaã ná ñgálálá, panó ná ñgáãy ñgáãy nda wátá wumna tari nde kirisital. Yiña joñjoñgwá máyasi yini linja siya äekum yinóri tikó ká äembe. Äe joñjoñgwá máyasi mánóri äaã ná mámisi ná kamtana ká yotu háná puló mbómbu náè puló kóñ. 7Bosa joñjoñgwá yasi äoñnama ná dila. Yiäate äoñnama ná mónó nday. Mbómbu te yi yitatite äoñnama ná yi mumó. Joñjoñgwá yasi yinite äoñnama ná mbelá te á ká já kó. 8Joñjoñgwá yasi háná ká njoka äe joñjoñgwá máyasi maka yini äaã ná mápapó yitan jó wátá. Äo äaã ná mámisi ná kamtana ká yotu háná puló puyá náè ká njiõ mápapó. Tu ná yesó äo tïì äá ná ñgimó máwáëya na, say yan ndi lápinate nde: "Kiyó, kiyó, kiyó! Njambiyá te Baba Mbokó á ná ñguñguëyá háná kó kiyó! A äaã kwey káte, a ndana káte, a yima!" 9Äe joñjoñgwá máyasi maka yini ëikima jembina lukse mó te á ká mátiëyá ká siya äekumande kó. Äo ëikima ñganá, nyá wosoko nyá nyá, mó te á ëiyá kpo ná kpo kó. 10Máñgimó háná te yi äo kelá ëete káà, äetomba äaka kaäa jó yini ká kusá máäóñ kótó mbómbu ká mánáti ká mbómbu mó te á ká mátiëyá ká siya äekumande kó. Äo ká kanó yókó á ëiyá kpo ná kpo kó, soñá máëuñgwá man niñgwá ká mbómbu siya äekumande te lápó nde: 11"Baba Mbokó te Njambiyá wusu, yo yakama nde, äo luêksa wá, äo ñgaêna wá, äo duêkwá nde, wá ná ñguñguëyá, káto yo wá kusá máyasi háná! Wá kwaëyá nde, máyasi máte äáêki káte, á wá kusá ná yo."

will be added

X\