MATIYO 13

1Ká kiya yesó te á Yesus pundá ká tuã káè ëiyó ká goñ nyañgwá mató. 2Nyañgwá ñgil äomó njaã wesiëya ká káki ná, á nyá äendá wátá landi ëiyó káte. Ñgil äomó háná äaã ká ñgindi. 3A lápima äuëya máyasi nyá äo ná nje mákanó lápó nde: "Wátá mó äána mbáki kwañma ká ñgwañ yïù káè nyanje kwaló. 4Ká ñgimó te yi nyá äaã ká nyanje kwaló káà, á yiña äalá ká nje, á äenón si nje ëye yo. 5Yiña äalma ká mbáy te yi äaã tandá mátari kiná äuëya gbála mánáti káte káà, á yo lo nádó, káto mánáti tïì äá ëimnate na. 6Yasi wátá, ká yesó ma panó, á yo si nyóló sósó, káto mákañgil máte tïì kumá womaña na. 7Yiña äalma ká mbáy te yi äaã ná máñgombiya káte káà, á máñgombiya juã si ñgañgile yo. 8Yiña kwaló njaã äaló ká kimó mánáti, á yo wumá mámbumó. Kwaló te wátá nya mámbumó gómay, á wátá nyá kamótan jó kamó wátá, á wátá nyá ná kamótati. 9Mó te á ná mátó te yïù wokó páã, a woêku." 10Ndana, á äejeká äená nje ká káki ná diyá nyá nde: "Káto ñge yi wá lápina nyá äo ná nje mákanó káà?" 11Á nyá yeñsa nyá äo nde: "Yo ndi wuná yi Njambiyá nya ëeti te yi duwá máyasi máte yi ma äáàki sóëyate ná mbómbu ká kasi Kandó te yi kwey káà. Yasi wátá, ká äá äo, a tïì nyá yan äo ëeti te yi duwá máyasi máte na. 12Yo nde, pá mó te á má ná yasi kó, äo ta dokiëye sendi yiña yasi nyá nyá, a maà äá ká nyáñgwá. Ma pá yi yókó á kiná yaña kó, äo ta soñá ko mónó yasi te yi nyá nó káà. 13Yi mi lápina nyá äo ná nje mákanó káà, yo káto äo ká äáñá yasi kiná duwá yasi te yi äo äáñá káà na. Äo ká láñgwá mátó ká yasi kiná wokó ho äiye to te na. 14Ëete, mákele man ká tonjá lápi te yi Esayi te mó punja málápi má Njambiyá ma láàpi káà. A lápima nde: 'Wuná ta wokó wokó ná mátó mun, ma ko wuná tïù äiye to te na. Ná ta äáñá äáña ná misi mun, ma ko ná tïù duwá yasi te yi wuná äáñá káà na, 15káto mátemó má äotu äaka má ná äiñäili. Äo ná ñguru wan ma ëiäó mátó man náè misi man. Äo keàl ëete, ma misi man nje äáñá yasi, ma mátó man nje wokó páã, ma temó yan nje námbá máyasi, ma äo nje yeñsa temó, ma mi nje siëyá kón yan.' 16Ma ká yun, wuná ná másosa, káto misi mun ká äáñá yasi, mátó mun ká wokó páã. 17Gbakasi yi mi lápá nyá wuná káà: Äotu äe punja málápi má Njambiyá äuëyate náè äuëya äotu äe Njambiyá kwaëya äáñá máyasi máte yi wuná äáñá muka káà, ko ëete, äo tïì äáñá na. Äo kwaëya wokó máyasi máte yi wuná woká muka káà, ko ëete, äo tïì woká yo na. 18"Ma ndana, wuná woêku to kanó mó äána mbáki. 19Ñgá mumó woká málápi máte yi lápá kasi Kandó te yi kwey kiná äiye to te na, ó äáàña, Mó äeya mákele maà nje si soñá málápi máte yi nyiñma ká temó ná káà. Nje te yi yiña kwaló äalma káte káà teàëya njál mó te mbáte. 20Mbáy te yi äaã tandá mátari yi yiña kwaló äalma káte káà teàëya mó te á woká málápi má Njambiyá jayá yo nádó ná másosa. 21Yasi wátá, a tïì pa lo mágata na. Ëeti sumna kol kikwá yeti na. Ma ñgá nyá sañgwa ná yiña mápóku ho teëye nyá yiña mábóná káto málápi má Njambiyá káà, ó äáàña, a jatiëya kol ká äeya nje. 22Mbáy te yi äaã ná máñgombiya yi yiña kwaló äalma káte káà teàëya mó te á woká málápi má Njambiyá. Yasi wátá, kása temó ká máyasi máte yi ñgimó te yókó náè kasi kusuku te yi ëiki seäile temó äomó káà ma si ñgañgile málápi máte, ó äáàña, málápi má Njambiyá te yi nyá wokuma káà tïù keló se yaña na. 23Ma kimó mánáti te yi yiña kwaló äalma káte káà teàëya mó te á woká málápi má Njambiyá äiye to te kwaã wumó mámbumó. Kwaló mbumó wátá ká nyá mámbumó gómay, wátá ká nyá ná kamótan jó kamó wátá, wátá sendi ká káè nyá kamótati." 24Ká kóñte, á Yesus yekiëye sendi wátá kanó nyá äo lápó nde: "Kandó te yi kwey ká äoñna ná wátá mó te á nyanja kimó kwaló ká ñgwañ ná kó. 25Ma piñó te yi äomó háná äaã ká jakó káà, á mó pendó wená kwaã káè nyanje sendi kwaló äeya mbunjó ká njoka kimó kwaló te yiri tóká kándi kwaã. 26Ma ká nyambi ma lo juã nyá mámbumó káà, á äeya mbunjó ñgbaäiyá sendi ná kamama. 27Ká äotu äe másay äená ma äáñá ëete káà, á äo nje diyá masa wan nde: 'Nyañgwá mbam, 'wá ti ma äáàki kwaló kimó nyambi ká ñgwañ yó na nde? Ma äeya mbunjó te yókó wuàla äa we?' 28Á nyá yeñsa nyá äo nde: 'Yo mbaña mó pendó wombá kelá yasi yinóri.' Á äo diyá nyá nde: ''Wá kwaàëyikwá nde, wusá káên káè sutá äeya mbunjó te soñá?' 29Á nyá yeñsa nde: 'Äá. Ná tïîki, kambó wuná má nje sutá äeya mbunjó gbamó ná kimó nyambi. 30Ná tïîki, náà yo háná juã kumó ká ñgimó soñna nyambi ká ñgwañ. Komá ñgimó te ta yaka káà, mi ta lápó nyá äotu äe soñna nyambi nde: Wuná kaênda sutá äeya mbunjó dokó yo wotó káè loëyá. Ma ká äá kimó nyambi, wuná ndáêm yo káè nyá ká ndam mbá.' " 31Ká kóñte, á Yesus yekiëye sendi wátá kanó nyá äo lápó nde: "Kandó te yi kwey nda wátá kwaló mónó mbumó nde mutar yi wátá mumó äoñma káè äá ká ñgwañ ná káà. 32Mbumó te kwaã yáló ká njoka mákwaló háná te yi ëiyá ká to mánáti. Ma ká yo si lo, yo kpaàl nje juã ëókó kwaã kwaló mányiñó háná nje äá nyañgwá jeti, ó äáàña, äenón ká nje sumó mátuã man ká máäó máte joñna káte." 33Ká kóñte, á nyá yekiëye sendi wátá kanó nyá äo nde: "Kandó te yi kwey nda mónó ñgaã kelna mampa yi nyari äuã sañgwá ná su farin yaka loñga yitati. Mónó ñgaã yinóri ta keló nde, mbóró farin yinóri háná sïîki wuëyá." 34Yesus ëikima lápó máyasi mánóri háná nyá ñgil äomó ná nje mákanó. Ko a tïì äá ká lápina nyá äo kiná nyá kanó na. 35Yo kwañnama ëete yïù tonjá ná málápi máte yi mó punja málápi má Njambiyá lápima káà. A lápima nde: 'Mi ta äutá numbu lápina ná nje mákanó. Mi ta punjá máyasi máte yi äaã sóëyate ná mbómbu kandá ká ñgimó te yi mbokó tïì pa kusuna na.' 36Ndana, á Yesus tiká ñgil kwaã nyiñá tuã. Á äejeká äená nje ká káki ná lápó nyá nyá nde: "Lápó to kanó äeya mbunjó te yi mámiya ñgwañ káà nyá wusá." 37Á nyá yeñsa nyá äo nde: "Mó te á nyanje kimó kwaló kó, yo Mónó Mumó. 38Ñgwañ te yi äo lápá nó káà, yo teàëya ndiñgálá mánáti maka. Kimó kwaló, yo äotu äe Kandó Njambiyá. Äeya mbunjó, yo äotu äe Mó äeya mákele. 39Mó pendó te á nyanja kwaló äeya mbunjó te kó, yo Kum äeya mákele. Ñgimó soñna nyambi ká ñgwañ teàëya siyna mbokó te yókó. Äotu äe soñna nyambi ká ñgwañ, yo äejaki äe Njambiyá. 40Ma máyasi ta kwañna ká siyna mbokó te yókó ndi nda yi äo sutá ná äeya mbunjó äetá ká ëitá káà. 41Mónó mumó ta tomó äejaki äená, äo maà si káè kawule äomó háná te äe jatiëye äásó ká äeya nje náè äotu äete äe kelá máyasi máte yi mámboñga äená káà soñá ká Kandó ëyená. 42Äo maà nje äiye äo äetá ká nyáñ nyáñ ëitá, womáte äo ta leló nyambó másuã. 43Ká ñgimó te yite mbómbu äotu äete äe ná ñgbeñ äaka ta panó ná pay pay nda misi má yesó ká Kandó Sañgwá wan. Ma mó te á ná mátó te yi wokó ná páã kó, a woêku. 44"Kandó te yi kwey nda yiña kpasa yasi te yi äo sóëya ká móy mánáti ká wátá ñgwañ. Á wátá mumó nje sómbó yo. Á nyá yókiëye sóëyá yo ná kókó. Másosa kwañma nyá ká temó, áru á kwaã káè ëyañgwá máyasi máná háná nje äuã móni te äómó ná ñgwañ yinóri. 45"Kandó te yi kwey sendi nda mó ëyañgwa máyasi te á gósá kpasa mádiyamañ. 46Ká nyá ma kweëya wátá yi ëye äuëya móni káà, á nyá kwaã káè ëyañgwá máyasi máná háná nje äómó ná yo. 47"Kandó te yi kwey sendi nda bulajama te yi äo äetima ká mañ, á yo kawule kwaló äenjanjó háná. 48Ká yo si tondó káà, äo ká ëalá yo káè nó ñgindi, äo maà nje kwaã ëiyó mátiëyá, sawá kimó äenjanjó nyá ká mámapi, äetá äe äeya äete. 49Yo ta kwañna sendi ëete ká siyna mbokó te yókó. Äejaki äe Njambiyá ta nje äaká äeya äomó náè ñgbeñ äomó. 50Äo ta äiye äeya äomó äetá ká nyáñ nyáñ mató ëitá. Yo womáte komá äo ta leló nyambó másuã." 51Á Yesus nje diyá äejeká äená nde: "'Ná wokuma ka to málápi háná te yi mi lápima nyá wuná káà?" Á äo yeñsa nde: "IÕ, há wokuma." 52Á nyá nje lápó nyá äo nde: "Mó teëya mámboñga háná á jekima máyasi máte yi äáñá Kandó te yi kwey kó nda sa tuã te á äáñá kusuku ná äuã jónja máyasi náè mánjombu máte ká njokate." 53Ká Yesus ma si siëyá lápina mákanó mánóri ëete káà, á nyá támá womáte kwaã. 54A kwañma káè ká ñgbak ñgbak ëya ëyená. Á nyá ëiki teëye äomó málápi má Njambiyá ká mbanjó máwesiëya má Äeyudán yi äaã womáte káà. Äotu äete äe ëikima wokó yasi te yi nyá teëya káà ëikima ñgbakima lápó nde: "Njál ëyanó te yi mbam kó äá nó náè njál ëeti kelna nyañgwá mákele máte yi nyá nó káà wuàla äa nyá we? 55'Ta á kó na mónó kapinda? 'Nyañgwá wená yeti Mariya na? 'Äemañ yeti äe Jak náè Yosáp náè Simón náè Yude na? 56'Äeëyómbu äená háná yeti waka siná äo na? Ëyanó náè ëeti te yiká háná wuàla nyá we?" 57Ká yan, a äaã yasi te yi njañgwa äo ká temó jatiëye äo ká äeya nje. Yasi wátá, á nyá lápá nyá äo nde: "Äo luàksa mó punja málápi má Njambiyá ká yiña mámbáy, ma äo yáàlkwá nyá ndi ká ëya ëyená náè ká móy kandó ëyená." 58A tïì kelá yiña äuëya nyañgwá mákele womáte na, káto äo tïì tiká temó ká yená na.

will be added

X\