LUKAS 2

1Ká mátu te yite á Sesar Ogust nyá mboñga nde, äo tóêl äomó ká to mánáti máná háná. 2Yo äaã bosa tólna äomó. Yo keàlnañgwá ká ñgimó te yi Kirinus äaã nyañgwá kum ká mánáti má Siri káà. 3Mumó háná kaã káè kátó ëinó ëyená ká ñgbak ñgbak ëya ëyená. 4Á Yosáp támá sendi ká Nasarát ká Galile kwaã káè ká wátá ëya nde Betáláhám ká mánáti má Yuda. Betáláhám äaã ëya kumande Davit. Yosáp kaã mate, káto äená kumande Davit jaëyá ká kiya kandó wátá. 5A kaã káè kátó ëinó ëyená äená Mariya, káto yo äaã kponate nde, äená nyá ta keló gwaki. Ká ñgimó te yite Mariya äaã ná móy. 6Piñó te yi äo äaã ndi mate káà, á ñgimó te yi Mariya ta ja káte káà ëyaã. 7Á nyá ja bosa mónó wená, mónó mbam. Á nyá äóyá nyá ná málambó niñgwá nyá ká móy äokó, káto äo tïì äá ná mbáy ká tuã äejáñgwá na. 8Äotu äe äakiëya äesam äaã ká póku mánáti máte yite ká äakiëye äesam äan ná tu ká móy lóã. 9Á wátá jaki Baba Mbokó ëyaã ká yan. Á nyañgwá májasi má Baba Mbokó paná ká mbáy komá äo ëiyma káà. Á äo gwe wóã äuëyate. 10Á jaki Njambiyá lápá nyá äo nde: "Ná tïî gwaki wóã na, káto mi ká nje lápó kimó tom te yi kandó Isarayál háná ta wokó másosa káte káà nyá wuná. 11Mó te á ta joñgwá wuná kó jaëya muka ká ëya Davit, nyá Krist, nyá Nyañgwá Kumande. 12Yasi te yi wuná ta duwá nó káà, yo nde: Wuná ta äáñá jónja mbóñgó mónósiká äóynate ná málambó. Äo niñgwa nyá ká móy äokó." 13Äo seàm semó, nyañgwá ñgil äejaki äe Njambiyá ëyañma doló jaki te yóru. Á äo kaná Njambiyá lápó nde: 14'Máluksa ná Njambiyá pá kwey! Táte ëïîy ná äotu äete äe Njambiyá kwaëyá ká mánáti maka äaka!' 15Ndana, ká äejaki äe Njambiyá ma tikó äo ëuwá káè ëyoäó káà, á äotu äe äakiëya äesam lápá tandá yan nde: "Wusá káên pálá Betáláhám káè äáñá yasi te yi kwañnama mate káà, yasi te yi Baba Mbokó lápima nyá wusá káà." 16Á äo támá nádó kwaã. Äo dolma Mariya äená Yosáp, doló sendi jónja mbóñgó mónósiká niñgwate ká móy äokó. 17Ká äo ma si äáñá nyá káà, á äo yekiëye máyasi máte yi äo wokuma ká kasi mónó te káà nyá äomó. 18Äomó háná äe wokuma máyasi máte yi äotu äe äakiëya äesam yekiëya káà ñgbakimama. 19Mariya äakiëya ná máyasi máte ká móy temó ná taká gósó to te. 20Ká kóñte, á äotu äe äakiëya äesam yókwá. Äo luksa Njambiyá äesá sendi nyá, káto máyasi máte yi äo wokuma náè yi äo äáñma káà äaã ndi nda yi jaki Njambiyá lápima nyá äo káà. 21Äo yama mátu yitan jó yitati ká kóñ jariki. Á äo pásá mónósiká, á äo lo nyá nde Yesus, ëinó te yi jaki Njambiyá nya, yite nyañgwá ná mónósiká tïì pa äuã móy ná na. 22Ndana, ká mátu má nyána sadaka yi pupuëya yan ká misi má Njambiyá ma yaka äeñgwá mámboñga má Móyisi káà, á Yosáp äená Mariya äuã mónósiká káè nó Yerusalám káè nyá Baba Mbokó. 23Yo äaã kátinate ëete ká mámboñga má Baba Mbokó nde: 'Bosa mónó mbam te á kandá jaëyá ká móy nyañgwá kó ta äá á Baba Mbokó.' 24Äo kaã sendi káè nyá sadaka nda yo kátinate ká mámboñga má Baba Mbokó káà: 'Äebondo yiäa ho sónjó äepepó yiäa.' 25Wátá mbam äaã ká Yerusalám, ëinó ëyená nde Simeyóñ. A äaã ñgbeñ mumó. A äaã ká äakiëye mámboñga má Njambiyá, tikó temó ná ká ñgimó te yi Njambiyá ta joñgwá ná kandó Isarayál káà. Kimó Sisiñ äaã sendi ká nyá. 26Kimó Sisiñ teàëya nyá nde, a tïù gwe kiná pa äáñá Krist te á Baba Mbokó ta njesá kó na. 27Ëiyó káà, á Kimó Sisiñ pusá nyá kánjá ká mbanjó Njambiyá. Ká kiya ñgimó te sañgwá ná Yesus äená nyañgwá äoñma nyá yïù tonjá máyasi máte yi mámboñga ëikima diyá káà. 28Á Simeyóñ äuã mónósiká äiye ká máäó nyá Njambiyá wosoko lápó nde: 29"Sa Mbokó, ndana tikó mó másay wó, na kwaã ná tá nda yi wá kpoma káà, 30káto misi mámbá ma äáñá nda yi wá ta joñgwá ná äomó káà. 31Wá kombila yo ëete, náà mákandó háná äáñ. 32Wá paniya májasi, náà mákandó duwá wá yïù nyá sendi kandó ëyó Isarayál máluksa." 33Sañgwá ná Yesus äená nyañgwá wená ñgbakimama máyasi máte yi Simeyóñ lápima ká kasi ná káà. 34Simeyóñ nya äo mákombila. Á nyá nje lápó nyá Mariya, nyañgwá ná Yesus nde: "Dukwá nde, Njambiyá njesa mónó káà, náà äomó äuëyate yambile ká njoka kandó Isarayál, sendi náà äomó äuëyate juã ká njoka yan. A ta nje äá yasi te yi ta teëye nde, äomó ta äiye máso ná Njambiyá. 35Ma nyari, ká yó, wá ta sañgwa ná mábóná nda yi äo äuã kafa luã ná mumó ká temó káà. Yo ta kelna ëete, náà mátaká máte yi ëiyá ká móy temó äuëya äomó káà pundu puyá." 36Yo äaã sendi ná wátá nyari mó punja málápi má Njambiyá, ëinó ëyená äaã nde Ana, mónó Fanuwál ká kandó Asár. A ma jombá äuëyate. Mbam te á dolma nyá keló gwaki äená nyá kó kelma ndi másew yitan jó yiäa äená nyá, 37á mbam te gwe, á nyá tika kusó. Ndana a má ná másew kamótan jó kamótati jó yini. A tïì äá ká äaka ná mbanjó Njambiyá na. A ëikima keló másay nyá Njambiyá tu ná yesó, kiyó máëye ñgwáta ná Njambiyá. 38Ká kiya ñgimó te yite á Ana ëyaã. Á nyá lukse Baba Mbokó, yekiëye sendi kasi mónó ká nyá äotu äete äe äaã ká laëye ñgimó te yi Njambiyá ta koló ná Yerusalám káà. 39Ká äo ma si keló máyasi háná te yi mámboñga má Baba Mbokó lápá káà, á äo nje ëuwá káè ëya ëyan ká Nasarát ká Galile. 40Mónósiká äaã ká ëókó. A äaã ká äuã ëeti, äá sendi ná ëyanó äuëyate. Njambiyá nya temó ká yotu ná. 41Másew háná sañgwá ná Yesus äená nyañgwá ëikima káè Yerusalám ká jesó Paska Äeyudán. 42Ká Yesus ma kumó másew kamó jó yiäa káà, á äená äo káè Yerusalám ká jesó Paska äeñgwá mámboñga má jesó. 43Ká jesó ma siyó káà, á sañgwá äená nyañgwá tóká nje yïù ëuwá. Yasi wátá, á mónósiká tika ká Yerusalám, äesañgwá kiná duwá na. 44Äo takima yan nde, a äaã ká njóñ kándi. Á äo kándá ndiñgálá yesó wátá siëyá. Ndana, á äo kandá sañna ná ká njoka äejaëyá äan náè äesó äan. 45Ká äo ma saã nyá kiná doló káà, á äo yókwá ná kókó káè ká Yerusalám káè saã nyá mate. 46Ya mátu yitati ká kóñte, á äo káè doló nyá ká mbanjó Njambiyá. A äaã ká ëiyó ká njoka nyañgwá äotu äe duwaã mámboñga láñgwá mátó ká máyasi máte yi äo äaã ká lápó káà, diyá sendi äo mádiyan. 47Äomó háná äe äaã ká wokó máyasi máte yi nyá äaã ká lápó náè yeñsa mádiyan te yi nyá ëikima yeñsa káà kambima ëyanó ëyená. 48Ká sañgwá äená nyañgwá ma äáñá nyá káà, á äo ñgbakima äuëyate. Á nyañgwá lápá nyá nyá nde: "Mónmbá, ñge yi wá kelma ná wusá ëeká káà? Siná sóñgwá gwaã kañ äuëyate ká sañna yó." 49Á nyá nje yeñsa nyá äo nde: "Wuná äaã ká saã mi káto ñge? 'Wuná tïì duwá nde, mi yaêkañgwá ëiyó ká tuã Sañmbá na?" 50Yasi wátá, äo tïì woká to yasi te yi nyá lápima nyá äo káà na. 51Ká kóñte, á nyá siliyá äená äo yókwá káè Nasarát. A äaã ká jásó äesañgwá. Nyañgwá äaã ká taká máyasi máte háná ká móy temó ná. 52Yesus äaã ká ëókó, ëyanó äaã ká nje nyá sendi. Njambiyá náè äomó nya temó ká yotu ná.

will be added

X\