JAÑ 18

1Ká Yesus ma si lápina ëete káà, á nyá pundá kwaã äená äejeká äená káè ká ñginjá mónó soy te yi Sedróñ. Wátá ñgwañ äaã womáte, á Yesus kwaã nyiñá móy ñgwañ äená äejeká äená. 2Yudas, mó te á ta ëyañgwá nyá kó duwaã sendi mbáy yinóri, káto Yesus äená äejeká äená ëikima káè wesiëya mate. 3Á Yudas äuã njóñ äesója náè äotu äe äakiëya mbanjó Njambiyá ëyaã nó. Yo äe äekum äe äotu äe nyána sadaka nyá Njambiyá náè Äefarisáã tomá äo. Äo kaã ná málambo náè mányan náè májólá má ëyambi. 4Yesus ma duwá yasi háná te yi yaêkañgwá ëyaã nyá káà. Á nyá káè ká mbómbu yan diyá äo nde: "Wuná saàñ nda?" 5Á äo yeñsa nyá nyá nde: "Wusá saàñ Yesus te mó Nasarát." Á nyá lápá nyá äo nde: "Yo mi." Yinóri Yudas mó te á ta ëyañgwá nyá kó äaã äená äotu äenóri. 6Ká Yesus ma lápó nyá äo nde: 'Yo mi' káà, á äo yókwá ná kóñ äaló ká mánáti ná mbelele. 7Á Yesus äasiëye diyá äo nde: "Wuná saàñ nda?" Á äo lápá nde: "Wusá saàñ Yesus te mó Nasarát." 8Á nyá yeñsa nde: "'Mi tïì si lápó nyá wuná nde, yo mi na? Ñgá äá nde, wuná saàñ mi, wuná tïîki äotu äete äaka, náà äo kwaã." 9A láàpi ëete, náà lápi te yi nyá ma láàpi káà si tondu. A ma láàpi nde: 'Ká njoka äotu äete yi wá nya mi äaka, mi tïì kelá nde, wátá ná wátá yaêmbila na.' 10Simón Piyár äaã ná kafa. Á nyá sutá yo kótó ná mó másay má nyañgwá kum äotu äe nyána sadaka nyá Njambiyá pásó tó ná á mbam äó äetá ká mánáti. Ëinó mó másay te äaã nde Malkus. 11Á Yesus lápá nyá Piyár nde: "Yókiëya kafa yó sómó ká äambi te. 'Wá taàka ka nde, mi ëïîy kiná hóäiye peló mábóná te yi Da nya mi nde, mi hóêäiya káà?" 12Ndana, á äesója náè nyañgwá kum äesója náè Äeyudán äete äe ëikima äakiëye mbanjó Njambiyá äaka nje äiye Yesus wotó nyá. 13Á äo äuã nyá pa káè nó ká yi Hana te ki ná Kayif. A äaã nyañgwá kum äotu äe nyána sadaka nyá Njambiyá ká sew te áte. 14Yo Kayif te á nya Äeyudán ñgitá lápó nde: 'Yo kimóte nde, mumó wátá gwaêki ká numbu kandó.' 15Simón Piyár äená wátá jeká äaã ká äeñgwá Yesus. Nyañgwá kum äotu äe nyána sadaka nyá Njambiyá duwaã jeká te kimóte. Á jeká te nyiñá ká tuã nyañgwá kum äotu äe nyána sadaka nyá Njambiyá äená Yesus. 16Yasi wátá, á Piyár tika ká numáy ndoko. Á jeká te á nyañgwá kum äotu äe nyána sadaka nyá Njambiyá duwaã kó pundá káè lápina nyá nya te á äaã sana mate á äaã ká äakiëye numáy kó. Á jeká te nyinje Piyár ká móy ndoko. 17Á nya te nje ëiyó lápó nyá Piyár nde: "'Wá yeti sendi gba wátá jeká mbam kó na?" Á Piyár lápá nde: "Ko na." 18Ëuku äaã ká kwaã, á äotu äe másay äená äotu äe äakiëya mbanjó Njambiyá joñgwá ëitá ná máma má ëitá kwaã wátina. Á Piyár kwaã sendi ëiyó ká njoka yan wátina ëitá äená äo. 19Ndana, á nyañgwá kum äotu äe nyána sadaka nyá Njambiyá kandá diyna Yesus mádiyan ká kasi äejeká äená náè ká kasi yasi te yi nyá ëikima teëye äomó káà. 20Á nyá yeñsa nyá nyá nde: "Mi ëikima lápina ná gbas gbas nyá äomó ká puyá. Mi ëikima teëye äomó málápi má Njambiyá kpo ná kpo ká mbanjó máwesiëya náè ká mbanjó Njambiyá ká mbáy te yi Äeyudán háná ëiki wesiëya káà. Mi tïì lápá yiña yaña sóëyate na. 21Káto ñge yi wá diyá mi mádiyan káà? Diya äotu äete äe wokuma mi ká lápina äaka, náà äo lápi yasi te yi mi lápima nyá äo káà. Äotu äete duwaã yasi te yi mi lápima káà kimóte." 22Ká Yesus ma lápó ëete káà, á wátá mó äakiëya mbanjó Njambiyá te á äaã ká káki ná kó nyá nyá äanji ká pokó lápó nde: "'Yo ëete yi wá yeñsa nyá nyañgwá kum äotu äe nyána sadaka nyá Njambiyá?" 23Á Yesus lápá nyá nyá nde: "Ñgá äá nde, mi lápinama äeyate, teëya yasi te yi mi lápima äeyate káà. Ma ñgá äá nde, mi lápinama kimóte, wá njaàki nyá mi äanji ká pokó káto ñge?" 24Á Hana nje kwañëye Yesus ndi wotunate kánjá Kayif te nyañgwá kum äotu äe nyána sadaka nyá Njambiyá. 25Ká ñgimó te yinóri Simón Piyár äaã ndi womáte ká wátina ëitá. Á äo lápá nyá nyá nde: "'Gba wá sendi yeti wátá jeká wená na?" Á nyá toná lápó nde: "Ko na." 26Á wátá mó másay má nyañgwá kum äotu äe nyána sadaka nyá Njambiyá á äaã ná jaëyá äená mbam te á Piyár pásima tó ná kó lápá nde: "'Mi tïì äáñá gba wá wuàná nyá ká ñgwañ na?" 27Á Piyár toná sendi, yaka ná mbam kuäá ká kókó. 28Ká kóñte, á äo äuã Yesus wulá nó káè yi Kayif káè nó ká tuã Pilat te nyañgwá kum. Yinóri yo äaã äemáñmáná ná sut. Äo ná ñguru wan tïì nyiñá móy tuã na, kambó yo má nje äá yasi sámbó ká yan, äo má nje ëiyó kiná ëye máëye má jesó Paska yan na. 29Á Pilat pundá káè doló äo mate lápó nde: "Yo kwaló äeya yasi te nda yi wuná lápá nde, mbam kó kelma káà?" 30Á äo yeñsa nyá nyá nde: "A maà ëiy kiná äá nyañgwá mó kelna äeya mákele na, ma wusá tïì äuã nyá kañá nyá wá na." 31Á Pilat lápá nyá äo nde: "Wuná ná ñguru wun äoêñ nyá káè pásó lápi ná äeñgwá mámboñga mun." Á Äeyudán yeñsa nyá nyá nde: "Mámboñga musu yeti ká nyá wusá ëeti nde, wusá woêku mumó na." 32Äo lápinama ëete, náà lápi te yi Yesus lápima ká kasi kwaló sóñ te yi nyá yaêkañgwá sañgwa nó káà si tondu. 33Ndana, á Pilat yókwá ná kókó nyiñá tuã jeäa Yesus diyá nyá nde: "'Yo wá, kumande Äeyudán?" 34Á nyá yeñsa nyá nyá nde: "'Yo wá ná ñguru wó lápá ëete, ho nde, äaña äomó lápá ëete nyá wá ká kasi mbá?" 35Á Pilat yeñsa nyá nyá nde: "'Wá äáñma nde, mi Äeyudán? Yo äotu äe kandó yó náè äekum äe äotu äe nyána sadaka nyá Njambiyá äuã wá kañá nyá mi. Wá kelma yasi te nda?" 36Á Yesus yeñsa nde: "Kandó ëyembá ti wuàla ká mánáti maka na. Kandó ëyembá maà wula ká mánáti maka, ma äotu äe másay äembá loñma ëyambi káto mbá, kambó äomó má nje äuã mi nyá ká móy máäó má Äeyudán. Yasi wátá, Kandó te yembá ti wuàla ká mánáti maka na." 37Á Pilat diyá nyá nde: "'Wá gbate kumande?" Á Yesus yeñsa nde: "Yo nda yi wá lápá káà, mi kumande. Mi jaëya, mi njaã ká mánáti maka yïù nje teëye äomó máyasi ká kasi gbakasi. Mumó háná á äeñgwá lápi te yi äá gbakasi ká wokó yasi te yi mi lápá káà." 38Á Pilat diyá nyá nde: "Gbakasi, yo ñge?" Ká Pilat ma si lápó ëete káà, á nyá äasiëye pundó káè doló Äeyudán lápó nyá äo nde: "Mi tïì dolá mbá yiña májósó ká yotu mbam kó yi yakama keló nde, a sóêmbu mábóná káto te na. 39Yasi wátá, yo má ká mákiyó mun nde, ká jesó Paska yun háná, mi káê soña äó ná wátá mó jóäó yókiëye nyá nyá wuná. 'Ëete, wuná kwaàëyikwá nde, mi soêña äó ná kumande Äeyudán yókiëye nyá nyá wuná?" 40Á äo kala kembiëya lápó nde: "Äá, yeti nyá na! Há kwaàëyikwá su Barabas." Barabas äaã nyañgwá mó äeya mákele.

will be added

X\