JAÑ 13

1Misi pupá yo äaã nde, äo ta keló jesó Paska. Yesus duwaã nde, ñgimó ná ma ëyaã, ñgimó te yi nyá ta ëuwá nó ká mánáti maka káè pá yi Da. A äaã ká kwaëyá äotu äená äe äaã ká mánáti maka äaka mátu háná. A kwaëya äo kumó ká njena mátu máná ká mánáti. 2Yesus äaã ká ëyena äená äejeká äená äekoko. Yinóri Kum äeya mákele ma nyá äeya mátaká ká temó Yudas te mónó Simón Iskariyot nde, a ëyaêñgwá Yesus. 3Yesus duwaã nde, Da ma nyá nyá ëeti te yi namó máyasi háná. A duwaã sendi nde, a wuàla ká yi Njambiyá nje nó, a ta yókwá káè pá yená. 4Á nyá támá ká mbáy máëye soñá nyañgwá lambó te yi äaã ká yotu ná káè tikó ná nañ. Á nyá äuã yiña kum lambó wotó ká jon. 5Ndana, á nyá äuã móróku kumbá ká wátá pan nyá äó ká weyna mákol má äejeká äená nje titó ná kum lambó te yi äaã ká jon ná káà. 6Á nyá nje kumó ká yi Simón Piyár. Á Simón Piyár lápá nyá nyá nde: "Nyañgwá Kumande, yo gba wá ká kwaëyá weyá mákol mámbá?" 7Á Yesus yeñsa nyá nyá nde: "Wá yeti ká äiye to yasi te yi mi kelá ndana káà na, yasi wátá, wá ta nje äiye yo wátá yesó." 8Á Piyár lápá nyá nyá nde: "Ko wá tïù weyá mákol mámbá wátá yesó na." Á Yesus yeñsa nyá nyá nde: "Ñgá mi ti weyá mákol mó na, nam siyma siná wá." 9Á Simón Piyár lápá nyá nyá nde: "Nyañgwá Kumande, wá tïî weya ndi mákol siyá na, weya sendi máäó náè to." 10Á Yesus nje lápó nyá nyá nde: "Ñgá mumó si weya ná yotu háná, siya yasi te yi nyá yaêkañgwá keló ká kóñte, yo ndi weyna gbála mákol, káto yotu ná má pupunate. Ma wuná má yun pupunate. Yasi wátá, yeti wuná háná na." 11Yo nde, Yesus duwaã mó te á ta ëyañgwá nyá kó, yori yi nyá lápima nde: 'Wuná háná yeti pupunate' káà. 12Ndana, ká Yesus ma si weyá mákol man káà, á nyá tóká lambó ná láñá nje kwaã ëiyó ká mbáy máëye lápó nyá äo nde: "'Wuná äiyma to yasi te yi mi kelma ndana ná wuná káà? 13Yi wuná jeäa mi nde yekele ho nde kumande káà, yo gbakasi, mi gbate yekele náè kumande. 14Ma ñgá äá nde, mi kumande, mi yekele weyma mákol mun, wuná sendi, wuná yaêkañgwá weyá mákol mun tandá yun. 15Yo nde, mi teëya wuná nda yi wuná yaêkañgwá keló káà, náà wuná kel sendi nda yi mi kelma ná wuná káà. 16Gbakasi yi mi lápá nyá wuná káà: Kiná wátá mó másay á kwañma masa wená na. Sendi, kiná wátá mó te yi äo tomá nyá tomó kwañma mó te á tomma nyá kó na. 17Nda wuná ma duwá ëete káà, ñgá wuná kelá ëete, wuná ta äá ná másosa. 18"Mi ti láàpi ná wuná háná na, mi duwaã gba äotu äete äe mi tókuma äaka. Yasi wátá, málápi máte yi yo kátinate ká mákana má Njambiyá káà yaêkañgwá si tondó. Yo kátinate nde: 'Mó te yi siná nyá ëyena ndi wátá kó äoñma ëyambi suñgwá ná mi.' 19Ma yoká yi mi kandá lápó ndana nyá wuná ká ñgimó te yi äeya yasi tïì pa ëyaã káà. Simande ká ñgimó te yi yo ta ëyaã káà, náà wuná tiki temó nde, yo mi mó te yi mi ëikima lápó nó kó. 20Gbakasi yi mi lápá nyá wuná káà: Mó te á äuã mumó háná te yi mi tomá kó kimóte, mó te äoàñ mi. Sendi, mó te á äuã mi kimóte, mó te äoàñ Mó te á tomma mi kó." 21Ká Yesus ma si lápó ëete káà, temó ná tïì äá ná tá ká kóñte na, á nyá lápá ná sañsañ nde: "Gbakasi yi mi lápá nyá wuná káà: Wátá mumó ká njoka yun ta ëyañgwá mi." 22Á lápi äaná äejeká, á äo äáñna tandá yan ná hálá hálá hálá kiná duwá mó te yi nyá lápá nó kó na. 23Yinóri wátá jeká te yi Yesus ëikima kwaëyá äuëyate kó äaã mátiëyá ká mbáy máëye ká káki Yesus. 24Á Simón Piyár yásiëyá misi nyá nyá nde, a dïîya Yesus, na lápi mó te yi nyá lápá nó kó. 25Á jeká te láñgwá yotu kánjá puló Yesus diyá nyá nde: "Nyañgwá Kumande, wá láàpi yasi ká ná nda?" 26Á Yesus yeñsa nde: "Mó te yi mi ta äuã mampa tópá ká mbe njay kañá nyá nyá kó, mó te ru." Á nyá äuã mampa tópá ká mbe njay kañá nyá Yudas te mónó Simón Iskariyot. 27Ká Yesus ma kañá ndi yo nyá nyá ëeká káà, á Satan nyiñá temó Yudas. Á Yesus nje ëiyó lápó nyá nyá nde: "Yasi te yi wá taká keló káà, keló yo nádó." 28Ko mumó wátá ná wátá ká njoka äotu äete äe äaã ká mbáy máëye äaka tïì äiye to lápi te yi nyá lápima nyá Yudas káà na. 29Yo nde, äaña takima nde, nda yo Yudas äakiëye kpoñgi móni káà, Yesus láàpi yari nyá nyá nde, a äóêm máyasi máte yi yo ta kamá äo ká jesó káà, ho nde, a nyáêki yiña yasi nyá äotu äe ñgwátá. 30Ká Yudas ma kánjá ndi äó äiye ná mampa yinóri káà, á nyá pundá ná put kwaã. Yo äaã ná tu. 31Ká Yudas ma si pundó kwaã káà, á Yesus lápá nde: "Ndana Njambiyá ma punjá máluksa má Mónó mumó. Sendi, Njambiyá ma punjá máluksa máná ná ñguru wená ná nje Mónó. 32Ñgá äá nde, Njambiyá ma punjá máluksa máná ná ñguru wená ná nje Mónó, a ta punjá máluksa má Mónó ká yotu ná, Njambiyá ná ñguru wená. Ñgimó te yi nyá ta punjá ná máluksa má Mónó káà äukwaã ná mbát. 33Wuná äónó, mi ndi ná mónó ñgimó ná mbát yïù kwañëye siná wuná. Wuná ta saã mi. Mi lápima nyá Äeyudán nde, wuná yeti ná ëeti te yi káè ká mbáy te yi mi káè káte káà na. Yo ndi kiya málápi máte yi mi lápá sendi ndana nyá gba wuná káà. 34Mi ká nyá wuná jónja mboñga, yo nde: Wuná kwaêëyañgwá tandá yun nda yi mi kwaëya ná wuná káà. Wuná sendi, wuná kwaêëyañgwá ëete. 35Ñgá wuná kwaëya tandá yun, äomó ta duwá nde, wuná äejeká äembá." 36Á Simón Piyár lápá nyá nyá nde: "Nyañgwá Kumande, yite nde, wá káàn we?" Á Yesus yeñsa nyá nyá nde: "Wá yeti ná ëeti te yi äeñgwá mi ká mbáy te yi mi káè káte ndana káà na, yasi wátá, wá ta disó äeñgwá mi ká yiña máñgimó." 37Á Piyár lápá nyá nyá nde: "Nyañgwá Kumande, ñge ta suñó nde, mi tïù äeñgwá wá ndana káà? Mi nádó te yi nyá joñgwá ëyembá káto yó." 38Á Yesus yeñsa nde: "Wá láàpi gba nde, wá nádó te yi nyá joñgwá ëyó káto mbá nde? Gbakasi yi mi lápá nyá wá káà: Wá ta tonó kumó máñga yitati nde, wá yeti ká duwá mi na, mbam kuäá maà nje kókó njimá."

will be added

X\