JAÑ 12

1Piñó te yi jesó Paska äukwaã mátu yitan jó wátá, á Yesus kwaã káè ká Betani, ká ëya te komá Lasar te yi nyá joñgwa ká njoka äemuñ kó ëikima ëiyó káà. 2Kumó mate, á äo kelá máëye jeäa ná nyá. Marta äaã ná másay má kaäina máëye nyá äomó. Lasar äaã sendi ká njoka äotu äete yi äo äaã ká mbáy máëye äená äe Yesus äaka. 3Ëiyó káà, á Mariya äuã wátá ndaki ná yiña lóbinda te yi ëye äuëya móni yaka lita ká äembe. Yo äaã ná sáñgáláñ, äo tïì pa pulá yo ná yiña yasi na. Á nyá äuã nje lómbá ká mákol má Yesus kwaã titó yo ná nyiñó to ná. Á tul te si ñgañgile ndiñgálá tuã. 4Á Yudas Iskariyot te wátá jeká Yesus, yókó á ta ëyañgwá nyá kó lápá nde: 5"Káto ñge yi äo tïì ëyañgwá lóbinda te yiká yi yaka äuyó móni te yi äo gbo ná mó másay ká mátu másay gómay yitati yïù kamá ná äotu äe ñgwátá káà?" 6Yinóri yi Yudas lápima káà, yo yeti káto a ná kasi ná äotu äe ñgwátá na. A láàpi ëete, káto nyá mó guäó. Yo nyá ëiki äakiëye kpoñgi móni. A ëikima nyá äó ká yasi te yi äo ëikima komó ká móyte káà. 7Á Yesus nje lápó nde: "Pa tikó nyá ná sám. Tikó, na äakiëye yo laëye ná yesó te yi äo ta nyá ná mi ká äoñsóñ káà. 8Yo nde, wuàná äotu äe ñgwátá ká ëiyó mátu háná ká kiya mbáy. Ká äá mi, mi tïù ëiyó mbá siná wuná ká kiya mbáy mátu háná na." 9Äeyudán äuëyate wokuma nde, Yesus womáte ká Betani. Á äo káè, yeti ndi káto Yesus nyápó na, yasi wátá, äo kaã sendi, náà äo káè äáñ Lasar te yi Yesus joñgwa ká njoka äemuñ kó. 10Ndana, á äekum äe äotu äe nyána sadaka nyá Njambiyá nyá ñgiñ nde, äo ta wo sendi Lasar, 11káto nyañgwá mákele máte yi kelnama ká yotu ná káà ká keló nde, äuëya Äeyudán tuêm kóñ ndana ná äo tikó temó ká yi Yesus. 12Misi pupá nyañgwá ñgil äete äe njaã ká jesó Paska äaka wokuma nde, Yesus ká nje ká Yerusalám. 13Á äo pásá mbóru mábaña yïù káè sosa ná nyá. Á äo ëiki kembiëya nde: "Hosana! Baba Mbokó nyáêki mákombila nyá yókó á nje ná ëinó ëyená nje namó kandó Isarayál kó!" 14Yesus dolma wátá mónó tofu, á nyá äendá nyá ëiyó te äeñgwá yasi te yi yo kátinate ká mákana má Njambiyá káà. 15Yo kátinate nde: 'Ñgóndu Siyóñ,f1 wá tïî kambi yaña na. Äáña kumande wó äendima mónó tofu yïù nje nó.' 16Ká ñgimó te yinóri äejeká äe Yesus tïì woká to máyasi máte yi äaã ká kwañna káà na. Yasi wátá, ká Yesus ma nje yókwá ká ëyoäó äuã máluksa máná káà, á äo nje taká duwá nde, yasi te yi mákana má Njambiyá ëikima lápó nó káà äaã ká kasi ná. Äo njaã duwá sendi nde, gba máyasi máte yi äo kelma káà, äo kelma yo káto ná. 17Ká ñgimó te yi Yesus jeäama ná Lasar joñgwá ká njoka äemuñ punjá ká äoñsóñ káà, äuëya äomó äaã káte. Á äo ëiki yekiëye yasi te yi äo äáñma káà. 18Yo káto te yite yi ñgil äomó kaã káè sosa nyá káà. Äo wokuma kasi máyekambiyá mánóri yi nyá kelma káà. 19Ndana, á Äefarisáã lápá tandá yan nde: "Ná äáêña, yasi te yi wuná yakama keló sendi ndana yeti se na. Äomó háná ma lekwá káè ká kóñ ná." 20Äaña Äegrák äaã ká njoka äotu äete äe kaã ká Yerusalám yïù káè kanó Njambiyá ká jesó Paska äaka. 21Á äo káè ká yi Filip te mó Betsayda ká Galile. Á äo ñgwáta ná nyá lápó nde: "Nyañgwá mbam, wusá ká kwaëyá äáñá Yesus." 22Á Filip káè lápó nyá Andere, á äo háná yiäa nje kwaã káè lápó nyá Yesus. 23Á Yesus yeñsa nyá äo nde: "Ñgimó ma ëyaã, ñgimó te yi Njambiyá ta punjá ná máluksa má Mónó mumó yáy. 24Gbakasi yi mi lápá nyá wuná káà: Ñgá mbumó mbusa tïì pa káè ká mánáti pa gwe na, yo ta äóná ndi wátá. Ma yasi wátá, ñgá yo pa gwe, yo ta nje wumó äuëya mámbumó. 25Mó te á kwaëyá kambiëya ná joñgwá ëyená ná ñgom ñgom kó ta ëimbiëye yo. Ma yókó á ëiyá kiná kambiëya ná joñgwá ëyená ná ñguru wená kó ta äá ná joñgwá te yi kpo ná kpo. 26Mumó háná á kwaëyá keló másay nyá mi, mó te yaêkañgwá äeñgwá mi. Ká mbáy te yi mi ëiyá káte, mó másay wombá ta ëiyó sendi káte. Ñgá mumó kelá másay nyá mi, Da ta lukse nyá. 27"Ndana temó mbá ëeká ná haäuäu, mi duwaã nde, mi ta lápó ná ñge? 'Mi láàpi ka nde: Da joñgwá mi ká yasi te yi kwaëyá ëyaã mi ndana káà? Ko na, káto yo káto te yite yi mi njaã nó ká mánáti maka. 28Da, keló nde, äomó luêksa ëinó ëyó." Ndana, á äo woká yiña mán ká wulá ëyoäó lápó nde: "Mi ma keló nde, äomó luêksa ëinó ëyembá. Mi ta äasiëye keló nde, äo luêksa sendi yo." 29Ñgil äotu äete äe äaã womáte wokó mán yinóri äaka lápima nde: "Mbiyó lumma." Äaña nde: "Wátá jaki Njambiyá lápinama nyá nyá." 30Á Yesus yeñsa nde: "Mán te yi lápinama wulá ëyoäó káà ti láàpinañgwá káto mbá na, yo láàpinañgwá káto yun. 31Ñgimó te yi Njambiyá ta pásó ná jósi äotu äe mánáti maka káà ma ëyaã. Ndana Njambiyá ta ëuëye Kum mánáti maka soñá. 32Pá yembá, ká äo si ñgba mi ká jeti támbiëye ká kwey, mi ta ëulá äomó háná njesá ká yembá." 33Yesus láàpi yinóri yïù teëye ná kwaló sóñ te yi nyá ta sañgwa nó káà. 34Á ñgil äomó yeñsa nyá nyá nde: "Wusá wokuma su ká mákana má mámboñga má Njambiyá nde, Krist ta ëiyó kpo ná kpo. Ma nan yi wá nje lápó yó nde, äo yaêkañgwá ñgba Mónó mumó ká jeti támbiëye ká kwey káà? Mónó mumó te áte äa nda?" 35Á Yesus nje lápó nyá äo nde: "Májasi ndi ká njoka yun yi yaka mónó ñgimó. Piñó te yi yo ndi ká panó ëete káà, wuná káêndi ká puyá te, kambó yitil má nje ñgbaká wuná. Yo nde, mó te á kándá ká móy yitil kó káàndi tukute. 36Ká ñgimó te yi májasi ndi ká panó ká njoka yun káà, wuná tïîki temó ká májasi máte, náà wuná äá äotu äe májasi." Ká Yesus ma si lápó máyasi mánóri káà, á nyá kwaã ëuwá womáte káè mbómbu yan káè sóma. 37Ko äákó nde, a kelma äuëya máyekambiyá ëete ká misi má äomó, äo tïì tiká temó ná nyá na. 38Yo kwañnama ëete, náà málápi máte yi Esayi te mó punja málápi má Njambiyá lápima káà si tondu. A lápima nde: 'Baba Mbokó, ma nda tikima temó ká yasi te yi wusá lápima káà? Sendi, 'Baba Mbokó teàëya nda ëeti ná?' 39Ko, ma äo ti yaka tikó temó na, káto lápi te yi Esayi lápima sendi káà. A lápima nde: 40'Njambiyá ma ëiäó misi man, ëesá mátemó man, kambó äo má nje äáñá máyasi, äo má nje äá ná ëyanó, äo má nje yeñsa temó, ma nyá nje siëyá kón yan.' 41Esayi njaàki lápó máyasi mánóri ká kasi Yesus, káto a äáñma máluksa máná. 42Ko äákó ëete, äaña Äeyudán äuëyate tikima temó ká yi Yesus. Yasi wátá, äo tïì jayá punjá yo ká misi má äomó na, kambó Äefarisáã má nje lápó nde, äo tïî nata se mbanjó máwesiëya na. 43Äekum Äeyudán äaka kelma ëete, káto äo kwaëya nde, äomó luêksa äo kwaã máluksa máte yi Njambiyá yakama lukse ná äo káà. 44Ndana, á Yesus lápá ná mán ká kwey nde: "Mó te á tiká temó ná mi, mó te ti tïùki temó ná mi na, yo nde, a tïùki temó ná Mó te á tomma mi njesá kó. 45Sendi, mó te á äáñá mi, mó te äáñma Mó te á tomma mi kó. 46Mi njaã mbá ká mánáti maka yïù paniyá puyá nda yi májasi paná nó káà. Ëete, mó te á tiká temó ná mi, mó te tïù ëiyó ká móy yitil na. 47Ñgá mumó woká málápi mámbá pupá mátó, yeti mi jóse nyá na, káto mi ti njaàki nje jóse äotu äe mánáti maka na, yo nde, mi njaàki nje joñgwá äo. 48Mó te á sáñá mi pupá mátó ká málápi mámbá, mó te ná mó te á ta jóse nyá. Gba lápi te yi mi lápima káà ta pásó jósi ná ká njena yesó siyna mbokó. 49Yo nde, mi tïì lápina ná ëeti te yembá na. Yasi wátá, Da, nyá Mó te á tomma mi ná ñguru wená kó lápima nyá mi máyasi máte yi mi yaêkañgwá lápó náè máyasi máte yi mi yaêkañgwá teëye káà. 50Ma mi duwaã nde, yasi te yi nyá lápá káà keàl nde, mumó äáêki ná joñgwá te yi kpo ná kpo. Ëete, máyasi máte yi mi lápá mbá káà, mi láàpi äeñgwá numbu Da."

will be added

X\