GALASI 3

1Wuy wuná äotu äe Galasi, wuná ka äelem! Yo nda äa seäile wuná ëeká? 'Mi tïì kombile lápó nyá wuná ná kwát kwát nda yi äo äiyma ná Yesus Krist ñgba ká kroa káà? 2Mi ndi ná yasi wátá yi mi kwaëyá diyá wuná. Wuná yeêñsañgwá nyá mi. 'Yo ka káto wuná ká keló mákele máte yi mámboñga lápá káà, yori yi Njambiyá nya ná wuná Kimó Sisiñ káà? 'Yo yeti káto wuná láñgwa mátó tikó temó ká Kimó Tom te yi wuná wokuma káà na? 3'Wuná jekima äá äelem ëete nan? Wuná kandima joñgwá ëyun kwey keló máyasi ná ëeti Kimó Sisiñ. 'Ma wuná ká kwaëyá nje siëyá kelna máyasi ndana ká joñgwá ëyun ná ëeti te yun ná ñguru wun? 4'Máyasi háná te yi wuná sañgwama nó káà äaã gbálate kiná teëye wuná yiña yasi na? 5Njambiyá ká nyá wuná Kimó Sisiñ, keló sendi nde, nyañgwá mákele keêlnañgwá ká njoka yun. 'A keàl ka ëete, káto wuná ká keló mákele máte yi mámboñga lápá káà? 'A ti keàl ëete, káto wuná láñgwa mátó tikó temó ká Kimó Tom te yi wuná wokuma káà na? 6Yo äaã sendi ëete ná Abaraham. A tikima temó ká yi Njambiyá, á Njambiyá lápá nde, a má ná ñgbeñ ká mbómbu wená ná nje te yite. 7Ma ëete, wuná duêkwá nde, yo ndi äotu äete äe tiká temó ká yi Njambiyá äaka äá ñgbak ñgbak äónó äe Abaraham. 8Sendi, mákana má Njambiyá kandima si lápó ná mbómbu nde, wátá yesó Njambiyá ta pásó nde, äotu äete äe yeti Äeyudán äaka ta äá ná ñgbeñ ká mbómbu wená, káto äo ta yeñsa temó tikó ká yená. Yori yi mákana má Njambiyá kandima si lápó kimó tom nyá Abaraham nde: 'Mákandó má äomó háná ká to mánáti ta äá ná mákombila káto yó.' 9Abaraham tikima temó ká yi Njambiyá, á Njambiyá nyá nyá mákombila. Ëete, äotu äete äe tiká temó ká yi Njambiyá, Njambiyá ká nyá sendi äo mákombila äená äe Abaraham. 10Ma äotu äete äe nyá sosu ká kelna mákele máte yi mámboñga lápá, taká nde, Njambiyá ta pásó nde, äo má ná ñgbeñ ká mbómbu wená káto te yite äaka, ta sañgwa ná mákita má Njambiyá, káto yo kátinate ká mákana má Njambiyá nde: 'Mumó háná á ëiyá kiná äakiëye máyasi háná te yi yo kátinate ká mákana má mámboñga má Njambiyá, keló yasi te yi yo lápá káà, saêñgwañgwá ná mákita.' 11Yo ká kombile äáñna ná sañsañ nde, Njambiyá ti páàsi nde, mumó ná ñgbeñ ká mbómbu wená, káto a ká keló máyasi máte yi mámboñga lápá káà na. Yo gbate ëete, káto mákana má Njambiyá ká lápó nde: 'Mó te yi Njambiyá si pásó nde, a má ná ñgbeñ ká mbómbu wená kó ta juã ndi ná nje tikina temó te yi nyá tiká ká yená káà.' 12Yo nde, kelna mákele máte yi mámboñga lápá káà ti wuàla ká tikina temó ká yi Njambiyá na. Yasi wátá, yo nda yi yo kátinate ká mákana má Njambiyá nde: 'Mó te á kelá máyasi máte yi mámboñga lápá káà ta juã ná nje te yite.' 13Yo äaã nde, wusá saêñgwañgwá ná mákita má Njambiyá, káto wusá tïì kelá máyasi máte yi mámboñga lápá káà na. Ma Krist njaã koló wusá sañgwa ná mákita ká numbu su. Yo ëete nda yi yo kátinate ká mákana má Njambiyá nde: 'Mó te yi äo kásá nyá ká jeti kó ná mákita.' 14Krist Yesus sañgwama ná mákita musu, náà yiña mákandó äá sendi ná mákombila máte yi Njambiyá kpoma nyá Abaraham káà, náà Njambiyá nyá sendi wusá Kimó Sisiñ te yi nyá kpoma káà ná nje tikina temó te yi wusá tiká ká yená káà. 15Wuná njóñ, ná paêñ pa äáñá nda yi äomó ëiki keló ná máyasi káà. Ñgá mumó si nyá numbu, kátó nda yi äo yaêkañgwá kaäó ná málikó máná káà, ñgá äá nde, yasi te yi nyá kátima káà yakama ná ñgbeñ, kiná mumó wátá ná wátá yakama nje yañgile sendi yo, ho dokiëye sendi yaña káte na. 16Ma Njambiyá kpoma máyasi nyá Abaraham äená nday wená. A tïì lápá nde: 'Äená äenday äená,' nda a láàpi ná äuëya äomó na. A lápima ndi kasi mumó wátá ná wátá, á nde: 'Wuàná nday wó,' yite láàpi ná Krist. 17Yasi te yi mi kwaëyá lápó káà, yo nde: Njambiyá kelma mbon kpo máyasi máte yi nyá ta keló káà. Yo yakama ná ñgbeñ nda yi mumó kátá ná mákana má kaäina málikó máná káà. Ya másew gómay yini jó kamótati ká kóñte, á Njambiyá nje nyá yáy kandó Isarayál mámboñga máná. Ëete, mámboñga máte yeti ná ëeti te yi yañgile mbon te keló nde, yasi te yi Njambiyá kpoma káà tïî kelnañgwá se na. 18Maà äáki nde, Njambiyá nyáàki äomó yasi te yi nyá äakiëye tiká äotu äená káà ná nje kelna mákele máte yi mámboñga lápá káà, ma äo ta lápó komáte nde, a ti nyáàki äomó yasi ná nje kpona yasi na. Ma ká äá Abaraham, 'Njambiyá tïì nyá nyá mákombila ná nje kpona yasi na? 19Ma ñgá äá ëete, Njambiyá njaàki nje nyá äa mámboñga káto ñge? Yo nde, Njambiyá njaã nje nyá sendi mámboñga ká kóñte, náà yo teëye ná sañsañ nyá äomó nde, äo ëïùy ndi yañgila mámboñga máte yi nyá támbiëye káà. Mámboñga teëya ëete kumó ká ñgimó te yi nday Abaraham yi Njambiyá kpoma yasi ká kasi ná kó njaã nje káà. Njambiyá kwañma ná nje äejaki yïù pelá ná mámboñga máte, á äo nje kwañëye yo nyá äomó ná nje mumó wátá. 20Ma mó te á kelá másay má njuñó ká njoka äomó yiäa kó ti keàl másay ndi káto mó wátá na. Ma ká yi Njambiyá kpoma ná yasi nyá Abaraham káà, a kelma yo ná ñguru wená kiná kwaã ná mumó na. 21'Yite teàëya ka nde, mámboñga ká luã ëyambi ná máyasi máte yi Njambiyá si kpo káà? Ma Njambiyá maà támbiëya wátá mboñga yi yakama nyá mumó joñgwá, ma mboñga te yakama keló sendi nde, Njambiyá páêsi nde, mumó má ná ñgbeñ ká mbómbu wená káto mboñga te áte. 22Ma mákana má Njambiyá ká kpaló lápó nde, máäeyó sima äiye äotu äe mánáti maka háná nda äebala äená, náà Njambiyá nje nyá yasi te yi nyá kpoma káà nyá äotu äete äe tiká temó ká yi Yesus Krist äaka. Njambiyá ta keló ëete ndi káto tikina temó te yi äo tiká ká yi Yesus Krist káà. 23Ná mbómbu, piñó te yi Njambiyá tïì pa teëye äomó nje tikina temó ká yi Yesus Krist na, mámboñga äiyma wusá nda äebala ëiki pámó wusá nda äejóäó. Máyasi kwañnama ëete kumó ká ñgimó te yi Njambiyá njaã teëye ná wusá nje tikina temó ká yi Krist káà. 24Ëete, mámboñga ëiyma nda mó pámna su kumó ká ñgimó te yi Krist njaã nje káà, náà Njambiyá nje pási nde, wusá má ná ñgbeñ ká mbómbu wená káto tikina temó te yi wusá tiká ká yi Krist káà. 25Ma ñgimó te yi Njambiyá sima si teëye wusá nje tikina temó ká yi Krist káà sima ëyaã. Ëete ndana, mámboñga yeti se mó pámna su na, 26káto wuná háná má ndana äónó äe Njambiyá káto Krist Yesus, káto wuná ká tikó temó ká yená. 27Yo nde, wuná äomó háná te yi äo tópuma ká móróku äaka wuàná äe Krist má sañgwate. Ndana wuná äoñma nyá, nyá ká yotu yun nda yi mumó äuã ná lambó petó ná yotu ná ná piyálá káà. 28Ëete, kiná se nde, äaka Äeyudán ho äaka yeti Äeyudán na. Kiná se nde, äaka äebala ho äaka yeti äebala na. Kiná nde, äaka äembam, ho äaka äomari na. Wuná háná má ndi wátá, káto wuàná äe Krist Yesus sañgwate. 29Ñgá äá nde, wuná má woàkuna ná Krist, yite wuná ñgbak ñgbak äenday äe Abaraham, komáte, wuná ta äá ná máyasi háná te yi Njambiyá kpoma nyá Abaraham äená äenday äená káà.

will be added

X\