1 Yo mi Pol kátá mákana maka kánjá wuná. Mi mó tomun. Yeti äomó äe tomá mi na, mi tïì kwaã ná nje mbaña mumó na. Yasi wátá, yo Yesus Krist tomá mi äená Da Njambiyá, yókó á womiya nyá ká njoka äemuñ kó. 2 Mi ká nyánó wuná siná äenjóñ äusu äe woñga háná. Wusá ká nyánó wuná, wuná mánjóñ má äotu äete äe tiká temó ká yi Kumande Yesus ká Galasi äaka. 3 Njambiyá Sañgwá wusu náè Kumande Yesus Krist keêl ñgikwa ná wuná, nyá sendi wuná táte. 4 Nyañgwá Kumande Yesus Krist nya yotu ná ná ñguru wená gwe káto máäeyó musu, na joñgwá wusá soñá ká äeya ñgimó te yókó nda yi Da Njambiyá wusu kwaëya káà. 5 Äomó háná luêksa Njambiyá te sañgwá wusu kpo ná kpo, amán. 6 Mi ká ñgbakima nde, dó dó te yiká wuná tumma kóñ ná Njambiyá, mó te á jeäama wuná ná nje ñgikwa te yi Krist kelma ná wuná káà kpaló nje jayá wátá Kimó Tom dálá, 7 ëeká nda wátá Kimó Tom sendi káte. Yo nde, äaña äomó ká kwaëyá njañgwá wuná. Sendi, äo ká kwaëyá kóñgite Kimó Tom te yi lápá kasi Krist káà. 8 Ma ko mbaña mumó ko wusá ko wátá jaki wuàla kwey nje lápó wátá Kimó Tom dálá, tikó yiká yi wusá pelma nyá wuná káà, na saêñgwañgwá ná mákita! 9 Há sima lápó, ma yo yi mi äasiëye lápó ndana nde: Ñgá mbaña mumó nje lápó wátá Kimó Tom dálá nyá wuná, tikó yiká yi wuná kandima jayá káà, na saêñgwañgwá ná mákita! 10 Ma yiká yi mi lápá ndana káà, 'mi saàñ ka nde, äomó jaêya mi? 'Yeti nde, Njambiyá jaêya mi na? 'Mi saàñ ka nde, äomó woêku másosa ná mi? Mi maà góru ndi nde, äomó káên mbómbu yïù wokó másosa ná mi, ma mi tïì nje äá bala Krist na. 11 Wuná njóñ, mi ká kombile lápó nyá wuná nde: Kimó Tom te yi mi lápima káà ti wuàla ká ëyanó äomó na. 12 Yo nde, mi ti ma woàku mbá yo ká numbu wátá mumó na. Sendi, mi tïì pa pa jeká jeka ká máäó má wátá mumó na. Yasi wátá, yo Yesus Krist ná ñguru wená punjá yo nyá mi. 13 Ma wuná wokuma nda yi mi joñnama nó ná mbómbu ká móy misón Äeyudán káà. Wuná wokuma nda yi mi ëikima teëye ná njóñ äotu äe Njambiyá ganja, saã nje te yi girise sendi äo káà. 14 Ká njoka äejakó äembá, äotu äe kandó ëyembá Äeyudán, mi nya joñgwá ëyembá ná pitik ká móy misón kwaã äuëya äomó. Mi nya sosu mbá kwaã to te ká äeñgwa mákele máte yi wulma ná äesañmbambó äusu káà kwaã äo. 15 Ma yasi wátá, Njambiyá kikima si tóká ná mi nde, mi ta wokuna ná nyá, yite mi tïì pa jaëyá ká móy nyañmbá na. A jeäama mi, káto a ná ñgikwa, náà mi kel másay nyá nyá. 16 Njambiyá äáñma kimóte yïù teëye mi Mónó wená, náà mi duwá nyá, náà mi pel kasi ná nyá äotu äete äe yeti Äeyudán äaka. Ma ko mi tïì nje kwaã ndana ndana ká kóñte káè diyá yiña máñgitá ká numbu wátá mumó na. 17 Sendi, mi tïì äendá káè Yerusalám káè lápina siná äotu äe tomun äe Yesus äe kandima äuã másay máte ná mi äaka na. Mi kpalma nje kwaã káè ká Arabi. Ëiyó káà, á mi nje yókwá nje ëiyó ná kókó ká Damas. 18 Sew yitati kwañma, á mi nje tóká nje äendó káè Yerusalám äáñá Piyár keló másimó siná nyá. Mi yama mátu kamó jó yitan mate siná nyá. 19 Ma mi tïì nje äáñá mbaña mumó ká njoka äotu äe tomun äe Yesus na, soñá ndi Jak te mañ ná Nyañgwá Kumande. 20 Yasi te yi mi kátá kánjá wuná káà, mi láàpi gbakasi ká mbómbu Njambiyá, yeti jaã na. 21 Ká kóñte, mi njaã támá ká Yerusalám, kwaã káè ká mánáti má Siri náè Silisi. 22 Mánjóñ má äotu äete äe tiká temó ká yi Krist äe ká Yuda äaka tïì pa äáñá mbómbu wombá ná toru na. 23 Äo ëikima wokó ndi kasi mbá wokó nde: 'Mó te á ëikima teëye wusá mábóná ná mbómbu kó má ká lápó kasi tikina temó ndana ká yi Krist nyá äomó, ma kwey a kwaëya girise yo.' 24 Ká äo ma wokó ëete káà, á äo lukse Njambiyá káto mbá.
