1 Nda wuàná äe Krist womiya káà, wuná saêñ máyasi máte yi kwey ká mbáy komá Krist ëiyá mátiëyá ká mbam äó Njambiyá káà. 2 Wuná nyáêki temó yun ká máyasi má kwey, yeti ká máyasi má mánáti maka na. 3 Káto wuná sima gwe, ma Njambiyá sóëya joñgwá ëyun wuàná äe Krist ká máäó máná. 4 Komá Krist te joñgwá wun ta punjá yotu káà, wuná ta punjá sendi yotu wuàná äe Krist ká móy máluksa. 5 Ëete, wuná soêña yotu ká äeya mákele má mánáti maka äáñá yo nda muñ máyasi. Máyasi máte, yo kelna máwanja, yo kelna mákele má mámi náè ñgóró náè äeya máwoäó náè nyána temó ká máyasi. Wuná duêkwá nde, nyána temó ká máyasi, yo nda kanna yiña máyasi tikó Njambiyá. 6 Yo káto kelna kwaló mákele máte yinóri yi Njambiyá punjá ñgambi ná suñgwá ná äotu äete äe kelá ëa mátó ná nyá äaka. 7 Wuná ëikima keló mbómbu sendi ëete ká ñgimó te yi wuná ëikima joñna ná pitik ká móy äeya mákele máte káà. 8 Ma ndana, wuná tïîki máyasi máte háná: Ñgambi, joñjoñ temó, äeya yasi, tikó sendi mándoy. Lápi janji tïî pundu ká numbu yun na. 9 Mumó tïî kel jaã nyá jakósó na, káto wuná ma tikó njombu joñgwá náè äeya mákele máte yi wuná äaã nó mbómbu káà. 10 Ma ndana, wuná má ná jónja joñgwá yi ká sánjó káè nó mbómbu, náà yo äoñna ná yi mó te á kusuma yo kó, náà wuná duwá nyá kimó duwaãte kumó njena. 11 Ëete, kiná se nde, äaka yeti Äeyudán ho äaka Äeyudán na. Kiná yiña se nde, äembam te äaka sima pásina, ho nde, äaka tïì pa pásina na. Kiná se nde, äaka yeti ká duwá joñgwá, ho nde, äaka ká joñna nda äenyamó na. Kiná se nde, äaka äebala, ho nde, äaka yeti äebala na. Siya mumó te yi äomó yaêkañgwá duwá, yo ndi Krist. Krist ká yi äomó háná. 12 Njambiyá tókuma wuná, náà wuná äá äomó äená, sóñ temó ná. Ëete, wuná äáêki äotu äe gwe ñgwátá äásó, äá äotu äe ñgikwa, äá sendi äotu äe piëyá yotu. Wuná äáêki äotu äete äe joñna ná tá, äá ná gbisa. 13 Äaka gbïîsi äásó. Ñgá wátá mumó ká njoka yun äáñá nde, mañ kelma yiña äeya yasi suñgwá ná nyá, na tïîki nyá ná ñgwátá. Yókó tïîki jakósó ná ñgwátá nda yi Krist tikima wuná ná ñgwátá káà. Wuná sendi, wuná keêl ëete. 14 Ká máyasi mánóri háná, yasi te yi kwaã mbómbu, yo nde, wuná kwaêëyañgwá ná temó yun háná, káto yo mákwaëya kelá nde, äomó äáêki sañgwate, äá temó wátá ká máyasi háná. 15 Táte yi wulá ká yi Krist káà naêm mátemó mun, káto Njambiyá jeäama wuná háná nda mumó wátá, náà wuná äá ná táte. Ma, wuná nyáêki Njambiyá wosoko. 16 Málápi má Krist äáêki tondunate ká mátemó mun. Äaka teêëya äásó yasi náè wuná kïîtinañgwá ná kpasa ëyanó. Wuná jeêmbinañgwá, nyá Njambiyá wosoko ná temó yun háná. Wuná jeêmbi májembi yïù ñgwáta ná Njambiyá, jembó sendi májembi máte yi Kimó Sisiñ ta nyá wuná ëeti te yi jembó káà. 17 Ká máyasi háná te yi wuná kelá, ko ká ndapi ko ká mákele, wuná keêl máyasi háná ná ëinó Nyañgwá Kumande Yesus, kwaã ná nyá yïù nyá ná Njambiyá wosoko. 18 Wuná äomari, nyari háná táêkwá to wokuna ná njoñó te wená. Wuná keêl ëete nda äoma äete äe wokuna ná Nyañgwá Kumande yaêkañgwá keló káà. 19 Ma wuná äembam, mumó háná kwaêëyikwá nyari wená. Mbam tïî ëiy ná nyapipi suñgwá ná nyari wená na. 20 Wuná äónósiká, wuná woêkunañgwá ná äotu äete äe jama wuná äaka ká máyasi háná, káto yo kimóte ëete ká mbómbu Nyañgwá Kumande. 21 Ma wuná äesañgwá ná äónó, wuná tïî kel yasi te yi ta kwaëye temó äónó äun na, kambó yotu yan má nje tákó. 22 Wuná äebala, wuná woêkunañgwá ná äotu äete äe ëiyá ná wuná ká mánáti maka ká máyasi háná. Wuná tïî kel yasi, káto äo ká kóñ yun ká pámó wuná, náà äo äá ná másosa na. Yo nde, wuná keêl másay ná temó yun háná, káto wuná ká kambó Nyañgwá Kumande. 23 Ká máyasi háná te yi wuná kelá, wuná keêl yo ná kimó temó. Yo nde, wuná keêl nda wuná keêl nyá Nyañgwá Kumande, yeti nyá äomó na. 24 Wuná duêkwá nde, yo gba Nyañgwá Kumande ta gbo nduku másay mun. Wuná ta äá ná máyasi máte yi nyá ma kombile, na nyá äotu äená káà. Yo Krist te Nyañgwá Kumande yi wuná kelá másay nyá nyá. 25 Pá äaka äe kelá kótu mákele, mumó háná ta äá ná sol äeñgwá kótu mákele máte yi nyá kelma káà, káto Njambiyá yeti ká gwe mbári misi má mumó na.
