ÄOTU ÄE TOMUN 28

1Ká wusá ma si äendó ñgindi ná tá káà, á äo lápá nyá wusá nde, ëinó kiriñgira te nde Malta. 2Äotu äete äe ëikima ëiyó ká kiriñgira te äaka teëya nde, äo ká kwaëyá wusá, á äo äuã wusá kimóte äuëyate. Äo joñgwa ëitá kwaã jeäa wusá háná nde, wusá káên wátina, káto mbiyó äaã ká nó. Sendi, ëuku äaã ká kwaã äuëyate. 3Pol kánja äó wuká ná mákaki nyá ká ëitá, á yeri pundá káte káto joñ ëitá, kwetá nyá ká äó nda te. 4Ká äotu äe kiriñgira äaka ma äáñá nyóñá ná kápáláñ ká äó ná káà, á äo lápá tandá yan nde: "Mbam kó gbakasi mó wona äomó, káto ko äákó nde, a joñma ká ëuku, Njambiyá te yi äo jeäa nde Njambiyá má kundókó kó tïì jayá nde, a káên ná joñgwá ëyená mbómbu na." 5Á Pol ñgbanjá nyóñá äetá ká ëitá kiná wokó mónó kwana yaña na. 6Äotu äaka takima nde, äo ta äáñá nyá ká ñgaló ho äaló gwe ná kutukulu. Ko ëete, äo laëya ká kóñte deñgó kiná äáñá yiña äeya yasi ká ëyaã ká yotu ná na. Á äo sánjá mán lápó nde, Pol wátá njambiyá. 7Ëinó nyañgwá mumó te á äaã ëiyó ná kiriñgira te kó äaã nde Publiyus, mánáti máná äaã ká kákite womáte. A teëya nde, a ká kwaëyá wusá, kwaã äuã wusá kimóte nyá wusá mbáy jakó ká mátu yitati äakiëye wusá kimóte äuëyate. 8Sañgwá wená äaã mátináñgwá ká kónó. Yotu ná äaã ká loló äuëyate. Sendi, a äaã ká wándá ná málóku. Á Pol káè ká äáñá nyá ñgwáta ná Njambiyá kasá máäó ká yotu ná, á kón ná siyá. 9Ká kóñte yinóri, á äotu äe kón háná äe äaã ká kiriñgira äaka nje sendi ká yi Pol. Á nyá siëyá mákón man. 10Äo äaã ná jásá äuëyate suñgwá ná wusá. Á äo nyá wusá máyasi máte yi yakama kamá wusá káà ká ñgimó kwañge su. 11Wusá kwañëya ñgwándá yitati womáte, á wusá nje kwaã ná wátá kuka te yi wokuna ná Aláksañdiri káà. Äo kwakima ëyóy kuka te ná yekambiyá wátá njambiyá nde Diyoskur. Kuka te kwañëya ñgimó abekata womáte. 12Wusá kwañma kumó ká Sirakus, á wusá ya mátu yitati womáte. 13Wusá támma womáte kwaã ná ëuku goñ ná goñ kumó ká Regiyóñ. Misi pupá á pupó wulá puló nje njámbó kwaã. Á wusá kelá ndi mátu yiäa ká nje kumó ká Pusolás. 14Ká wusá ma kumó womáte káà, á wusá dolá äaña äenjóñ äusu. Á äo ñgwáta ná wusá nde, wusá yaêki mátu yitan jó yiäa siná äo. Yo ëete yi wusá kaã nó Rom. 15Äenjóñ äusu äe ëiyá ká Rom äaka wokuma nde, wusá ká nje. Á äo támá nje sañgwa ná wusá ká mbáy lumó te yi äo jeäa nde Apiyus káà náè ká mbáy te yi äo jeäa nde Mátuã yitati yi äejáñgwá káà. Ká Pol ma äáñá äo káà, á nyá nyá Njambiyá wosoko, á nyá äuã ëeti. 16Ká wusá ma ëyaã ká Rom káà, á äo tiká Pol nde, a yaêki ká mbáy te yená nyápó, tikó wátá sója nde, a káê pámó nyá. 17Ya mátu yitati, á Pol jeäa äetomba Äeyudán. Ká äo ma si wesiëya káà, á nyá äuã lápi lápó nde: "Wuná njóñ, gba mi tïì kelá yiña yaña suñgwá ná kandó ëyusu ho lápina äeyate ná mákele má äesañmbambó äusu na. Ko äákó ëete, äo äoñma mi nyá ká jóäó ká Yerusalám nje kañá mi nyá äotu äe Rom. 18Ká äotu äe Rom ma si diyá mi mádiyan káà, á äo diy soñá äo ná mi, káto äo tïì dolá yiña májósó ká puló mbá yi yakama keló nde, mi sóêmbu sóñ káto te na. 19Ko äákó ëete, Äeyudán sáñma, á mi äáñá nde, mi yaêkañgwá äuã lápi te káè nó ká mbómbu Sesar. Mi yeti ná mátaká te yi lápina äeyate ná kandó ëyembá na. 20Yo káto lápi ká yi mi kwaëya äáñá wuná, náà mi lápi nyá wuná. Mi wotunate ndana ná kól sumba te yiká jakimá ndi kiya yasi te yi kandó Isarayál äá ná äiäina temó káte káà." 21Á äo lápá nyá nyá nde: "Wusá tïì äiye yiña mákana wulá Yuda ká kasi yó na. Sendi, ká njoka äemañ äusu, wátá mumó tïì pa nje yekiëye ho lápó yiña äeya yasi ná ëinó ëyó na. 22Yasi wátá, wusá ká kwaëyá wokó yasi te yi wá taká káà ká numbu yó ná ñguru wó, káto wusá ká duwá nde, äomó ká luã ëyambi suñgwá ná njóñ äotu äete ká mámbáy háná." 23Ndana, á äo pásá yesó te yi äo ta sañgwa káte káà nyá Pol. Ká yesó te ma ëyaã káà, á äomó äuëyate nje doló nyá ká tuã te yi nyá ëikima ya káte káà. Á nyá lápina ká yasi te yi nyá duwaã ká kasi Kandó Njambiyá káà nyá äo, námbá sendi to te. Á nyá káè mbómbu lápina nyá äo, saã nje nde, äo jaêya máyasi máte yi äo woká ká kasi Yesus káà. A lápinama äeñgwá máyasi máte yi yo kátinate ká mákana má mámboñga máte yi Móyisi kátima káà náè ká mákana má äotu äe punja málápi má Njambiyá kandá äemáñmáná kumó äekoko. 24Äaña jayma málápi máte yi nyá äaã ká lápó káà, ma äaña tïì jayá na. 25Äo tïì nje äá ñgiñ wátá na, ëete á äo si wanja, yite Pol ma lápó ndi lápi wátá nyá äo nde: "Kimó Sisiñ äaã ná kalá yïù lápina kwañëye ká numbu Esayi te mó punja málápi má Njambiyá nyá äesañmbambó äun nde: 26'Kán ká yi äotu äaka lápó nde: Wuná ta wokó wokó ná mátó mun, ma ko wuná tïù äiye to te na. Ná ta äáñá äáña ná misi mun, ma ko wuná tïù duwá yasi te yi wuná äáñá káà na, 27káto mátemó má äotu äaka má ná äiñäili. Äo ná ñguru wan ma ëiäó mátó man náè misi man. Äo kelma ëete, ma misi man nje äáñá yasi, ma mátó man nje wokó páã, ma temó yan nje námbá máyasi, ma äo nje yeñsa temó, ma mi nje siëyá kón yan.' 28Ëete, wuná duêkwá nde, kasi joñgwá te yiká yi Njambiyá nyá ndana káà, a njeêsikwá yo káto äotu äete äe yeti Äeyudán äaka, yo äo ta äiye to te." [ 29Ká Pol ma lápó ëete káà, á Äeyudán nyá äeya máso tandá yan kwaã nó.] 30Pol kwañëya sew yiäa ná yim ká wátá tuã te yi nyá ëikima gbo gbokó ëiyó te káà. A ëikima äuã äomó háná äe ëikima nje äáñá nyá äaka ná másosa, 31pelá máyasi nyá äo ká kasi Kandó Njambiyá, teëye sendi äo máyasi ká kasi Kumande Yesus Krist kiná mónó wóã, kiná mónó mánjañgwá na.

will be added

X\