ÄOTU ÄE TOMUN 2

1Ká yesó Pañtekot äotu äete äe ma tikó temó ká yi Kumande Yesus Krist äaka äaã háná ká mbáy wátá. 2Semó semó, á yiña máëuñ wulá ëyoäó, yo äaã nda máëuñ má nyañgwá pupó, á yo tondá ká móy tuã háná komá äo äaã mátiëyá káà. 3Á äo äáñá yiña máyasi nda málam má ëitá. Á yo äakina wátá wátá káè ëiyó ká yotu yan yaka ná äo háná. 4Á äo háná tondá ná Kimó Sisiñ, kandá lápina yiña mánumbu äeñgwá yasi te yi Kimó Sisiñ nya äo ëeti te yi lápó káà. 5Ká póku mátu te yite Äeyudán äete äe ëikima kanó Njambiyá äaka ëikima ëiyó ká Yerusalám. Äo wulma ká mákandó háná ká to mánáti nje äiye ëya womáte. 6Ká máëuñ mánóri ma kelna káà, á äomó nje wesiëya ná ñgil. Äo äaã ná yekere, káto mumó háná wokuma yasi te yi äejeká äaã ká lápó káà ká numbu ëya ëyená. 7Yo kwañma äomó háná, á äo ñgbakima ëiki diyna nde: "Äembam äete äe lápina háná äaka, yeti äotu äe Galile na? 8Ñge nje keló nde, mumó háná ká njoka su woêku yasi te yi äo lápá káà ká numbu ëya ëyená, ká ñgbak ñgbak mánumbu musu? 9Ká njoka su, äotu äe Partás káte, äotu äe Medi náè Elam káte. Äotu äe Másopotami, äotu äe Yuda náè Kapadós káte. Äotu äe Póñ náè äotu äe Asi káte. 10Äotu äe Friji náè Pamfili náè Ejipt náè äotu äe Sirán ká mánáti má Libi káte. Äotu äe wulma Rom nje äiye ëya waka äaka káte sendi. Ká njoka yan, yo ná ñgbak ñgbak Äeyudán náè äotu äete äe njaã nyiñá misón Äeyudán nyiña äaka. 11Äotu äe Krát náè äotu äe Arabi káte sendi. Ñge nje keló nde, mumó háná woku nda yi äo ká lápó nyañgwá mákele máte yi Njambiyá kelma káà ká numbu ëya ëyená?" 12Äomó háná äaã numbu ná hañ kiná duwá yasi te yi äo yakama lápó káà na. Á äo ëiki lápó tandá yan nde: "Yiká äa ñge?" 13Ko ëete, äaña ëikima nyátó äo lápó nde: "Äo ma gwe kimó móm móm mánjam kimó gwenate." 14Ndana, á Piyár támá äená äejeká te äari kamó jó wátá lápó ná mán ká kwey nyá ñgil äomó nde: "Wuná Äeyudán náè wuná äomó háná äe ëiyá ká Yerusalám äaka, wuná láêñgwá mátó kimóte ká yasi te yi mi ta lápó káà, 15káto äotu äaka yeti ká gwe mánjam nda yi wuná taká káà na, káto yo ndi ñgimó yitan jó yini te yi äemáñmáná. 16Yasi wátá, yasi te yi Juwál te mó punja málápi má Njambiyá lápima káà ká äáñna ndana. A lápima nde: 17'Njambiyá ká lápó nde: Ká mátu máte yi mbokó ta äá ká siyó káà, mi Njambiyá ta nyá Sisiñ mbá ká yotu mumó háná. Äónó äun äe äembam náè äe äomari ta punjá málápi mámbá. Äegwanjó äun ta äáñá nyañgwá máyasi, äenjombu äun sendi ta äáñá nyañgwá mányánó. 18Gbate, ká mátu máte yite mi ta nyá Sisiñ mbá ká yotu äembam náè ká yotu äoma äete äe kelá másay mámbá äaka. Ëete, äo ta punjá málápi mámbá. 19Mi ta punjá nyañgwá máyasi ká ëyoäó ká kwey, teëye sendi máyekambiyá ká to mánáti. Yo nde, wuná ta äáñá mákiyó, äáñá ëitá, äáñá yiëyá náè tiäaãy nda kulutu. 20Tu ta yinja ná yesó, ñgwándá ta yeñsa äá tenate nda mákiyó. Máyasi máte ta kelna yite nyañgwá Yesó Baba Mbokó tïì pa ëyaã na. Yesó te ta äá nyañgwá kpekum. 21Yo ta äá nde, mumó háná á ta jeäa ëinó Baba Mbokó, mó te ta juã.' " 22"Wuná äotu äe kandó Isarayál, wuná woêku yasi te yi mi ta lápó ndana nyá wuná káà. Yesus te á Nasarát, yo mó te yi Njambiyá teëya wuná nde, yo nyá namá máyasi háná. A teëya yo ká misi mun ná nje kelna nyañgwá mákele, ná nje kelna yiña nyañgwá máyasi náè kelna máyekambiyá máte yi Njambiyá nya nyá ëeti te yi keló ká njoka yun nda yi wuná ná ñguru wun duwaã káà. 23Äo ëyañgwa mbam kó nyá wuná äeñgwá yasi te yi Njambiyá pásima káà, äeñgwá sendi nda yi Njambiyá ma si kombile njombu yaña káà. Wuná äoñma nyá nyá äotu äe máäeyó, á äo ñgba nyá ká kroa, ëete wuná wo nyá. 24Njambiyá njaã womiyá nyá joñgwá nyá soñá ká nyañgwá mábóná máte yi sóñ, káto sóñ tïì äá ná ëeti te yi äiye nyá nda nó na. 25Yo ëete yi Davit lápima kasi ná nde: 'Mi ëikima äáñá Baba Mbokó mátu háná ká mbómbu wombá, káto a ká mbam äó mbá, kambó mi nje ñgwañgwa. 26Ëete, temó mbá ná másosa, málápi máte yi pundá ká numbu mbá káà ká teëye nde, mi ná nyañgwá másosa. Sendi, mi ta wáëya äá ná äiäina temó ká yó Njambiyá, 27káto wá tïù tikó sisiñ mbá ká ëya äemuñ na. Wá tïù jayá nde, mumó wó äóêku na. 28Wá ma teëye mi mánje máte yi äá ná joñgwá. Komá mi ta äáñá wá káà, mi ta äá ná nyañgwá másosa.' " 29"Wuná njóñ, wuná tïîki, náà mi pa lápi kasi sañmbambó wusu Davit ná ñgbak ñgbak nyá wuná. Davit gwaã, á äo pumbá nyá. Ma kumó muka äoñsóñ ná ndi ká njoka su. 30Yasi wátá, Davit äaã mó punja málápi má Njambiyá. A duwaã sendi nde, Njambiyá kpoma kinja nyá nyá nde, ká njoka äenday äená, nyá Njambiyá ta támbiëye wátá ká njokate á ta äuã ëiyó kumande ká mbáy ná. 31Davit kikima äáñá kasi womiya Krist. Á nyá kandá lápó nde: 'Njambiyá tïù liõ Krist ká ëya äemuñ na, a tïù äó na.' 32Wusá háná äáñma duwá nde, yo Yesus te yi Njambiyá womiya kó. 33Njambiyá äendiëya nyá tikó ká mbam äó ná. Á sañgwá nyá nyá Kimó Sisiñ te yi nyá kpoma káà. Yo Kimó Sisiñ te yi nyá nya ká yotu su káà, yo yo kelá nde, wuná äáêña náè wuná woêku máyasi máte yiká. 34Yeti Davit kelá mákele máte na, káto Davit tïì äendá káè ëyoäó na, yasi wátá, nyá ná ñguru wená ká lápó nde: 'Baba Mbokó lápima nyá Kumande wombá nde: Ëiyó mátiëyá ká mbam äó mbá, 35kumó nde, mi sïîki kawule äependó äó tikó ká njiõ mákol mó.' 36Ëete, kandó Isarayál háná duêkwá nde, yo gbate nde, Yesus te yi wuná ñgbama ká kroa kó, yo nyá yi Njambiyá njaã támbiëye nde, nyá Nyañgwá Kumande, nyá Krist." 37Ká äomó ma si wokó málápi mánóri káà, á yo luã äo ká temó äuëyate, á äo diyá Piyár äená äotu äe tomun te äari nde: "Wuná njóñ, wusá keêl äa nan?" 38Á Piyár yeñsa nyá äo nde: "Wuná yeêñsañgwá temó, náè mumó háná jaêya nde, äo tóêpa nyá ká móróku ná ëinó Yesus Krist, náà Njambiyá tiki máäeyó mun ná ñgwátá. Ëete, Njambiyá ta nyá wuná Kimó Sisiñ ná gbálate. 39Káto yasi te yi Njambiyá kpoma káà, yo káto yun náè äónó äun náè káto äomó háná äe ná nañ, äuëya äomó háná äe Baba Mbokó te Njambiyá wusu ta jeäa kánjá ká yená äaka." 40Piyár kaã mbómbu lápó yiña äuëya málápi nyá äo yïù kitá ná äo. A ëikima lápó nyá äo nde: "Wuná joêñgwá yotu yun. Ëete, wuná äaêkañgwá ná äotu äe ñgimó te yókó äe kelá äeya mákele äaka." 41Äo tópuma äotu äete äe jayma málápi má Piyár äaka ká móróku. Yesó te á Njambiyá kelá nde, äomó nda tomay yitati nyïîña ká njóñ äotu äete äe ma tikó temó ká yi Kumande Yesus Krist äaka. 42Äo äeñgwa yasi te yi äotu äe tomun äe Yesus ëikima teëye äo káà mátu háná. Äo ëikima joñna nda äemañ, ëyena wátá, äá sendi sañgwate ká máñgwáta. 43Á äomó háná gwe wóã yan. Äotu äe tomun äe Yesus ëikima keló äuëya nyañgwá máyasi náè äuëya máyekambiyá. 44Äomó háná äe ma tikó temó ká yi Kumande Yesus Krist äaka äaã ká ëiyó mbáy wátá. Äo ëikima ñgbó máyasi man háná äakiëye wátá. 45Äo ëikima ëyañgwá mákusuku man náè máyasi man nje kaäiëya móni te äo háná. Äo ëikima nyá mumó háná máyasi äeñgwá máyasi máte yi äaná nyá káà. 46Äo ëikima wesiëya mátu háná náè máñgimó háná ká mbanjó Njambiyá, ñgbó ëyena ká móy mátuã man ná másosa náè kimó temó. 47Äo ëikima lukse Njambiyá, á äomó háná tóndá äo. Kumande Yesus ëikima dokiëye äotu äete äe ma yeñsa temó jayá nyá äaka ká njóñ yan mátu háná.

will be added

X\