ÄOTU ÄE TOMUN 15

1Äaña äomó wulma Yuda káè ká Añtiyos káè teëye yiña yasi dálá nyá äotu äete äe ma tikó temó ká yi Kumande Yesus äaka. Äo lápima nyá äo nde: "Ñgá wuná ti pásina äeñgwá mboñga te yi Móyisi nya káà, wuná ti yaka äá ná joñgwá na." 2Á Pol äená Barnabas nyá máso äeyate äená äo lombiëya káto te. Á äotu äete äe ma tikó temó ká yi Kumande Yesus äaka pásá nde, náè Pol náè Barnabas náè äaña äenjóñ äan ta káè ká Yerusalám káè äáñá äotu äe tomun äe Yesus náè äetomba mbanjó Njambiyá, náà äo námbi lápi te. 3Ká kóñte, á äotu äete äe ma tikó temó ká yi Kumande Yesus äaka káè tikiëye äo ká nje, á äo káè ná kándi yan mbómbu kwaã ná Fenisi náè Samari yekiëye nda yi äotu äete äe yeti Äeyudán yeñsama temó káà. Á äotu äete äe ma tikó temó ká yi Kumande Yesus ká máëya máte äaka woká nyañgwá másosa. 4Ká äo ma ëyaã ká Yerusalám káà, á njóñ äotu äete äe ma tikó temó ká yi Kumande Yesus äaka náè äotu äe tomun äe Yesus náè äetomba mbanjó Njambiyá äuã äo ná másosa. Á äo yekiëye máyasi háná te yi Njambiyá nya äo ëeti nde, äo keêl káà. 5Ko äákó ëete, á äaña äomó ká njoka äotu äete äe ma tikó temó ká yi Kumande Yesus äe äaã ká njóñ Äefarisáã äaka támá lápó nde: "Äo páêsi äotu äete äe yeti Äeyudán äe ma tikó temó ká yi Kumande Yesus äaka, lápó sendi nyá äo nde, äo äeêñgwá mámboñga máte yi Móyisi kátima káà." 6Á äotu äe tomun äe Yesus náè äetomba mbanjó Njambiyá námbá lápi te. 7Á äo lápina äiye máso äuëyate. Ká kóñte, á Piyár támá lápó nyá äo nde: "Wuná njóñ, wuná duwaã nde, Njambiyá kikima tóká mi ká njoka yun, náà mi lápi Kimó Tom nyá äotu äete äe yeti Äeyudán äaka, náà äo tiki temó ká yi Kumande Yesus. 8Njambiyá te á duwá mátemó má äomó kimóte kó teëya nde, a jayma äo, nyá äo Kimó Sisiñ nda yi nyá nya wusá sendi káà. 9Njambiyá tïì námbá njoka su siná äo na. A pupuëya mátemó man, káto äo tikima temó ká yi Kumande Yesus. 10Káto ñge yi wuná kwaëyá äoäile Njambiyá ndana yïù soäiëye nyañgwá mapi nyá äotu äete äe äeñgwá málápi má Yesus Krist äaka? Mapi te, siná äesañmbambó äusu suëya yo. 11Yasi wátá, wusá ká tikó temó nde, wusá ta äá ná joñgwá, káto Kumande Yesus ná ñgikwa. Äo sendi ta äá ná joñgwá káto te." 12Ndana, á äomó háná äe wesiëyama äaka ëiyá ná sám yïù wokó nda yi Barnabas äená Pol äaã ká yekiëye kasi máyekambiyá náè nyañgwá máyasi háná te yi Njambiyá nya äo ëeti nde, äo keêl ká njoka äotu äete äe yeti Äeyudán äaka. 13Ká äo ma si lápina káà, á Jak äuã lápi lápó nde: "Wuná njóñ, wuná láêñgwá mátó ká yasi te yi mi ta lápó káà. 14Simón yekiëya nda yi Njambiyá kikima teëye ñgikwa nyá yiña mákandó yïù tóká äaña äomó ká njoka yan äe ta äá äotu äená. 15Mákele máte ká yaka ná málápi máte yi äotu äe punja málápi má Njambiyá lápima káà. Káto yo kátinate ká mákana má Njambiyá nde: 16'Baba Mbokó ká lápó nde: Ká kóñte, mi ta yókwá ná kókó nje. Mi ta támbiëye móy tuã Davit yi ma äaló káà. Mi ta támbiëye äóru yasi te. 17Ëete, äukwá äomó te äaka háná náè mákandó háná te yi mi kwaëyá nde, äo äáêki äotu äembá äaka ta saã nje Baba Mbokó. 18Baba Mbokó te á kikima teëye máyasi máte kó lápá ëete.' 19"Ká yembá, mi ká kombile äáñá nde, wusá tïî njañgwá äotu äete äe yeti Äeyudán äe yeñsa temó tikó ká yi Njambiyá äaka na. 20Yasi wátá, wusá káêti mákana kánjá äo nde, äo tïî äoäa ëye mánjay máte yi äo kelma ná sadaka nyá äaña äenjambiyá na, káto yo ká keló nde, mumó äáêki ná sámbó. Ëiyó mbam äená nyari tïî äáñnañgwá kiná nde, äo äáêki ká gwaki na. Äo tïî ëyaki nyamó te á gwe gbóñgi ho ëye mákiyó má nyamó na. 21Káto kandá ná äetomba ká máëya háná äomó ká pelá yo wulá ká mákana má mámboñga máte yi Móyisi kátima káà. Äo ká tóló sendi yo yesó Saba háná ká mámbanjó máwesiëya má Äeyudán." 22Ndana, á äotu äe tomun äe Yesus náè äetomba mbanjó Njambiyá náè njóñ äotu te äe tikima temó ká yi Kumande Yesus äaka äáñá kimóte yïù tóká äaña äomó ká njoka yan, tomó äo äená äe Pol ná Barnabas kánjá Añtiyos. Äo tókuma Yude te yi äo jeäa nde Barsabas kó, tóká sendi Silas. Äo háná yiäa äaã nda äetokondo ká njoka te äari. 23Á äo äuã mákana nyá äo. Äo kátima ká móy mákana máte nde: 'Wuná äemañ äusu äe yiña mákandó äe ëiyá ká Añtiyos, ká Siri náè ká Silisi äaka, wusá äotu äe tomun äe Yesus náè äetomba mbanjó Njambiyá náè äemañ äusu, wusá ká nyánó wuná. 24Wusá wokuma nde, äaña äomó ká njoka su támma woñga káè njañgwá wuná ná málápi man, keló nde, temó yun kuêëyukwá. Wusá tïì lápá yiña yaña ëete nyá äo na. 25Wusá háná äaã ñgiñ wátá, á wusá äáñá kimóte yïù tóká äaña äomó ká njoka su, tomó äo kánjá wuná äená äenjóñ äusu Pol náè Barnabas, sóñ temó su. 26Äomó äaka yiäa äaã nádó te yi ëyañgwá joñgwá ëyan káto ëinó Kumande wusu Yesus Krist. 27Yo ëete yi wusá ká tomó Yude äená Silas, náà äo káè lápi kiya málápi máte ná numbu yan nyá wuná. 28Káto Kimó Sisiñ náè wusá sendi äáñma nde, yo yeti kimóte nde, wusá soêäiëya wuná yiña ëitina mámapi te yi tïù kamá wuná káà na. Yasi wátá, wuná äaêkiëya ndi nde, 29wuná tïî äoäa ëye mánjay máte yi äo kelma ná sadaka nyá äaña äenjambiyá káà na. Wuná tïî ëyaki mákiyó má nyamó ho ëye nyamó te á gwe gbóñgi kó na. Ëiyó mbam äená nyari tïî äáñnañgwá kiná nde, äo äáêki ká gwaki na. Yo kimóte nde, wuná tïî kel máyasi máte na. Há sañgwa!' 30Ndana, á äotu äete yi äo tókuma äaka jana ná njóñ äotu äete äe ma tikó temó ká yi Kumande Yesus äaka tóká kándi káè Añtiyos. Kumó mate, á äo wesiëye äomó nyá äo mákana. 31Ká äo ma si tóló mákana máte káà, á äomó äá ná másosa káto kimó málápi máte yi äo lápima nyá äo ká móyte káà. 32Yude äená Silas äaã sendi äotu äe punja málápi má Njambiyá. Á äo lápina äuëyate kitá äo nyá äo ëeti. 33Äo yama mónó mátu mate, á äenjóñ äan äe mate jana ná äo lápó nde, äo káên ná tá. Á äo yókwá suñgwá äotu äete äe tomma äo äaka. [ 34Yasi wátá, á Silas pásá nde, a ta tika ná mate.] 35Á Pol äená Barnabas tika ká Añtiyos. Äo ëikima teëye äomó málápi má Njambiyá, lápó sendi Kimó Tom Kumande Yesus äená äaña äuëya äomó. 36Mónó mátu kwañma ká kóñte, á Pol lápá nyá Barnabas nde: "Wusá yóêkwá ná kókó káè äáñá joñgwá äenjóñ äusu ká máëya háná te yi wusá lápima Kimó Tom Kumande Yesus káte káà." 37Barnabas kwaëya nde, äo äoêñ Jañ te yi äo jeäa sendi nde Mark kó káè nó. 38Yasi wátá, Pol tïì jayá nde, äená äo káên na, káto Jañ ma leàñ äo ká mánáti má Pamfili kiná káè kamá äo ká másay man na. 39Yo njaã kwaã ná nyañgwá málombó, á äo äaka. Á Barnabas äuã Mark nyiñá ná kuka kwaã káè Siprá. 40Á Pol tóká ná Silas. Ká äenjóñ äan ma si diyá Kumande Yesus nde, a nyáêki Pol mákombila káà, á nyá kwaã äená Silas. 41Äo kwañma ná Siri, kwaã sendi ná Silisi yïù nyá ëeti nyá njóñ äotu äete äe tikima temó ká yi Yesus Krist äaka.

will be added

X\