2 KÓRÁÑT 7

1Wuná njóñ, sóñ temó mbá, nda yi Njambiyá kpoma nde, a ta keló ná wusá ëete káà, wusá puêpuëya máyotu musu tikó mákele má mámi háná, pupuëye sendi mátemó musu tikó äeya mátaká. Há káên kándó mbómbu ná nje te yite yïù támbiëye máyotu musu kiyó ká mánje háná náè kambina Njambiyá. 2Wuná äuêta mátemó mun nyá wusá. Wusá tïì kelá yiña äeya yasi suñgwá ko ná mumó wátá ná wátá na. Wusá tïì äekiëye ko mumó wátá ná wátá ká yiña mánje na. Wusá tïì kelá yiña yasi, náà wusá ëóku nó ká yotu mbaña mumó na. 3Mi ti láàpi ëete yïù pásó nde, wuná äalma lápi na. Yo ndi nda yi mi lápima ndana nyá wuná nde: "Wusá ká kwaëyá wuná äuëyate. Ko sóñ ko joñgwá, kiná yaña yakama äaká wusá na. 4Mi ká lápina nyá wuná ná nyañgwá äiäina temó. Mi ká lukse yotu mbá ndana äuëyate káto yun. Temó mbá má ná piyám. Ká mábóná háná te yi wusá sañgwa nó káà, mi ná másosa kwaã to te. 5Ma kandá yi wusá ma ëyaàñ nó ká Maseduwan, ko yotu su tïì äá ná tá na. Wusá kpalma sañgwa ná kwaló mábóná wátá wátá. Ká mámbundó, há sañgwama ná ëyambi, ma ká móyte, temó ná haäuäu. 6Yasi wátá, Njambiyá te á nyá mumó jónja ëeti ká temó komá yotu ná si tákó káà njaã nyá wusá ëeti ná nje ëyañgwe Tit. 7Ma yeti ndi káto ëyañgwe ná siyá na. Yo sendi komá nyá yekiëya nda yi wuná nya nyá ëeti ká temó káà. A lápima nde, temó yun ëeká ná pápápá, náà wuná äáñ mi. Sendi, wuná ná misiëyá ká misi ká äeya yasi te yi kelnama ká njoka yun káà. A lápima sendi nde, wuná nádó te yi kama káto mbá. Máyasi mánóri háná kelma nde, mi äáêki ná nyañgwá másosa kwaã yi mbómbu. 8Mi duwaã nde, mákana máte yi mi kánja wuná káà nya wuná ñgambi ká temó. Mi yeti ká wo yotu káte na, ko nde, ká yiña ñgimó wari mi ëikima wo yotu gbate komá mi äáñma nde, mi nya wuná ñgambi ká temó káà. Ñgambi te äáñnama ndi ká mónó ñgimó te yite. 9Ma ndana mi ná másosa, yeti káto mi nya wuná ñgambi ká temó na, yo káto wuná woàku ñgambi te, káto wuná njaã nje duwá äeya mákele mun, á wuná nje yeñsa temó tikó yo. Yo njál ñgambi te yite yi Njambiyá kwaëyá káà. Ëete, wusá tïì kelá yiña äeya yasi ná wuná ká mákana máte yi wusá kánja wuná káà na. 10Yo nde, ñgambi te yi Njambiyá kwaëyá káà keàl nde, mumó yeêñsañgwá temó, ó äáàña, Njambiyá joñgwa nyá. Mumó ti yaka wo yotu ká ñgambi te yite na. Ma ñgambi te yi mumó woká nda yi äotu äe mánáti maka ëiki wokó káà wo mumó. 11Ma wuná äáêña nyañgwá másay máte yi ñgambi te yi Njambiyá kwaëyá kelma ná wuná káà. Wuná äáêña ndi kwaló kimó temó te yi wuná njaã keló ná máyasi ndana káà. Ëete, wuná ká teëye ndana nde, wuná kiná yaña ká móy lápi te na. Wuná ká teëye sendi nde, wuná ná ñguru wun ká ndeyá yotu yun ká äeya yasi te yi kelnama ká njoka yun káà. Wuná ká kambó Njambiyá. Sendi, temó yun ëeká ná pápápá, náà wuná äáñ mi. Wuná äáêña sendi nda yi wuná ká nyá sosu ndana äuëyate yïù keló yasi te yi Njambiyá kwaëyá káà. Sendi, wuná jósuma, äama ná mó te á kelma äeya yasi te kó. Wuná teëya ká mánje háná nde, mátemó mun má pupunate ká lápi te. 12Ma ñgá äá nde, mi kátima mákana ëete kánjá wuná, yeti káto mó te á kelma äeya yasi te, ho káto mó te yi nyá kelma äeya yasi te suñgwá ná nyá kó na. Mi kátima yo kánjá wuná, náà wuná ná ñguru wun äáñ ká mbómbu Njambiyá nde, wuná ná kimó temó gbate suñgwá ná wusá. 13Ëete, yo njaã nje nyá wusá jónja ëeti. Ma yeti ndi yite siyá na. Wusá njaã sosa sendi kwaã to te komá wusá äáñma nde, Tit ná másosa, káto wuná háná nya nyá ëeti ká temó. 14Ñgá äá nde, mi luksa yotu mbá ká mbómbu wená káto yun ká kimó yasi te yi mi lápima nyá nyá ká kasi yun káà, yo tïì nyá mi njón na, káto a äáñma nde, yasi te yi mi lápima nyá nyá ká kasi yun káà äaã ndi sendi gbakasi nda máyasi máte yi wusá ëikima lápó nyá wuná máñgimó háná káà. 15Yo sendi nde, komá nyá taká nda yi wuná háná wokuna ná nyá, nda yi wuná äoñma ná nyá kimóte, kambó nyá ná nyañgwá jásá, a ká nje kwaëyá wuná kwaã yi mbómbu komá nyá taká máyasi mánóri káà. 16Mi ká sosa äuëyate, káto ká máyasi háná mi ná äiäina temó ná wuná.

will be added

X\