2 KÓRÁÑT 5

1Yo nde, wusá ká duwá nde, ñgá bala te yi wusá ëiyá káte ká mánáti maka káà si lekwá, wusá ná wátá tuã ká ëyoäó á ta ëiyó kpo ná kpo. Yo Njambiyá sumá yo, yeti äomó na. 2Ma ndana wusá ká njimó ká móy bala te yiká, káto temó su ná pápápá nde, Njambiyá äuêsukwá bala te ná jónja tuã ëyusu yi ká ëyoäó káà nda yi mumó äuã ná wátá lambó láñá ká to te mbaña káà. 3Wusá kwaàëyikwá nde, yo keêlnañgwá ëete piñó te yi wusá ndi ná joñ ná yotu su nda yi mumó äá ná lambó ká yotu káà. Yeti nde, pa gwe tikó yotu te yiká nda yi mumó ëiyá nó sókárá káà na. 4Káto piñó te yi wusá ndi ká bala te yiká káà, wusá ndi ká njimó, yasi ká kwaã wusá. Wusá ti láàpi nde, Njambiyá soêña yotu te yiká tikó wusá sókárá na. Yasi wátá, a doêkiëya mbaña jónja yotu ká to te yókó, náà yotu te mbáte á ëiyá kpo ná kpo kó si mán njombu te á gwe kó. 5Ma yo Njambiyá ná ñguru wená kombile nde, wusá ta äá ná jónja tári te yite. Yo nyá kandá nyá sendi wusá Kimó Sisiñ nda yi mumó kandá nyá ná ndótukwá yïù laëye ná nyána ñgólókó káà. 6Ëete, wusá ká tikó su temó ná ñgbik káte mátu háná, ko ëete, wusá ká duwá nde, piñó te yi wusá ndi ná yotu te yiká káà, wusá si lóndunate ná Nyañgwá Kumande. 7Yite nde, yo tikina temó te yi wusá nó ká yi Njambiyá káà kándá ná wusá ndana, yeti máyasi máte yi wusá äáñá káà na. 8Wusá ká tikó su temó gbate ëete. Wusá laàñ äáñá kimóte nde, wusá tïîki yotu te yiká kwaã káè ëiyó siná äe Nyañgwá Kumande. 9Ma ko nde, wusá káên mbómbu ndana joñna ná yotu te yiká, ko nde, wusá kwaêñ tikó yo, siya yasi te yi wusá jeká góró, yo nde, wusá keêl ndi yasi te yi ta nyá nyá másosa. 10Yo nde, wusá háná ta nje támá wátá yesó, yeñsa lápi ká mbómbu jósi Krist, na nyá mumó háná sol äeñgwá äó másay máte yi nyá kelma ká joñgwá ëyená káà, ho a kelma másay kimóte ho äeyate. 11Ma wusá ká duwá kambina Nyañgwá Kumande, ëete wusá ká saã nde, äomó jaêya nde, yasi te yi wusá lápá káà, gbakasi. Njambiyá ká kombile duwá wusá ná loñgo loñgo. Mi taàka gba nde, ká móy mátemó mun, wuná ká námbá kombile duwá sendi wusá. 12Wusá yeti ká kwaëyá äasiëye teëye nyá wuná nde, wusá ná ñguru wusu kpasa äotu äe tomun äe Yesus na. Ma yasi wátá, wusá kwaàëyikwá teëye wuná kimó nje te yi wuná yakama lukse ná yotu yun káto su, náà wuná duwá nda yi wuná yakama yeñsa ná lápi nyá äotu äete äe lukse yotu yan ká máyasi máte yi äáñna ndi ká misi kiná äáñá yasi te yi ëiyá ká móy temó káà. 13Ma ñgá äá nde, wusá ká keló yasi kwaã to te, yo äáàña wusá siná äe Njambiyá. Yasi wátá, ñgá äá nde, wusá ká keló yasi tátáki, yo yi kamá ná wuná. 14Yo nde, wusá ká duwá gba nde, Krist ká kwaëyá wusá äuëyate. Mákwaëya máte ká pusó wusá nde, wusá keêl másay musu ëete, káto wusá äáñma duwá su nde, yo ndi nyá nyápó gwaã ká numbu äomó háná, yite nde, yo äomó háná gwe. 15A gwaã ká numbu äomó háná, náà äotu äete äe nyá nya äo jónja joñgwá äaka má nje káè mbómbu keló máyasi nda yi äo ná ñguru wan górá káà, náà äo nje joñna keló máyasi máte yi ta nyá nyá másosa, káto a sóèmbu sóñ káto yan. Njambiyá njaã womiyá nyá yïù joñgwá ná äo. 16Ma ëete, wusá yeti ká äuã su se wátá mumó ndana ná ëyanó te yi äotu äe mánáti maka na. Ñgá äá nde, wusá äoñma Krist kwey ná nje te yite, ma yo yeti se ndana ëete na. 17Yo nde, ñgá mumó ëiyá sañgwate äená Krist, a má jónja yasi te yi Njambiyá kusuma. Njombu máyasi sima kwaã, wuná äáêña, máyasi háná má jónjate. 18Yinóri háná mákele má Njambiyá. A jañgwa njoka su siná äo ná nje Krist. A njaã nyá sendi wusá say äoñna äomó kánjá ká yená, na jañgwá njoka yan äená äo. 19Yasi te yi wusá kwaëyá lápó káà, yo nde: Njambiyá äená Krist äaã sañgwate yïù jañgwá ná njoka äotu äe mánáti maka äená nyá Njambiyá ná ñguru wená. A tïì äa se äeya máyasi máte yi äomó ëikima keló káà na. A kpalma nje kañá tom ná nyá wusá, náà wusá káè lápi nyá äomó nda yi nyá jañgwá ná njoka ná äená äo káà. 20Ëete, wusá su äotu äe tomun äe Krist. Wusá keàl másay máte yi lápina ká numbu ná ná ëeti te yi nyá nyá wusá káà. Ëeká nda Njambiyá ká kwaã ná wusá yïù kánjá ná tomun te nyá äomó yïù nambá ná mátó man. Ëete, wusá ká ñgwáta ná wuná ná ëeti te yi Krist nde: Tiso, wuná tïîki, náà Njambiyá jañgwá njoka ná wuàná äo. 21Ma Krist, mó te á tïì äá ná mónó mbulma máäeyó ká yotu ná kó, Njambiyá kpalma nje keló nde, a äáêki máäeyó káto su, na nje kwaã ná nje te yite yïù pásó nde, wusá má ná ñgbeñ ká mbómbu wená, káto siná äe Krist sañgwate.

will be added

X\