1 TESALONIK 4

1Wuná njóñ, yïù siëyá nó, wusá ká káè mbómbu lápó nyá wuná nde, wusá ma teëye wuná nda yi wuná yaêkañgwá joñna nó, náà Njambiyá woku másosa ná wuná káà. Yo gbate nde, wuná má ká joñna nda yite. Ma ko äákó ëete, wusá ká lápó ñgwáta ná wuná ndana ká ëinó Nyañgwá Kumande Yesus nde, wuná keêl kwaã yite. 2Wuná ká kombile duwá máyasi máte yi wusá teëya wuná ná ëinó Nyañgwá Kumande Yesus káà. 3Káto Njambiyá kwaàëyikwá nde, wusá tïîki kelna äeya máyasi má mánáti maka, äakiëye máyotu musu pupunate ká mbómbu wená, tikó kelna máwanja. 4A kwaàëyikwá sendi nde, mumó háná ká njoka yun duêkwá äakiëye gba yotu te wená. A duêkwá äakiëye yo pupunate ká misi má Njambiyá ëisá yotu ná. 5Mumó tïî jaya nde, máwoäó máte yi mámbundó nam nyá nda yi mákandó má äotu äete äe ti duàkwá Njambiyá kelá káà na. 6Ká máyasi mánóri, mumó tïî seäila mañ, ho keló yiña äeya yasi suñgwá ná nyá na. Káto Nyañgwá Kumande ta teëye mábóná nyá äotu äete äe kelá kwaló mákele máte yite äaka. Wusá ma si lápó nyá wuná, á wusá lápá nde: Kpá! 7Káto Njambiyá ti jeàäañgwá wusá, náà wusá joñna ká móy kelna mákele má mámi na. Yasi wátá, a jeàäañgwá wusá, náà wusá tiki kelna äeya máyasi má mánáti maka äakiëye máyotu musu pupunate ká mbómbu wená. 8Ëete, mó te á yáliyá málápi maka, a ti yáàlkwá mumó na, yasi wátá, a yáàlkwá Njambiyá, nyá á nya sendi wuná Kimó Sisiñ ná kó. 9Wuná njóñ, wusá tïù gwe ná kátó mákana kánjá wuná nde, wuná kwaêëyañgwá nda äemañ na. Káto wuná ná ñguru wun ma wokó nda yi Njambiyá ma teëye wuná nde, wuná kwaêëyañgwá káà. 10Yo gbate nde, wuná ká joñna ëete wuàná äenjóñ äun háná ká ndiñgálá mánáti má Maseduwan. Wuná njóñ, ko äekó ëete, wusá ká kitá wuná nde, wuná keêl kwaã yite. 11Wuná nyáêki sosu yïù saã nje te yi joñna ná tá, nyá temó ndi ká mákele máte yun ná ñguru wun, keló sendi másay ná máäó mun nda yi wusá lápima nyá wuná káà. 12Ñgá wuná kelá ëete, äotu äete äe tïì pa yeñsa temó tikó ká yi Yesus äaka ta jásó wuná. Sendi, wuná tïù jómbó yaña ká äó mumó na. 13Wuná njóñ, wusá yeti ká kwaëyá nde, wuná ëïîy ná yekere ká kasi äotu äete äe ma gwe äaka na, ma wuná má nje äá ná mátaká nda äotu äete äe yeti ná äiäina temó ká yi Yesus äaka. 14Káto nda wusá ká tikó temó gbate nde, Yesus gwaã nje womiyá káà, ëete wusá ká tikó sendi temó nde, Njambiyá ta womiyá äotu äete äe ma gwe äe tikima temó ká yi Yesus nda yi nyá womiya ná Yesus káà. 15Yasi te yi wusá ta lápó ndana nyá wuná káà, yo yasi te yi Nyañgwá Kumande ná ñguru wená lápima káà. Yo nde, ká Yesó Nyañgwá Kumande wusá äotu äete äe ta äá ndi ná joñ äaka, ko wusá tïù kandá kwaã tikó äotu äete äe ma gwe äaka na. 16Káto Njambiyá ta äetá mán nde, máyasi kaênda. Há ta wokó mán wátá ëetina jaki wená, wokó sendi tóñna dómbiya Njambiyá. Ká ñgimó te yite Nyañgwá Kumande ná ñguru wená ta siliyá wulá ëyoäó. Komáte, äotu äete äe gwaã piñó te yi äo ma yeñsa temó tikó ká yi Krist äaka ta kandá womiyá. 17Ká kóñte, wusá äotu äete äe ta äá ná joñ ká ñgimó te yite äaka, Njambiyá ta kañá wusá siná äotu äete äe womiya äaka ká kulutu káè sañgwa ná Nyañgwá Kumande ká kwey. Ëete, siná äe Nyañgwá Kumande ta ëiyó kpo ná kpo. 18Ndana, mumó háná ká njoka yun wáêëya temó jakósó ná málápi maka.

will be added

X\