2 JOHN 1

1Lɛmmwɔɔl ’zɔng lissi ka Ɔgɛlɛnya– Nfee waanawanavva luppyam anaam la bwɔɔn ammɛ ba basaapnɛnɛ ka lɔkkwɔɔn. Anaam kɛyɔɔng keem lissi ka asaapnɛnɛ, assɛ asaap balɔɔt balɔk ba basannɛ lɔkkwɔɔn a kɔlɔɔk. 2Lɔkkwɔɔn a kɔlɔɔk lɔtaa la ayyɔɔt lule gwa ayyɔɔt ka kɛfal a kɛfal. 3Numa Dedde ayyɔɔt, Ɔlɔɔmɔlɔɔm, Abassɛ Jesus, la Jesus Christ biini bannyiwɔyɔng kɛsaap, la kibbelɛttɔ, la bɔkaat! Numa bile bya ayyɔɔt ka lɔkkwɔɔn ka kɛsaap. 4Ndɔkɔ nggele gaang gaang ka nsannɛ nttɛ bwɔɔn annyɔɔng bayanga lɔkkwɔɔn a kɔlɔɔk ka tɔkɔlɔ tɛ̀ttɛ̀ Dedde ɔbwɔɔlɔnɛyɛlɛ. 5Kwakkwɛ nkkpengewɔnɛ waanawanavva luppyam anaam, nttɛ ɔkkpɛlɛ ayyɔɔt isaapyɛlɛ kɛyɔɔng. Uwɔng mung ufaa lifɔɔ lissi ka ikkpɔknɛ ifeewɔyɔng, ule lifɔɔ za liggbanɛ lissi lile ka lutte. 6Kɛsaap sa nlɔɔknɛ ntum mung ulenɛ kɛtaa ka bɔkaat tɛ̀ttɛ̀ Ɔlɔɔmɔlɔɔm ɔssɛɛnnɛ lifɔɔ. Lifɔɔ ’zɔng za aggbanɛyɔng lippyee ka lutte lɛttɛnɛ ɔkkpɛlɛ ayyɔɔt itaa ka kɛsaap. 7Bafɛɛt-ifɛtɛ ggbadam baffubong ka vveeng. Abbɛ balenɛ balɔɔt ba basinɛ liyila battɛ Jesus Christ uffu tɛ̀ttɛ̀ ɔlɔɔt. Kɛssanga ɔlɔɔt wa ning baang ulenɛ ɔfɛɛt-ifɛtɛ, ule ɔlɔɔt-a-kɔfɔk a Christ ɔgbaa. 8Akatwɔ kɛyɔɔng nkwaaning asi bwa ayanganɛ lɛtaka, ɔlɔk atɔk lɛsɔɔk annɔ ɔkkpɛlɛ. 9Ɔlɔɔt duu wa usinɛ lukopolo a Christ ka luppyam lɛssɛɛn, ɔnaang ɔsak, Ɔlɔɔmɔlɔɔm ka kkwɔɔt mɛ ba ule. Ɔlɔɔt duu wa ɔssɛɛnnɛ lukopolo ’gwɔng baang ka luppyam, ɔyanga Abassɛ, Ɔlɔɔmɔlɔɔm, la Awaan ka kkwɔɔt. 10Ɔlɔɔt ɔlɔk uffunɛ ka ɛfɛɛn annɔ, usi ’kwɔng likopolo, tɛ̀ttɛ́ atɔkmɛ assɛɛn ka ssala, gɔɔ tɛ̀ttɛ́ attɛ, “Bɔkaat butaa la annɔ.” 11Ɔlɔɔt duu wa ɔttɛnɛ bɔkaat butaa la ammɛ usseke ɔlɔɔt a kɔssɛ ammɛ ka babbu linaang sa ɔnaangnɛ. 12Nyanga bɛfɛɛn ggbadam bya nle nbwɔɔlɔwɔ. Ndɔkɔ nttɛ gɔɔ baala nkkpɔkkwɛ ka ɛbbanga; lutini ’gwɔng nttinawɔ kiffu kɛbwɔɔlɔ ɔlɔk nlɔɔk la annɔ biini, nkwaaning iggele gaang gaang. 13Bwɔɔn a etele annɔ ya luppyam battɛ nwomowɔ.

will be added

X\