TITO 3

1Toyuluki ko i gbo’da ku sobu na kulia ti drumala kilo, ku ti ka’dola ti kuweto kilo, ma ko yingi kulia kasiko, akukunaki i kondra na konesi naga a na’bu giri. 2Ka’bi ko ku tata kulia ti le’de ŋutu a naro, ka’bi ko ku ŋaŋalapa, ti ko gbo’dini ku gbiyeri laga mada, ti ko kpekindri ŋutulu kilo giri teiliko laga mada koru. 3’Bo yi lepe kazu ’bero ’ba tobodo, ’ba sobu na kulia, yi a’bo’bolia, a upi ti kibeŋa ku nyola naga ka’de ka’de ti ina ka de, laga ku gbiyeri lo teili loro ku yuma itro, yi aŋmwa ku ŋutulu, yi druga ŋmoza ’beri kaya dridriŋini ’do. 4’Bo kugbo teili lo’bu lo Ŋun Kariteni likalo laga apuru seku nyadru nanye na ŋutuluna, 5lepe druga ritundro yi, agbo’da ku kulia ti konesi naga soso naga ma yi kondri kineni ’bo ku kulia ti ediyo lonye lepelo, ku lalayi naga i yuŋe naluduna katani ku ru naludu naga ma Yuka Nakiyena tikindrina, 6Ŋun a’doga yi ku Yuka Nakiyena zore ku Yesu Kristo Kariteni likalo, 7ma yi ku kenani mŋgba ku ’busa na’bu nanyena ma yi ku ’debi ru naga ani lenga naga ma yi yendrina. 8Kulia na tatayi kine a ’diri. Na nyadru togole kine kulia de ku teriŋi, ma karuko ti Ŋun kilo gbo’da ku konye i tikindra na ’beri i kondra na konesi naga a na’bu kine. kine de a na’bu koru, a rezema na ŋutulu kilo. 9Girani gira ku piyesi naga a ti mali kine ku kena na merenyezi, ku rerenyeta, ku ŋaŋalapa naga ku kulia ti kukuzuna kine, igbonaga ko a ŋo laga a ’busa, ’ba logu ina. 10Kugbo le’de ŋutu laga atokoradru mugu kaŋo, tepizi lepe luŋa gele kuwa mure, ’bo i bo ŋanina kolokindri lepe, 11’bo do adeni adi ŋutu laga be ilo delo agirara kaŋo, lepe a katoronyani, aŋedya kulia kanye kine ku mugu. 12Kugbo na laga asonyodru ŋona Aritema kuwa Tukiko konu yu,mori ku teili giri i pondra kuweni Nikopoli yu, igbonaga na ayo’yu saka naga yu de i baŋe na katirona ina. 13Mori ku teili giri i nyomodru Zena laga a kadenani lo kukuzunalo seku Apolo, ka’bi ko ku kokolozi kana. 14Ŋutulu kaya kilo ti dendri tikindra na ’beri i kondra na konesi naga a na’bu kine ma ko ku logi lemerika kilo, ka’bi ko ku gbogbo’da ’ba rada na konye. 15Ŋutulu giri lo gbo’da kasi na kugele kilo aroma ku do. Rome roma ku ŋutulu laga ku puso ku yi i rugo katani kilo. ’Busa na’buna ti gbo’dini ku ta giri.

will be added

X\