KULIA NA KPEKI 4

1I bo ŋanina na druga medra kaakutu naga aŋayi gboŋa i ’diko yuna. ’Bo roro laga a kayo laga ma na yingi i kulia seku na be na guke ilo, nye lo kulia adi, “Kiyundri ki inide, ki na ku kpeki do kuliata naga na ikokondra ’beri ’ba zara i bo na kine kulia de kine.” 2Wuleŋa gele na druga moka ku Yuka Nakiyena‚ na druga medra si’de naga na ’delaki i ’diko yuna, ’bo le’de lu agbi’diki kini. 3Lepe lo gbi’diki yu delo nye lo puru be ŋurupi laga yasipi ku laga saridio, ’bo geri laga be emiralidona alonga si’dena gbiri. 4Ti si’deta meria mure konye iŋmani alonga si’de ŋanina gbiri, ’bo temezi meria mure konye iŋmani ti kulu agbi’diki kini. Ko asozu ’beri ku bongola nakpe kine‚ ku yogonoki laga akukuna ku drumo kilo kasiko i kuwetoni. 5Kimazi ti piya druga kpeza ’beri‚ ku roroto, woŋo na piyana druga kuu i si’de ŋanina kata yu, ’bo kimazi burio kunu kokobu i si’de ŋanina i koŋo yu, ko a yukala naga burio ti Ŋun kine. 6I si’dena i koŋo yu le’de ŋo kata laga be suburi lokiye lokiye lo gbo’da beti maraya ilo. I si’dena laga yu, ku’de kapa iŋmani laga zoru kata laga lo zore ku konye kasiko i gedyokini i ki’dininoni itro. 7Kapatio laga zoru laga a kayolo gbo be kemuru‚ togi murelo gbo be ’beŋi lo kite, togi musalalo gbo ku koŋona be na ŋutu‚ togi iŋmanilo gbo be yugu lo ŋiŋiyoro. 8Kapa iŋmani laga zoru kilo‚ ko gele gele ku kopuko bukiye bukiye‚ azore ku konye‚ kasiko i ’berini‚ kaŋo ku a lo kata itro‚ ’bo ko ani yuka tupara ku tukaze i kulia adi‚ “A lokiye lokiye‚ a lokiye lokiye‚ a lokiye lokiye‚ Mata Ŋun laga Kabuloni, laga lo gbo’da kazu ’bero‚ laga kata tinade, laga lo ipopondra ilo!” 9’Bo kugbo kapa laga zoru kilo laga lo pudya lepe laga lo gbi’diki i si’dena kini lo yiŋiki paratra paratralo, ku sopona, ku iyetelo‚ 10temezi laga meria mure konye iŋmani kilo de kilo memereke ka‚ ku lepe laga lo gbi’diki i si’dena kinilo i koŋo yulo‚ i teminizo na lepe lo yiŋiki paratra paratralo, ko kilo gugumuza yogonoki kase kilo ka i si’dena i koŋo yu‚ i kulia adi‚ 11“Mata Ŋun likalo‚ do zuzuki i pura ku i sopo ku i gbo’da ku teriŋina, igbonaga do lepe agbeza kapazi kilo giri ina. Ko kazu kata‚ ko agbeki itro ku nyadru nonuna.”

will be added

X\