KULIA NA KPEKI 15

1Na druga medra i ’diko yu kpiye le’de laga a druma lo ramani ’beri koru‚ laga a malaika burio ku konyola burio ’do. Kilo konyola de a laga a ’dute kilo‚ igbonaga ŋoma na Ŋun ina lenga ku ko ina. 2Na druga medra ŋo laga lo puru be suburi lo gbo’da beti maraya aŋoŋola ku kima. Ŋutulu laga atiga gborolo ku ŋo lo kukuna beti lepe ku kenesi ti kari ti lepe kine kilo ti kulu alira nyoga i suburi laga a marayalo i kutu yu‚ ku rababaki ti Ŋun kine kasiko i kenisi yu itro. 3Ko kilo welo wiri lo Mose laga a upiye lo Ŋun‚ ku wiri lo Tore lo Kebilitolo adi‚ “Konesi konu kine a drumala na ramani ’beri‚ Do Mata Ŋun Kabuloni! Kulia konu kine soso‚ a ’diri‚ Do Mata lo zuro kilolo. 4Ŋa laga aka kuze doni‚ do Mata? Ŋa laga aka pudya kari konu kineni? Do ka’delo a lokiye‚ ’bo zuro kilo giri ipopondra i teminizo na do‚ igbonaga ŋeresi kolu laga soso kilo akpeza ’berina.” 5I bo ŋanina na druga medra kadi na Ŋun naga i ’diko yuna aŋazu mugu gboŋa‚ ti hema na sakani Ŋun ina nu kata yu. 6Malaika laga burio laga ku konyola burio kilo druga lupundro i kadi ŋanina kata yu‚ ti ko asozu ’beri ku bongola nakye na momo’yu, ti ko atodya gedyoki kase kine ku kapala naga akukuna ku drumo kine. 7Kapatio gele laga zorulo druga tikindra malaika laga burio kilo drikerito burio naga akukuna ku drumo naga atozore ku ŋoma na Ŋun lo yiŋiki kinilo. 8’Bo kadi ŋanina azore ku kopure na ŋiyu ku mo’yu na Ŋun ina ku teriŋi na lepena itro. Le’de ŋutu ’bayi lo romoki lubo kadi yu, ti inga konyola burio ti malaika burio kilo aku lenga.

will be added

X\