FILEMONA 1

1Paulo laga lo drodrora ku kulia ti Yesu Kristo kinelo‚ seku Timoteo laga a luŋase likalo‚ aroma ku Filemona laga lo nyanyara, laga a kakitani kasi yi kugele ilo‚ 2ku sase naga Apia naga a karukonina, ku Arikipo laga a kamoroni kasi yi kugelelo itro‚ ku karuko laga lo tomodya ’beri konu kadi yu kilo. 3’Busa na’buna ku teili lo trotro lo ŋiyu ku Ŋun Monye likalo yu ku Mata laga Yesu Kristo yu itrolo ti gbo’dini ku ta. 4Na tikindra Ŋun liolo iyete mu luŋa laga ma na ’di’dindri do i magu niona katani kilo‚ 5igbonaga na ayinga kulia ti nyadru nonuna ku rugo nonu na Mata Yesuna ku na ŋutu ti Ŋun kilo girina ina. 6Na piza Ŋun adi tomore nika na rugo seku dona ti logi ŋutulu i dendra na kulia na’bu naga a kaya ku Kristo katani kine giri. 7’Bo luŋase‚ na arumbi nyola koru ku ruda na teili ku kulia ti nyadru nonuna kine‚ igbonaga do aru­’ya teiliko ti ŋutu ti Ŋun kilo giri ina. 8Ku kine kulia de, ’dibani kodro ku na gbo ku teriŋi ku Kristo katani i takindra na do kukuzu mo do ku kondra ŋo laga lo zukinilo kpe, 9na nyadru ma’yu mugu ku do ku kulia ti nyadruna kine. Na Paulo laga a modo, laga tinade lo drodrora ku kulia ti Kristo kinelo, 10na ma’yu mugu ku do ku kulia ti ŋiro lio laga Onesimo laga ma na yuŋu i luŋa laga ma na gbo’dini i drodrore katanilo. 11Kazu lepe aku gbo’da ku rezema konuni, ’bo tinade a ’diri lepe gbo ku rezema konuni, kuweni itro. 12Na asonyodru lepe bo konu yu laga be mugu nio lepe ilo. 13Na kodro nyadru goza lepe inide seku na kugele ma lepe ku konakindra na kita konu piri i naga ma na drodrorani ku kulia ti kuu na’buna kinena. 14’Bo na ani nyadru kondra le’de ŋo ’ba dena na yoyolozu nonuna, adi teili lo’bu lolulo ka’bi ku gbo’da be riri’diki, ’bo ku puso nonuna ayu. 15Ŋo laga de kazu lepe akora seku do ku baŋe a naŋutru adi ma ta ku mora seku lepe i piri a pii. 16Agbo’da be upiye ’doni, ’bo alangu upiye, be luŋase laga lo nyanyara. Na anyari lepe koru, ’bo do inyanyadru lepe arodru na beti ma­rate lo mugu, ’bo ku kulia ti Matalo kine itro. 17Kugbo do laga arukundro na be ŋutu lo tomodya mugu seku dolo, rukundri lepe be naga mo do rukundrini nana. 18Kugbo lepe laga akondra do a loro, kugbo lepe laga ku mori nonu, wure mori ŋanina kuwe ki. 19Na laga Paulo awudyo kine kulia de ku keni lio lepe. Na lepe lo iroba mori ŋanina. ’Dibani kodro ku mori nonu naga kuwenina a do lepe kpe, na ani tazu kulia ŋani kine. 20KuWade luŋase, na nyadru rumbi na ’bu’busi konuni ku Matalo katani. Rude teili liolo ku Kristo katani po! 21Na lidra mugu adi do irurugo kine kulia de nyena wurokindri na do waragana, ’bo na adeni adi do ikokonu alangu kulia naga ma na tazini kine. 22’Bo kukunaki na kadi na komo po, igbonaga na yendru adi na ititiki ta ’do ku kulia ti magu nasuna kine. 23Epapura laga lo drodrora seku na kugele ku Kristo Yesu katanilo aroma ku do, 24ku Marako, Aristariko, Dema ku Luka laga a kakita kasi na kugele kilo. 25’Busa na’bu na Mata laga Yesu Kristo ina ti si’dani ku ta.

will be added

X\