EBERE 5

1Ka’i’ilani laga a leŋgbere gele gele laga lo nyume i dridriŋi na ŋutulu ilo lo ’delaki i kondra na kita i piri na ŋutulu ku kulia ti Ŋun kine‚ i tikindra na ’doketa, ku ’i’ileta lo ’i’ilani torozi kine kilo. 2Lepe romoki gbo’da ku teili lo mada ku ŋutulu laga ’ba dendra kilo ku laga aliliaŋa kilo itro‚ igbonaga lepe lepe amuluyi ku tomunyena. 3Ku kine kulia de‚ nyadru ti lepe tikindri ’i’ile lo ’i’ilani torozi kanye lepe kine‚ be naga ma lepe tikindri ku kulia ti torozi ti ŋutulu kilona. 4’Bo le’de ŋutu ’bayi lo gelundra mugu a mugu‚ ’bo Ŋun lo lungu lepe be naga ma Arona luŋunina. 5Kuwade Kristo itro aku pudya mugu ma lepe ’delakindri mugu a ka’i’ilani laga a leŋgberelona, ’bo Ŋun lo gelundra lepe‚ ti lepe atakindra lepe adi‚ “Do a Ŋiro liolo‚ indikini na ayuŋundro do.” 6’Bo i ne’de piri lepe akulia adi‚ “Do a ka’i’ilani lo paratra paratra, lo rudra piri na Melekizidekilo.” 7I luŋazi laga ma Yesu sakani i kani kulu‚ lepe amagu Ŋun ku ma’yu na mugu‚ ku gbiye koru‚ ku ŋolita itro‚ Ŋun laga lo romoki i ritundro na nye i tuwa katanilo, ’bo lepe ayiŋa ku kulia ti kuga nanye na Ŋun ina kine. 8’Dia kodro ku lepe laga a Ŋiro kpe‚ lepe adendra sobu na kulia ku sasanya nanyena. 9Ku lepe laga gbo’di aromoki a lo’bu, lepe ayeŋundra a Kariteni lo zakindra ŋutulu giri lo sobu kulia kanye kine kilo rite naga ani lengana‚ 10lepe laga lo gelu Ŋun a ka’i’ilani laga a leŋgbere lo rudra piri na Melekizidekilo. 11Yi kodro nyadru tazu kuliata naga rodri de‚ ’bo kpiya ŋanina a nago‚ igbonaga ta gbo’di ani yinga kulia kine wule ina. 12’Dia kodro ku ta kodro roromoki i gbo’da a katogolo i ina baŋe de kpe‚ nyadru ti le’de ŋutu togole ta ku togoleto naga a kayo ti kulia ti Ŋun kine. ’Bo ta nyadru le, agbo’da nyosu naga nagoni. 13’Bo ŋutu gele gele lo mozu le ka’delolo, aku tritrimi kulia ti logbiye lo’bulo kine‚ igbonaga lepe a ’u’uŋwena. 14’Bo nyosu naga nagona a na ŋutulu laga aguguli laga adeni kodya na dridriŋi na kulia na’bu ku kulia naro kilo‚ igbonaga ko atodiniki ku kondra naga ’duuna ina.

will be added

X\