EBERE 4

1Kuwade kugbo sare laga lo luponiki i yuka yu ilo inga lo kata, ti yi gbo’dini go ŋutu gele kasu dridriŋini ka’bi ku rie ti azara yenga naga kata yu na. 2’Bo yi atrukoki kuu na’buna be nasikona‚ ’bo kulia naga ma ko yingi kine aku logu ko tro, igbonaga kulia ŋani kine aku tomora ku rugo ku kayiŋa kilo i teiliko yu ina. 3Yi laga arugo kilo‚ se lo lubo i piri naga a yuketana kata yu‚ be naga ma lepe kulianina adi‚ “Be naga ma na kogi mugu ku ŋoma niona adi‚ ‘Ka’bi ko ku lulubo i piri nio naga a yuketana kata yu tro‚’ ina‚” ’dia kodro ku kita na lepena alenga ŋiyu i ’delaki na muko na ka yu de kpe. 4’Bo lepe akulia de i ne’de piri ku kulia ti luŋa lo buriolo‚ adi‚ “Ŋun ayuka i luŋa lo buriolo i kita nanyena giri i boni.” 5’Bo i ina piri de katani‚ lepe akulia adi‚ “Ka’bi ko ku lulubo i piri nio naga a yuketana kata yu tro.” 6Kuwade nyadru ti ku’de ŋutulu lubi i piri ŋanina kata yu‚ ’bo ŋutulu laga a kayo lo trukoki kuu na’buna kilo azara lubo ku kulia ti ’baka na sobu na kuliana. 7Kuwade Ŋun agelundra le’de luŋa “Indikini” lo‚ ti atazu ku kutu na Dawidina i bo na baŋe naga nazona de‚ kulia naga na kulianiki adi‚ “Indikini ku ta laga kilo yinga roro lo lepelo‚ ku ’de’delakita teiliko kasu kilo a logo.” 8’Bo kugbo kazu Yosua laga atikindra ko i yuka, i bo ŋanina Ŋun kazu kodro aka tazu kulia ti luŋa le’deni. 9Kuwade yuka na yukaniki i luŋa lo buriolona akoloki ŋutu ti Ŋun kilo‚ 10igbonaga ŋutu lo lubo i piri na Ŋun naga a yuketana kata yulo‚ lepe ayuka i kita nanyena i boni be naga Ŋun kazu ma yugini i nanyena i bo yuna. 11Kuwade ti yi morodri ku teili giri i lubo i nu piri naga a yuketa nu de‚ le’de ŋutu ka’bi ku ’du’duki ku kulia ti ’baka na sobu na kuliana be naga ma ko kondrinina. 12’Bo kulie lo Ŋun ilo zoru nye lo kita‚ lepe a lopi arodru wale lo moro laga ku goto murelo. Lepe lo tyegu ŋutulo yeŋadru tozo i tokodya teilina seku yuka‚ ruŋeta seku wele naga i kuyu katana‚ lepe lo liliza rambu na teilina ku yoyolozuna itro. 13Ŋo laga agbeki laga a’dana ku Ŋun i koŋoni ’bayi‚ ’bo ŋo kilo giri gboŋa‚ ko ateriria ku lepe i koŋoni‚ nye laga kulia kaya kine iŋera ku lepe i koŋoni kinelo. 14Kuwade‚ ku naga ma yi gbo’dini ku ka’i’ilani laga a leŋgbere laga arosodru i ’diko kata yu‚ laga a Yesu‚ Ŋiro lo Ŋun ilo‚ ti yi ’depakindri ’beri tritri ku rugo nika naga ma yi tazinina. 15’Bo yi ani gbo’da ku ka’i’ilani laga a leŋgbere laga ani romoki ŋarundra tomunye nikanalo‚ ’bo lepe aluluka i kuliata giri be nikana‚ ’bo aku kondra toro. 16Kuwade ti yi mizuni nyoga i si’de na ’busa na’buna ku teiliko laga logo‚ ma yi ku rukundri ediyo‚ ma yi ku rumbi ’busa na’bu i logu na yi i luŋa laga ma kulia kine momorani yi lu.

will be added

X\