EBERE 12

1Ku kine kulia de‚ yi lepe laga aloŋa gbiri ku mongoyo na ka’doto laga rodri ti kulia kine‚ ti yi yoŋe yo kapa lo tomoni kilo giri kaŋo, ku toro na misiga yi gb igbina, ti yi woki ku teiliko ti rile i woke naga kaya koŋo yu ina. 2Ti yi metadri Yesu laga a katoliriana lo rugo nikana ŋiyu i suluki yu yeŋadru tozo i ’dutena yulo. Lepe laga asasanya i kedini laga a larelo ki yu ku teili lo rile ku kulia ti nyola naga na momondru lepe nu. Lepe arambu yukuwe ŋanina a ŋo laga ’baziŋa, druga ku gbi’diki i keni lo lutate lo si’de na Ŋun ina yu. 3Rameta kulia ti lepe laga kazu asasanya de ku katoronya laga lo moro ku lepe kilo, ka’bi ta ku kanya ku teiliko kasu laga ti tomunye kilo. 4I moro nasu naga ku toro ina ta inga aku moro yeŋadru tozo i ’bukozi na rima kasu kine. 5Ta aboŋo kuliesi ti togolo na teiliko naga na trukoki ta be na ŋaziŋana kine ya? Adi, “Ŋiro liolo, ku rarami rope na toro na tiki Matalo do i togo’yu na dona a ŋo laga ’baziŋa, kugbo lepe laga riringa do, ka’bi teili lolulo ku ’do’do ’do’do. 6’Bo Matalo lo tikindra ŋutu lo nyari nyelo rope na toro. Lepe kpindra ŋazi kilo giri gele gele laga ma lepe rukundri kilo.” 7Ruketa rope na torona ku teili lo rile. Ŋun ilo kondra ta be ŋaziŋa. Ŋiro laga ŋa laga monye lo lepelo ani tikindra lepe rope na torona ya? 8Kugbo ta laga ’ba rope na toro, beti naga ma ŋazi kilo giri rumbini ina, ta a ŋazi ti towute‚ ta agbo’da a ŋazi laga mŋgbani. 9’Bo, yi gbo ku monyezi ti mugu laga lo tikindra yi ropeta ti toro kilo, yi bita sobu ko. Alanguna ti yi sobini kulia ti Monye lika laga a lo yuka ilo, ma yi ku gbo’dini zoru. 10Karaŋa atikindra yi ropeta ti toro i baŋe a naŋutru be naga ma ko rambinina, ’bo lepe kondra de i logu na yi, ma yi ku ŋarundri kekeli na lepena 11’Bo rope na toro ’bayi na puru be ŋo lo nyola i baŋe naga ma yi rumbini lepe nu, ’bo puru be ŋo lo luŋuli. I bo ŋanina lepe ma rada konye ti teili lo trotro kilo ku kulia naga gbogbo kine ku ŋutulu laga atogolo ku lepeni kilo. 12Ku kine kulia de, ’biluta kenisi kasu laga a lokoloka kilo, tolireta kuŋusi kasu laga ’ba teriŋi kilo. 13Kukuneta kikoli kasu kilo gbogbo, adi moko laga a pu’dolo ka’bi ku gbuledra mugu i piri, ’bo ma lepe ku totoruwe ayu. 14Galeta saka naga ku teili lo trotro ku ŋutulu giri, ku kekelina, igbonaga le’de ŋutu ’bayi laga lo romoki medra Matalo kugbo kekeli ’bayi kanye teilini. 15Meteta go le’de ŋutu ka’bi ku zara rumbi na ’busa na’bu na Ŋun ina, ka’bi lepe ku yeŋundra be kukurita na yule naga na yila i tikindra na luŋuli, i kokorozu na ŋutulu rodri. 16Le’de ŋutu ka’bi ku gbogbo’da ku konye lopi, kuwa be ŋutulu ti ka kilo, be Esau laga kazu atogbodru tukayo nanyena ku nyosu na luŋa gele ’duna. 17’Bo ta adeni adi i bo ŋanina kugbo lepe laga anyadru rumbi koŋo na’buna, lepe aresale kaŋo, igbonaga lepe aku rumbi koŋo na’bu na lopukoni teili ina, ’dia kodro ku lepe laga aga’yu ku ŋolita kpe. 18’Bo ta agbo’da yeŋundra i ŋo lo romoki ’bolo ku kenisilo, a mere lo ’ura ku kima, laga ku mude naruwona, ku tonzoro ku kobuŋenalo, 19kugbo ku woŋo na guke, ku roro lo kulialoni. ’Bo kayiŋa ti roro ŋanilo kilo ama’yu ’beri adi ku’de kulia ka’bi ku tataki ko ’do. 20’Bo ŋutu ti Isiraeli kilo aku romoki yinga kukuzu naga na taki ko ina adi, “Kugbo kapatio kpe laga lo ’bo’yu merelo, ti lepe bibiriŋoni ku ŋoropo.” 21A ’diri ŋo lo meri ko ilo atikindra ko kuze koru, kuwade Mose akulia adi nye lo zazangu ku kuzena. 22’Bo ta ayeŋundra i Mere laga Zionani, i kezi na Ŋun laga zorulo inani, naga a Yerusalema na ’dikona, ku malaika rodri laga lo pependra ’beri ku nyola, laga ani romoki kena kiloni. 23Ta ayeŋundra i momore na ŋazi laga a kayizi ti Ŋun laga kari kasiko kine awuro i ’diko yu kiloni, ku kaŋerani lo kulia laga a Ŋun lo ŋutulu girilo, ku yukala ti ŋutulu laga mŋgba laga atoyeŋu a lo’bu kiloni. 24Ta ayeŋundra ku Yesuni laga a katomorani lo tomore naga naludunalo, ku rima naga agbata naga na tazu kulia naga a na’bu arodru kulia na ta rima ti Abeli kine. 25Gbo’dita go ka’bi ta ku redra ŋutu lo kulialo. ’Bo kugbo ŋutulu laga aredra ŋutu laga lo tepizo ko i kanilo kilo laga aku retodru ’beri, kugbo yi laga alopugo ’beri bo i redra na ŋutu laga lo tepizo yi ŋiyu i ’diko yulo, yi lepe iritundro ’beri adidinyo ya? 26Roro lo lepelo kazu dodonga kana, ’bo tinade lepe asara kulia adi, “Akoloki luŋa gele ’do, na idodonga agbo’da ka ka’deloni‚ ’bo ’dikona itro.” 27Kine kulia de, “Akoloki luŋa gele ’do” trugo adi kapa laga lo gbeki kilo idodoŋa dodoŋa‚ i’dotozi kaŋo‚ adi ma kapa laga ani dodoŋa kilo ku sakani ’busa. 28Ku kine kulia de ti yi tikindri Ŋun iyete ku naga ma yi rumbini tumata naga ani romoki dodoŋana. Ti yi teminizi Ŋun be naga ma lepe nyadrinina ku sopona‚ ku kukana itro, 29igbonaga Ŋun likalo a kima naga na tonoga kapazina.

will be added

X\