EFESO 6

1Ŋazi kilo ta, yiŋeta kulia ti kayuŋo kasu kilo ku naga ma ta gbo’dini ku Matalo katanina‚ igbonaga kine kulia de soso ina. 2Ina kukuzu de naga a kayo na saraki ku ŋo laga lo ititiki ŋero yu adi, “Sope so ku munyi seku ŋuti‚ 3mo do ku gbo’da ku koŋo na’bu‚ kiŋazi kolu kilo ma gbo’da rodri i kani.” 4Ta laga a monyezi kilo ku titikita ŋazi kilo i ŋoma‚ ’bo to’dureta ko ku togole‚ ku todine lo Matalo ayu. 5Ta laga a upi kilo‚ yiŋeta kulia ti ŋutulu laga a drumala kasu kini i na ka de katani kilo ku kuzene ku zangu itro‚ ku teili gele beti naga ku Kristonina, 6agbo’da adi ma ta memeta i tikindra na ŋutulu kilo nyolani, ’bo be upi ti Kristo laga lo kondra ŋo laga ma Ŋun nyadrini ilo ku teiliko giri kilo. 7Koneta kita ku teiliko lo’bu beti naga ku Mataloni‚ agbo’da ku ŋutulu kilonini, 8igbonaga ta adeni adi ŋutu gele gele laga lo kondra a lo’bu ilo, irurumbi rope laga zozo ku Matalo yu‚ kugbo lepe laga a upiye‚ kugbo a monye ka. 9Ta laga a drumala kilo koneta de kasikoni‚ ku totokuzeta ko igbonaga ta adeni adi le’de Mata lasikolo ku lasulo itrolo lu i ’diko yu‚ lepe ani ge’ya loŋutu. 10Kulia naga a tutuweto kine, gbo’dita a riŋiko ku Matalo katani, ku i teriŋi naga a druma na lepena katani itro. 11Soneta kapazi giri ti moro ti Ŋun kilo, ma ta ku lirani i goza na toŋulupa lo kasosoyini lo kulialo. 12’Bo yi ani moro kupe ku mero laga a ŋutulu ti mugu na rimana kilo, ’bo ku tumataki ti dreria kilo, ku teriŋito kine, ku mataki ti mude na ina ka de kilo, ku muloko ti kulia naro laga i pirito naga ki kine kata yu kilo. 13Kuwade ’depeta kapazi giri ti moro ti Ŋun kilo‚ ma ta ku romoki tiga mero kilo i luŋa laga loro lu kata yu, ’bo ku ta laga atiga kuliata kine giri ta ililira. 14Kuwade liranita, ti ta atodya ’beri ku kulia ti to­’diri kine kasu mukotoni, ti logbiye lo’bulo gbo’dini be witi kasu kidozini, 15ti puso na trukoni kuu na’bu na teili lo trotrona gbo’dini be kamuka kasu mukuzini. 16Alanguna, ’dumadrita ’buku na rugo ina, adi ma ta ku romokini tatuzi loya laga aloza ti ŋutu loro kilo ku lepe. 17Soneta ritena be gongu kasu kuwetoni, ’dumarata wale lo moro lo Yuka Nakiye, laga a kulia ti Ŋun kine. 18Maketa Ŋun mu luŋa ku ma’yu na ’beri. Maketa Ŋun ’duu ku Yuka Nakiyena. Ku kine kulia de, tineta ti ’beri ku teili giri. Maketa ku ŋutu ti Ŋun kilo giri. 19Maketa ku na itro, ma Ŋun ku tikindri na kulia na tatayi kine kugbo na laga akukundra mugu i trugo na kulia kine, ma na ku trugi ku teili logo i tokuzo na kulia naga na mumuyi mumuyi ti kuu na’buna kine. 20Ku kulia ti ina kuu na’buna de kine na a lo’di laga lo tora ku maarotalo. Maketa adi ti na truke ku teili logo beti naga kodro ma na truginina. 21Tukiko, luŋase laga lo nyanyara laga a kalokoni lio i kita na Matalona katani laga ku teili lo to’dirilo itrukokindro ta kuliata giri, ma ta lepe ku dendra kulia kuwe kine ku ŋo laga ma na kondrilo. 22Na asonyodru lepe kasu yu ku kulia nagele kine de, ma ta ku dendra kulia kaya kine, ma lepe ku ru’ya teiliko kasu kilo itro. 23Teili lo trotrolo ti gbo’dini ku luŋaseri kilo, ku nyadruna, ku rugo na ŋiyu ku Ŋun Monyelo yuna, ku Mata laga Yesu Kristo yu itrona. 24’Busa na’buna ti si’dani ku ŋutulu giri laga lo nyadru Mata lika Yesu Kristo ku nyadru naga ani lengana kilo.

will be added

X\