2 TIMOTEO 3

1’Bo dene kine kulia de‚ adi i luŋazi laga ti bo kilo baŋesi naga nago kine iyeyeŋundra. 2Ŋutulu kilo igbogbo’da a kanyara ti ’beri‚ laga lo nyadru riye itro, kasisiŋa ti ’beri ku kuweto drumala, ka’data kilo‚ ko aka teminizo kayuŋo kase kiloni‚ ko igbo’da ’ba iyete‚ ’ba kekeli. 3Ko igbogbo’da ’ba nyadru, ko aka kolokindro moroni‚ ko igbo’da a kasosoyi ti kuliata‚ ’ba teiliko lo payini kuliata ti ’beri‚ ku katazi lo potroru, laga aka nyarani kulia na’buni. 4Ko igbogbo’da a kanyo ti mundrara, laga lo ikondra kuliata ku kuweto logo‚ laga lo be’ya ’beri‚ ku sisiŋa na ’beri‚ laga a kanyara ti nyola ti ina ka de kilo alangu nyadru na Ŋun. 5Ko igbogbo’da ku puru naga a na kaŋo na teminieni Ŋun‚ ti derengi ko arenya teriŋi na lepena kaŋo. Girani gira ku ŋutulu laga be kilo de kilo. 6Ku’de kilo dodomadru ’beri i kadizi kata yu i momokadru na wate naga ku yoyolozu nasiko naga ’baziŋana, naga tomoni na torozi na tiga ko kine, naga na yeyeka ku ki’beŋa naga ka’de ka’de kine. 7Wate ŋani kine nyadru zuzumbu ’duu‚ ’bo ko ani yeŋundra i dendra na kulia ti to’diri kine tro. 8Be naga kazu Yane seku Yambre ma moroni ku Mose ina, kilo ŋutulu de kilo imoro ku kulia ti to’diri kine itro, laga ku yoyolozu naga na kokoreyina, laga a’do’do kaŋo ku kulia ti rugona kilo. 9’Bo ko aka romoki rorosodru ŋero yuni‚ igbonaga mali na­sikona ikpeza mugu gboŋa ku ŋutulu giri i koŋo yu be na mali na kulu ŋutulu laga mure kilo dena ina. 10’Bo do akipundro togole liolo, ku gbiyeri liolo, ku kulia naga ma na ga’ini i kondra ku puso kine, rugo niona, teili lo mada liolo, nyadru niona, teili lo rile liolo, 11wowonye niona ku luŋulio kuwe kilo, kuliata naga na kondra ’beri Anitiokia yu, Ikonio yu ku Lusitra yu ku wowonye naga ma na rumbini kine. ’Bo Matalo aninundra na kasiko katani giri. 12A ’diri ŋutulu giri laga lo nyadru gbiyeri lo teminioni Ŋun ku Kristo Yesu katani kilo iwowonye wowonye. 13’Bo ŋutulu loro ku kagbugbuliesa ti ’beri kilo iyeyeŋundra a loro ’do ’do. Ko kilo ’bo’boliza ŋutulu, ko kilo ’bo’bolia itro. 14’Bo laga do, sakani i kulia naga do atodiniki kine katani‚ naga mo do rugi soso kine. Do adeni katodino kolu kilo a kuŋana. 15Ŋiyu konu toŋiro yu‚ do adeni kulia na wuwuro naga a nakiye kine naga na romoki tikindra do tobodo i rumbi na rite ku rugo naga ku Kristo Yesu katanina. 16Kulia na wuwuro kine giri awuro ti Ŋun aburakindra Yuka Nakiyena kini‚ ko a na’bu a na yayakiya i togo’yu, ku i riringa na ŋutulu, ku i kukundra na ŋutulu soso, ku i todinikindro na ŋutulu logbiye lo’bulo. 17Gbode ŋutu lo Ŋun ilo ti gbo’dini a laga akukuna soso i romoki kondra na konesi na’bu kine giri.

will be added

X\