2 TIMOTEO 1

1Paulo laga a lososonyo lo Kristo Yesu be naga ma Ŋun nyadrini ina i trugo na kulia ti ru naga asaraki ku Kristo Yesu katanina‚ 2aroma ku Timoteo laga a ŋiro lio laga ma na nyadrilo. ’Busa na’buna ku ediyolo ku teili lo trotro lo ŋiyu ku Ŋun Monyelo yu‚ ku Kristo Yesu Mata likalo yu itrolo ti gbo’dini ku do. 3Na tikindra Ŋun iyete‚ laga ma na konakindri lepe kita ku teili laga a lokiye ilo beti naga ma merenyezi kuwe kilo kondrinina. Na tikindra lepe iyete i naga ma na rambini do ’duu kuwe maguni tukaze ku tupara. 4Ku na lo rambu ŋolita naga konu konyeni kine‚ puso na metani do na ku tikindra na nyola koruna‚ alenga na koru. 5Na rambu rugo nonu naga ’ba toŋulupa, rugo ŋanina arie a kayo ku yakanye nonu naga Loisi, ku ŋuti naga Eunike‚ ’bo tinade na lidra mugu adi arie konu yu itro. 6Ku kine kulia de na lo toyulukindro do i toŋizu na ’doke lo tiki do ku tandru nio na kenisi ilo‚ 7igbonaga Ŋun agbo’da tikindra yi yuka na kuzeni, ’bo yuka na teriŋi, na nyadruna, na tiyuni muguna. 8Kuwade ku gbogbo’da ku yukuwe i ’dodru na bo na kulia ti Mata likalo kine‚ kugbo na kulia kuwe kine‚ na laga lo drodrora ku kulia ti lepe kinelo‚ ’bo ŋarundri luŋulio ti kuu na’buna ku teriŋi na Ŋun ina. 9Lepe aritundro yi‚ alungu yi i gbo’da a ŋutu kanye lepe‚ agbo’da ku konesi kaya kineni, ’bo ku lopete lonyelo, ku ’busa na’bu naga ma lepe tikindri yi ku Kristo Yesu katani kazu ’bero ti kana inga ’bayi, 10naga ma lepe kpezi tinade ku puru na Kariteni lika Kristo Yesu ina‚ laga lo lenga tuwana‚ lo topurundro ru seku ŋo laga ani tuwalo ku kulia ti kuu na’buna kine. 11Na agelaki a katrukoni‚ a lososonyo, a katogoloni itro ku kulia ti ina kuu na’buna de. 12Ku kine kulia de nyena rumbi na luŋuli de. ’Bo na ani gbo’da ku yukuwe‚ igbonaga na adeni Ŋun laga ma na rugi ilo, ’bo na alidra mugu adi lepe roromoki i tizu na ŋo laga ma na kolokindri lepe i riritalo yeŋadru tozo i lu luŋa de kata yu. 13’Depe kulia na tatayi naga soso naga mo do yingi kuweni mo do ku kepodri bo nasikona kine tritri, ku rugo, ku nyadru naga ku puso naga ku Kristo Yesu katanina. 14Tine ti ŋo laga lo’bu lo koloki do i riritalo ku Yuka Nakiye naga na saka kaya katanina. 15Do adeni adi ŋutulu giri laga Asia yu kilo alopukodru ’beri kaŋo kuweni‚ kasiko i dridriŋi yu Fugelo seku Herimogene. 16Ti Matalo gbo’dini ku ediyo ku ŋutulu ti ’ba lo Onesiforo kilo, igbonaga luŋa rodri lepe atokobu nana. Lepe aku gbo’da ku yukuwe ku kulia ti drodora niona kine. 17’Bo kugbo lepe laga ayeŋundra Romani lepe druga galundra na ku puso druga ku rumbi na. 18Ti Matalo tikindri lepe i riondru na ediyo lo ŋiyu ku Matalo yu ilo i lu luŋa de. Do adeni a na’bu kitazi naga rodri ma lepe kondri Efeso yu kine.

will be added

X\