2 YOANE 1

1Temizitiolo aroma ku ŋote’ba naga anyumena ku ŋazi ti lepe laga ma na nyadri a ’diri kilo, agbo’da na ka’deloni, ’bo ŋutulu giri laga adeni kulia ti to’diri kine kilo itro. 2’Bo kulia ti to’diri kine kine saka kaya katani‚ se na gbo ku yi paratra paratra. 3’Busa na’buna ku ediyolo ku teili lo trotro lo ŋiyu ku Ŋun Monyelo yu‚ ku Yesu Kristo Ŋiro lo Monyelo yu itrolo igbo’da ku yi a ’diri ku nyadruna. 4Na kazu anyola koru igbonaga na arumbi ku’de ŋazi kolu kilo i kepodru na bo na kulia ti to’diri kine ina‚ be naga ma Monyelo takindri yi kukuzuna ina. 5Tinade na lo ma’yu mugu ku do‚ ŋote’ba, agbo’da na lo wurokindro do kukuzu naga naludunani‚ ’bo kukuzu naga na gbo’da a nikaŋa na ŋiyu i suluki yuna‚ adi ti yi nyare nya ’beri kaya dridriŋinina. 6Nyadruna nye ina de‚ adi ti yi kepodri bo na kukuzuki ti lepe kine. Kukuzuna nye ina de‚ adi ki ta kepodru bo na nyadruna be naga ma ta yingi ŋiyu i suluki yuna. 7’Bo ka’bo’bolia laga rodri alupundro kaŋo i kani‚ ŋutulu laga aku rugo adi Yesu Kristo apondra ku mugu na ŋutuna kilo. Ŋutu laga be ilo de ilo a ka’bo’boliani, a miriku lo Kristo itro. 8Meteta ’beri go‚ rezema lasu lo kitalo ka’bi ku liki kasuni kaŋo‚ ma ta ku rumbi ropeta kasu kilo giri. 9Ŋutu gele gele laga lo woke ŋero yu‚ laga ani saka ku togole lo Kristolo ilo ani gbo’da ku Ŋun. Ŋutu laga lo saka ku togole lo Kristolo ilo nye lo gbo ku Monyelo, ku Ŋirolo itro. 10Kugbo le’de ŋutu laga ayeŋadru kasu yu‚ laga ani zonga ilo togole de‚ ku rurukorota lepe kasu kadizi yu‚ ku roromata ku lepe‚ 11igbonaga ŋutu lo roma ku lepe ilo amora kasi lepe kugele i kondra na konesi ti lepe naga a naro kinena. 12’Dibani kodro ku na laga ku kuliata rodri i wurokindro na ta kpe‚ na ani nyadru wudyo i karatasi kini ku vino‚ ’bo na yendru adi na iyenga kasu yi i tokuliaki kasi ta i konye konye‚ ma nyola nikana ku gbo’da a druma. 13Ŋazi ti sase nonu naga anyumena kilo aroma ku do.

will be added

X\