1 TIMOTEO 5

1Ku ririŋi ririŋi ŋutulu ti ’diri kilo‚ ’bo male mugu kasikoni be naga ku monyezi kilonina. Tine ti ’bula kilo be luŋaseri, 2wate kine be ŋotela‚ wate naga a ke’diti kine be saseri‚ ku teili laga a lokiye. 3Sope so awuzio naga a awuzio naga mŋgba kine. 4Kugbo awuzi naga ku ŋazi‚ kugbo ku ŋazi ti ŋazi kilo, ti ko dendri a kayona i kondra be naga ma Ŋun nyadrinina ku ŋutulu laga kase ’ba yu kilo‚ i roba na kayuŋo kase kilo‚ igbonaga kona naga dena nyena tikindra Ŋun nyolana. 5Ŋutu naga a awuzi naga mŋgba naga akoloki ka’delona‚ ’delakindra teili lonyelo i yendru na Ŋun‚ lepe magu Ŋun ’duu ku ma’yu na mugu tukaze ku tupara. 6’Bo ŋutu naga a’delakindra mugu i nyola na ina ka de ina‚ atuwa azo‚ ’dibani kodro ku lepe naga ina zoru kpe. 7Taki ko ina kukuzu de‚ ma ko ku gbo’da ’ba kulia na sosoyi sosoyi kine. 8Ku le’de ŋutu laga ani logu ŋutulu kanye kilo, alanguna ŋutulu laga kanye ’ba yu kilo‚ lepe aredra rugo nanyena‚ toro na lepena alangu toro na ŋutu laga aku rugolo. 9Ku wuwuru ne’de ŋutu a awuzi ti inga kiŋazi ti lepe kilo aku yeŋundra meria bukiye‚ ’bo ti lepe gbo’dini a noka naga kazu ku lale gele ina. 10Ti lepe adena adi konesi ti lepe kine a na’bu‚ adi lepe ato’durodru ŋazi kilo, arukundro komo, alalazu mukuzi ti ŋutu ti Ŋun kilo‚ alogu ŋutulu laga asasanya kilo‚ a’delakindra teili i kondra na konesi naga na’bu kine i kuliata giri. 11Ku wuwuru awuzio naga inga a ke’diti kine. Kugbo puso nasiko na muguna naga arodru nyadru nasiko na Kristona‚ ko inyadru lunya. 12Kuwade kulia kasiko kine iŋeraki a naro ku naga ma ko redrini rugo nasiko naga a kayona. 13Ko izuzumbu tolu’beto itro‚ i wiwidro na ’beri mu kadizi‚ ’bo agbo’da tolu’beto ka’deloni, ’bo ko iyeŋundra a ŋutu naga na yega adia, ku ŋutulu naga na lulupuzo ku ku’de ŋutulu i kulia katani a go kuwe‚ ma ko tazini kulia naga adi ka’bi ko ku tata kine. 14Kuwade na nyadru adi awuzio naga a ke’diti kine ti lunyani lunya‚ ti ko yuŋozi ŋazi‚ ti ko tizi ’beŋito kase kilo, ka’bi ko ku tikindra mirikulo kiko lo ’datani yi tro. 15’Bo ku’de kine alopugo ’beri i kepodru na Satani. 16Ŋutu lalale laga a karukonilo kuwa nonoka naga a karukonina ku gbo ku awuzio kasiko i dridriŋini, ti ko loke lo ko, ka’bi ko ku yeŋundra a ŋo lo tikindra tomore na karuko kilo tomoni, ma tomore ŋanina ku logini ŋutulu naga awuzio naga mŋgba kine. 17Temezi laga lo ’do’ya kuwe na karuko kilo soso kilo ti ko kenani a lo zuzuki a lo’bu i riozu na ropeta luŋa mure‚ alanguna ko laga lo trereka i kita na trugo na kulia ku togo’yu na kulia itro kilo, 18igbonaga kulia na wuwuro kine akulia adi, “Ku totoru kutu na ’beŋite lo kitelo ti lepe lu i ’bandru na kinyo yu.” ’Bo‚ “Katitanilo zuki i rumbi rope lonyelo.” 19Ku ruru kulia na sosoyini temezitio ti inga ka’doto ti bo na kulia ŋani kine kilo mure kuwa musala laga ’bayi. 20’Bo ŋutulu laga lo kondra toro ’duu kilo‚ ririŋe ko ku ŋutulu giri i koŋo‚ ma ŋutulu ku’de kilo kuzeni ’busa. 21Na takindra do kukuzu ku Ŋun i koŋoni‚ ku Kristo Yesu i koŋoni‚ ku malaika laga lo nyumu Ŋun kilo i koŋoni itro adi sope so kine kulia de‚ ku ŋeŋeri kulia inga ku do aku yinga kulia ŋani kine‚ ku kokonu le’de ŋo ku gela na ŋutu tro. 22Ku tatanyi kenisi ku le’de ŋutu kini wuleŋa gele tro. Ku momora seku le’de ŋutu i kondra na torozi. Tine mugu a lokiye. 23Ku mamari pio kine gbo’di ka’delo, ’bo yakine suwe ti konye ti zabibu kine ’baziŋa ku kulia ti pele nonu na mimiyena ku ti yeyenga na sasandru do ’dunna. 24Torozi ti ku’de kilo ŋutulu kpeza ’beri gboŋa i utu nasiko ŋero yu i piri na ŋerani kulia nu, ’bo torozi ti ku’de kilo ŋutulu puru a bo. 25Kuwade kitazi naga a na’bu kine se na kpeza ’beri gboŋa, ’bo kitazi naga ani kpeza ’beri de kine ani romoki i ’dandru na ’beri ’duu.

will be added

X\