1 PETERO 5

1Kuwade na ma’yu mugu ku temezi kilo kasu dridriŋini, na a temezitio itro‚ laga lo ’dodru bo na kulia ti luŋulio ti Kristo kilo kine‚ laga lo ŋarundra mo’yu na ikpekpeza mugu nu. 2Yuketa kebilizi ti Ŋun naga kasu dridriŋini kine‚ i medra na ko‚ agbo’da ku ri’dikini, ’bo igbonaga teiliko kasu kilo anyarina, be naga ma Ŋun nyadrinina, ’ba mago na galani riye‚ ’bo ku puso. 3Ku gbogbo’data a mataki ku ŋutulu lo koloki ta kilo i koŋoni‚ ’bo gbo’dita a kpiyeta ku kebilizi kine i koŋoni. 4Kugbo Kayukuni laga a leŋgberelo laga akpeza mugu‚ ta irurumbi yogono laga lo momo’yu, laga aka riŋenilo. 5Kuwade ta laga a ’bula kilo‚ sopeta so temezi kasu kilo. Ta giri toreta ’beri ku teiliko laga mada be na torani bongola ina‚ igbonaga, “Ŋun lo ringa ŋutulu laga lo pudya ’beri kilo‚ ’bo lepe tikindra ŋutulu laga ani pudya ’beri kilo ’busa na’bu‚” ina. 6Kuwade toyoŋeta toyo ’beri ’ba pura na ’beri i keni lo Ŋun laga ku teriŋi ilo‚ ma lepe ku toŋizu ta ku baŋena naga aromoki. 7Kolokita wiwinyesi kasu kine giri ku lepe i keni‚ igbonaga lepe lo rambu kulia kasu kine koru ina. 8Tineta ti ’beri‚ gbo’dita ku konye‚ igbonaga miriku lasu laga a kasosoyini lo kulialo ilo woro be kemuru lo rumo i ga’yu na ŋutulu ma lepe ku nyosuni kilo ina. 9Moronita ku lepe ku rugo nasu naga tritrina, igbonaga ta adeni adi sasanya naga ma ta sasanyani ina‚ luŋaseri kasu laga i kani kilo kilo rumbi itro. 10’Bo i bo na sasanya nasuna i baŋe a naŋutru Ŋun laga ku ’busa na’bu koru, lo lungu ta i lubo i mo’yu nanye naga ani lenga ku Kristo kata yu ina kata yulo, lepe lepe ikukundra ta a lo’bu, itoliriza ta tritri, itikindra ta teriŋi, itogbi’dikindra ta i mukoto ki. 11Teriŋi na tumata ina a na lepe paratra paratra. Amena. 12Na asunyukindro ta waraga nio naga ’baziŋana de, naga na wuru Silivano‚ laga a luŋase laga ku teili lo to’diri kuwe konyeni ilo‚ i ma’yu na mugu ku ta‚ i ’dutukindro na ta bo na kulia adi ina de a ’busa na’bu naga mŋgba na Ŋun ina. Liranita tritri i ’busa na’bu ŋaninani. 13Tomore na karuko laga lo gbo’da Babulonani laga lo nyume kasi ta kugele kilo aroma ku ta. Ŋiro lio laga Marako aroma ku ta itro. 14Rometa roma kasu dridriŋini ku rome lo nyadrunalo. Teilo lo trotrolo ti gbo’dini ku ta laga ku Kristo katani kilo giri.

will be added

X\