1 PETERO 4

1Kuwade be naga ma Kristo sasanyani kanye mugunina, togoleta ’beri ku ina yoyolozu nagele ina de‚ igbonaga ŋutu laga asasanya kanye muguni deŋalo‚ nye lo tokorundra mugu i torozini, 2ma lepe ku sakani i baŋe na kolokini lepe i ina ka dena, i kondra na ŋo laga ma Ŋun nyadrini ilo agbo’da i kondra na ki’beŋa ti muguni. 3’Bo luŋa laga arosodrulo aromoki kayani i kondra na konesi naga ma Monyazi kilo nyadri kondri kine, saka naga i kulia ti yukuwe na nyara kinena, ku ki’beŋa ti mugu kine, ku mera, ku gboza, ku tundra na ’beri i mozu na yawa, ku teminizo na muloko laga a ’busa ’busa kilo be naga kukuzuna aku ruginina. 4Kuwade ko arambu ’beri koru igbonaga ta gbo’di ani wowoki kasiko kugele i kondra na konesi naga a naro arodruna. Kuwade ko kilo momorozu ta. 5’Bo ko ikekendra kulia kase kine ku Ŋun i koŋo yu. Lepe akukundra mugu i ŋedya na kulia ti ŋutulu laga zoru kilo ku laga atatuwa kilo itro. 6Ku kine kulia de kuu na’buna atrukoki ŋutulu laga atatuwa kilo, ko laga lo rumbi ŋera na kulia kase ’berini kilo, be naga ma ŋutulu kilo rumbinina, ma ko ku yiŋikini zoru kase yukalani be naga ma Ŋun yiŋikini zoru ina. 7’Dute na kuliata girina gbo’di nyogoŋa. Kuwade gbo’dita ku kpinyi na’bu, tineta ti ’beri i magu na Ŋun ina. 8’Bo alanguna nyareta nya ’beri kasu dridriŋini ku teili giri‚ igbonaga nyadruna nyena mugo torozi rodri ina. 9Rukundrita ’beri kasu dridriŋini a komo, ’ba ngunguruto. 10Be naga ma ŋutu gele gele rumbi ’doketa kase kilona, yakineta ’doketa ŋani kilo i logu na ta kasu dridriŋini be katiyu lo’bu ti ’busa na’bu na Ŋun naga ku dridriŋita ka’de ka’dena. 11Kugbo ŋutu lo trugo kulia, ti lepe truke be kulia naga ma Ŋun tikindri lepe kine. Kugbo ŋutu lo konakindra ŋutulu kita, ti lepe kone be naga ma Ŋun tikindri lepe teriŋina. Kuwade i kuliata giri Ŋun ti purani pura ku Yesu Kristo. Purana ku teriŋi na tumatana a na lepe, paratra paratra. Amena. 12Ŋutulu laga ma na nyadri kilo, ku raramita ’beri ku kulia ti modru naga ku kima naga kasu dridriŋini na moroni tana‚ beti naga kuliata ku’de naga ka’de ma kondrini tana. 13’Bo nyolanita nyola ku naga ma ta ŋarundri sasanya na Kristona ina, ma ta ku nyonyola koru i luŋa laga ma mo’yu na Kristona kpezi mugu nu. 14Ku ta laga ’data ku kulia ti kari ti Kristo kine‚ koŋo na’buna ina a nasu‚ igbonaga Yuka Nakiye naga a na’bu koru na Ŋun ina ina saka kasu kinina. 15Le’de ŋutu kasu dridriŋini ka’bi ku gbogbo’da a karemoni‚ kugbo a kolani‚ kugbo a ŋutu laga lo lulupuzo ku le’de ŋutu i kuliata katani a go kuwe‚ adi ma lepe ku sasanya a rope na toro deni. 16’Bo kugbo le’de ŋutu laga sasanya ku naga ma lepe gbo’dini a Kristayona‚ lepe ka’bi ku gbogbo’da ku yukuwe. Alanguna ti lepe pudyi Ŋun igbonaga lepe gbo ku kunu kari dena. 17’Bo luŋa lo sulukini ŋera na kulia naga a ti ŋutulu ti ’ba lo Ŋun kilo ayeŋundra azo. Kugbo ŋera na kulia ŋani kine suluza ku yi a kayo‚ ’dute na ŋutulu laga aku sobu kulia ti kuu na’bu na Ŋun ina igbo’da adinyo ya? 18Be naga ma wuronina adi‚ “Kugbo rite na ŋutu laga mŋgbalona a nago‚ ŋutu laga ani teminizo Ŋun‚ laga akondra torolo ikona adinyo ya?” 19Kuwade ŋutulu lo sasanya beti naga ma Ŋun nyadrinina kilo‚ ti ko kolokindri ’beri ku kagbiyani laga ku teili lo to’dirilo yu.

will be added

X\