1 YOANE 1

1Yi kilo trukokindro ta kulia ti ru naga kazu i suluki yu, naga ma yi yingi, naga ma yi medri ku konye kaya kilo, naga ma yi tidri, naga ma yi ’bo’i ku kenisi kaya kilo kine. 2Ru ŋanina akpeza mugu, yi druga medra lepe, yi kilo ’dodru bo na kulia ti lepe kine, yi kilo trukokindro ta ru naga ani lenga naga kazu ku Monyelo yu naga akpeza mugu kayani ina. 3Yi kilo trukokindro ta ŋo laga ma yi medrilo, ku laga ma yi yingilo ma ta tomodyi ’beri ku yi kugele ’busa. ’Bo mora nikana ina gbo kasi Monyelo, ku Yesu Kristo Ŋirolo lepelo itro. 4Yi kilo wudyo kine kulia de ma nyola nikana gbo’da a druma. 5Kine kulia de a kuu naga ma yi yingi ku lepeni, naga ma yi trukokindri ta, adi Ŋun a parara, ’bo mude ’bayi ku lepeni. 6Ku yi kulia adi yi kilo tomodya ’beri ku lepe, ti yi kilo woro i mude katani, yi kilo lengu ’bure, ti yi ani kondra kulia ti to’diri kine. 7’Bo ku yi woro i parara katani, be naga ma lepe lepe gbo’dini i parara katani ina, yi kilo tomodya ’beri kaya dridriŋini, ’bo rima ti Yesu, Ŋiro lo lepe kine‚ se na toke’ya yi i torozi kine katani giri. 8Ku yi kulia adi yi ’ba toro‚ yi ’bo’boliza ’beri‚ ’bo kulia ti to’diri kine ’bayi kayani. 9’Bo kugbo yi lo rugo torozi kaya kine‚ lepe ilo ku teili lo to’diri‚ lepe laga mŋgba itro‚ lo ’diza torozi kaya kine‚ lo toke’ya yi i logbiye lika laga ani gbo’da a lo’bulo katani giri. 10Ku yi kulia adi yi aku kondra toro‚ yi tikindra lepe i gbo’da a ’bureni, ’bo kulia ti lepe kine ’bayi kayani.

will be added

X\