1 KORINITO 8

1Nyenaga ku kulia ti kapa laga a ’i’ileta ti muloko laga a ’busa ’busa kilo, yi adeni, be naga ma tayinina adi, “yi giri gbo ku dendrana.” ’Bo dendra ŋanina ina pupudya ŋutu, ’bo nyadruna ina to’durodru ŋutu. 2Ku le’de ŋutu laga arambu adi nye adeni le’de ŋo, lepe inga aku deni tro be naga ma nyarani adi ti lepe dene ina. 3’Bo kugbo ŋutulu laga anyadru Ŋun, Ŋun adeni lepe. 4Kuwade ku kulia ti nyei na kapa laga a ’i’ileta ti muloko laga a ’busa ’busa kilo, yi adeni adi muletelo ani gbo’da a ŋo laga mŋgba‚ ’bo adi Ŋun le’de ’bayi, ŋolo lepe laga gele’dulo. 5’Dibani kodro ŋo laga lo luŋu a muloko kilo kata i ’diko yu kuwa i kani kpe‚ a ’diri muloko kilo ko rodri, mataki kilo rodri itro, 6’bo kayani, Ŋun gele’du, lepe laga a Monye, laga ma kapazi kilo giri lupundri ku lepe yulo, laga yi kilo saka ku lepe. ’Bo, Mata gele’du, laga a Yesu Kristo, laga ma kapazi kilo giri lupundri ku kulia ti lepe kine, laga yi kilo saka ku kulia ti lepe kinelo itro. 7’Bo ŋutulu kilo giri ani gbo’da ku ina dendra de. Igbonaga muloko kilo dinikiniki ŋiyu ’bero yeŋundra tozo tinadena, ku’de kilo ŋutulu bita nyosu be naga ma kapa ŋani kilo ’i’ilani muletelona. Teiliko kasiko laga ’ba teriŋi kilo druga kokorozu ’beri kaŋo. 8’Bo lokorelo aka tikindra yi i ruko ku Ŋun i koŋo yuni. Ku yi laga aku nyosu, ani gbo’da a kulia. Ku yi laga anyosu, ani gbo’da a kulia ’do. 9’Bo gbo’dita go dendra nasuna ka’bi ku yeŋundra a ŋo laga lo pupugo ŋutulu laga ’ba teriŋi kilo. 10Ku le’de ŋutu laga abonga do laga ku dendralo i naga mo do gbo’dini i mesa kutu i kadi na muletelona kata yuna, kine de aka luluga lepe i i nyosu na kapa laga a ’i’ileta ti muloko kiloni, ti teili lo lepelo ’ba teriŋi ina ya? 11Kuwade ilo ŋutu laga ’ba teriŋi ilo de, laga a luŋase lolu laga ma Kristo tuwani ku lepe ilo, lepe ikaraki ku kulia ti dendra nonuna kine. 12Kuwade kugbo ta laga akondra luŋaseri kasu kilo a loro, kugbo ta laga akokorozu dendra nasiko na teili naga ’ba teriŋina, ta akondra Kristo a loro itro. 13Ku kine kulia de nyei na lokorena kugbo tikindra luŋase liolo i bayi, na aka nyosu lokore ’doni, ka’bi na ku tikindra luŋase liolo i bayi ’do.

will be added

X\