1 KORINITO 6

1Kugbo le’de ŋutu kasu dridriŋi yu gbo ku kulia ku luŋase, lepe togo’yu teili i zonga na kulia ŋani kine ku ŋutulu laga ani gbo’da a karuko kilo i koŋo yu, ani gbo’da ku ŋutu ti Ŋun kilo i koŋo yu gbandra ya? 2Ta aku deni adi ŋutu ti Ŋun kilo iŋeŋedya kulia ti ŋutu ti ka kilo kine ya? Kugbo ta laga iŋeŋedya kulia ti ŋutu ti ka kilo, ta ani romoki ŋedya kulia naga ’baziŋa koru kine de gbandra ya? 3Ta aku de adi yi iŋeŋedya kulia ti malaika kine ya? Alanguna kulia ti gbiyeri lo ina ka de ya? 4Kugbo ta laga ku kulia ti gbiyeri lo ina ka de‚ ta tikindra ko i ŋeraki ku ŋutulu laga tomore na karuko kilona ani sobu kilo gbandra ya? 5Na kulia de i tikindra na ta yukuwe. Le’de ŋutu ’bayi kasu dridriŋi yu a ’diri laga ku tobodo lo ŋerani kulia ku luŋaseri kilo i dridriŋi yu ya? 6’Bo luŋaselo tudya luŋase lonyelo, i ŋutulu laga aku rugo kilo i koŋo yu itro. 7Kulia naga ma ta tudyini luŋaseri kilo kine kpeza adi ta atika munyumunyu. Angu kodro a na’buna ki ta sasanya ’ba kulia. Angu kodro ku ta laga riaka riaka ayu. 8’Bo ta lepe sasandru ŋutulu‚ ta lepe riagu ŋutulu. Ta konakindra luŋaseri kasu kilo de. 9Ta aku deni adi ŋutulu laga ani gbo’da mŋgha kilo aka lumba tumata na Ŋun inani ya? Ku ’bo’bolita ’bo’boli ’beri. Ŋutulu laga lo kondra konye lopi kilo‚ kuwa laga lo teminizo muloko laga a ’busa ’busa kilo‚ kuwa lo kondra towute kilo, kuwa lalia laga lo puru beti wate kilo, kuwa lalia laga lo kondra kulia ti yukuwe ku lalia ku’de kilo, 10kuwa kola, ku ŋutulu ti roŋgbo kilo, kuwa kamera kilo, kuwa ka’data kilo, kuwa kariaka, ko giri aka lumba tumata na Ŋun inani. 11Ku’de kilo ŋutulu kazu gbo de kasu dridriŋi yu. ’Bo ta alalayi, ta atokela‚ ta akena mŋgba ku kari ti Mata laga Yesu Kristo kine, ku Yuka na Ŋun likalona itro. 12Ta adi‚ “Kukuzuna arukokindro na kuliata kine giri.” ’Bo kuliata kine giri ani logu. “Kukuzuna arukokindro na kuliata kine giri.” ’Bo na ani nyadru ti ku’de kulia ’delaki ’beri a mata lio. 13Ta adi ’do‚ “Nyosuna a na pele‚ ’bo pelena a na nyosu!” Gbode a ’diri‚ ’bo Ŋun i’ide’delaki ko mure katru a ’busa. Muguna aku gbeki a na konye lopi‚ ’bo a na Matalo‚ ’bo Matalo a lo muguna. 14Ŋun atoŋizu Matalo‚ lepe itotoŋizu yi itro ku teriŋi nanyena. 15Ta aku deni adi ’beri kasu kine a dridriŋita ti mugu na Kristo ina ya? Ki na ’dumadri dridriŋita ti mugu na Kristo ina i ’delakindra na ko a dridriŋita ti mugu na noka na towute ina ya? ’Bayi‚ ani gbo’da de. 16Ta aku deni adi kugbo le’de ŋutu lo tomodya mugu ku noka na towutena‚ lepe igbo’da a mugu nagele seku lepe ya? Kulia na wuwuro kine adi‚ “Ko mure katru igbo’da a mugu gele.” 17’Bo ŋutu laga lo tomodya ’beri ku Matalolo igbo’da a yuka nagele seku lepe. 18Wokinita woke ku konye lopi kilo. torozi ku’de kine giri naga ma ŋutulu kondri kine ani gbo’da i mugu katani uye‚ ko kaŋo. ’Bo ŋutu lo kondra konye lopilo torondra mugu. 19Ta aku deni adi ’beri kasu kine a kadi na Yuka Nakiye naga kasu kata yu‚ naga ma Ŋun tikindri tana ya? Ta gbo’di ani gbo’da a kasu lepe‚ 20’bo ta agbore ku gbore. Kuwade tikita Ŋun ti purani pura kasu ’berini.

will be added

X\