YITALOLU 15

1Wo xo, ń xa taagumanseede xote je sanŋo to, a xa bun, dabariban kuwo le du mu: Tooroku woorowula tunnu be meleke woorowula bulu. Wo tunnu mu labanŋo lelu ti, bawo wo lelu be Ala la diminŋo dafala. 2Wo xo, ń xa men je, wo be í xo xooxoji weerema nin ta ɲaxamininŋo. Moxo mennu xa sinŋo soto wara jaxo nin a ɲoxonŋo daraninŋo anin a toxo jaatema xan, wolu tunnu loninŋo be xooxoji weerema xan. Ala tun xa kontinŋo mennu di i ma, wolu tunnu be i bulu. 3I tunnu be Ala la jonxe Musa la tantuli donkilo lala anin Saaxandinŋo la donkilo xo: «Marigi Ala, Sinŋobeetigo, í la ku keninŋolu bee xa bun, kawakuwo lelu mu! Siyalu la Mansaxe, í la silolu bee be tilinnin anin wolu mu tonɲa le ti! 4Marigi, jon si ke nin a man sila í ɲa? Jon si í ban í toxo bunɲala? Bawo ite kilinpe le xa senu. Siyalu bee si na í batu, katugala í la ku tilinninŋolu yitata keno xan i bee la.» 5Wo xofe, ń xa Alabatusuba dayeleto je sanŋo to, nin wo mu seedeya Alabatusuba tillisima ti. 6Tooroku woorowulo tunnu be meleke woorowulo mennu bulu, wolu bota Alabatusuba xono. Lenfaanu ɲuma ŋelenxuninŋolu tunnu b'e xanna, sanu tetositilanŋo be baratunin i xaro to. 7Fen nilama naanolu to kilin xa sanu felin woorowula di meleke woorowulo ma. Wo felinŋolu tunnu be fanin Ala la diminŋo la, ate men be í nila fo abada. 8Alabatusuba fata siisiyo la, Ala la nooro anin a la sintigiya xanma. Moxo si tun me dun no Alabatusuba xono fo meleke woorowulo la tooro woorowulo xa ke xa dafa tumo men.

will be added

X\