FILIPENGOLU 3

1Awa saasa, ń badinŋolu, alu ɲaɲa Marigi la kafuɲoxoya la. Nte tun xa xumo mennu safe xa ban, a man xole nte ma xa saagi wo fen kilinŋolu safenin alu ɲen. Alu la nafa le be wo to. 2Alu i korosi wulumoxolu ma, alu i korosi baarajaxukelalu ma, alu i korosi ɲaxa fuwo lafaasabaxolu ma. 3Nte lelu mu ɲaxanin soobelu ti, ntelu mennu be Ala batula a Ni Senunŋo barako la, xa n fanbunɲa kunŋo ke Isa Kirisita la kafuɲoxoya ti. N nte n gigo lala n fannu xan. 4Awa, nte du tun s'a no xa ń gigo la ń fan xan. Nin a be moxo men ɲen xo a s'í gigo la no a fan xan, nte tun si wo ke xa tanbi wo tigo xan. 5Nte ɲaxata ń wuluwo tili sago. Ń mu Banisirayila siya do le ti, Bensamen bonsonŋo do. Ń mu Heburo yerewuluwo le ti. Musa la sariya to, nte keta Farisiya soobe le ti. 6Nte tun be balannin ɲa men, fo ń keta Ala la jama toorobaxo ti. Ń keta jalagibalo ti sariya xa tilinninɲa men fo wo silo la. 7Bari nte tun be wo kuwo mennu jaatenin tono ti, saasa ń xa wolu jaate bono ti, Kirisita koso. 8Nte be fenŋo bee fan ne jaatela bono ti ɲin fen nafamaba in koso, nin wo mu ń Marigi Isa Kirisita lonŋo ti. Ate la kuwo xanma, ń xa ń xodi fenŋo bee la, x'a bee mafele fen filita ti, walasa ń xa Kirisita soto tono ti, 9anin ń xa tu a la kafuɲoxoya xono. Nte nte a jaatela tugun xo nte xa tilinninɲa soto sariya labatulo fe. Nte xa tilinninɲa soto Kirisita lannaya le fe, wo tilinninɲa men bota Ala la, anin a be men dila lannaya fe. 10Nte b'a ŋininna le, xa Kirisita lon, sinŋo men be a la kuniyo to, xa wo lon, xa do soto a la toorolu to, anin ń nin a xa ke kilin ti a la saya to, 11xa don gigo tu ń na xo nte du si kuni xa bo furelu to. 12A nte xo nte xa ń na fen bunta soto xa ban, walla xo nte keta moxo dafaninŋo ti xa ban. Bari ń be taxala ɲa haalibi, xa ń balan xa wo soto; bawo Isa Kirisita xa nte muta xa ń ke a ta ti xa ban. 13Ń badinŋolu, nte nt'a jaatela xo nte xa wo bandeero ta xa ban de! Bari nte be ku kilin ne kela: Men be ń xo, nte be ń hakilo bola wo kun, men be ń ɲa, xa ń balan wo nofe. 14Nte be ń borila taxanin ń borikunŋo ma, walasa xa bandeero ta, Ala be n kilinin men ma sanŋo to, Isa Kirisita barako to. 15Awa, alan mennu bee xoxota lannaya to, wo le xa xan xa ke n bee miiriya ti. Bari nin miiriya xote be alu la wo kuwo to, Ala fan si tonɲa yita alu la. 16Ɲa wo ɲa b'a to, alan xa silo men taxama fo saasa, alan xa taxa ɲa wo xan. 17Ń badinŋolu, alu bee xa ke nte ladigibaxo ti. N keta ɲayitolu ti, wo to, mennu b'e taxamala xa ben wo ɲayito ma, alu wolu ladigi. 18Ń dalita a fola alu ɲen, ń xasito be saagila a ma alu ɲen saasa tugun xo: Moxo kiika b'a yitanin i bosilolu la xo Kirisita gengenno yiro ma, xo i mu wo kuwo jaxolu ti. 19Wo moxolu labanŋo mu halagilo le ti, bawo i la ala mu i xonodaxo le ti. Kuwo mennu xa xan xa i malu, i jangunnakuwo mu wo lelu ti. Hanme xote nte i la nin duniya kuwo lelu nte. 20Ntelu kennu fasuwo be sanŋo to le. N be n Kisibaxo, Marigi Isa Kirisita laxononin xa bo non. 21A si n bala barakentan sata yelema, x'a ke a fan bala nooroma ɲoxonŋo ti. A si wo ke a la sintigiya la, men be fen bee xulula a ɲen.

will be added

X\