2 TIMOTE 4

1Nte b'a fola x'a xoleya í ma Ala nin Isa Kirisita ɲala, wo men be nilamalu nin furelu la kiito tegela, ń b'a ŋininna í fe Kirisita la nalo nin a la Mansaya xanma, 2xo í x'é jija Ala la xumo waajulo la, tuma bete nin tuma jaxu. Moxolu la filo yita i la fo i xa yelema. Mennu nin jalagilo xa xan, wolu jalagi, x'e jusudun, x'e xaran muɲo to. 3Waxato do si na, moxolu me son xaran soobe to tugun, bari x'a la i fannu negolu xan, i si karanmoxo kiika ŋinin i fannu ma, mennu s'i tulutodiya xumolu fo i ɲen. 4I s'i tulo bo tonɲa la, x'a lo taliyolu nofe. 5Ite ken xa ke moxo hakilima ti kuwo bee to, xa tooro muɲa, xa ke xibaru Dimanŋo waajubaxo ti, xa í la baaro bee ke x'a dafa. 6Nte ken keta í xo sadaxo xa ban. Dondin, nte si duniya tu. 7Nte xa kele beto ke. Nte xa ń soto ń na boro la. Ń tuta lannaya silo xan. 8Saasa, ń be kunnawulijala laxononin. Wo mu tilinninɲa jala le ti. Marigi, men mu kiititegela tilinninŋo ti, ate le be nala wo jala dila nte ma duniya labanŋo lunŋo. A nte wo dila nte kilin ma; bari mennu x'a xanu x'a nalunŋo laxono, a b'a dila wolu bee le ma. 9Í tariya í xa na ń bata jan. 10Demasi bota ń na, bawo ɲin duniya in kuwolu diyata a ɲen. A taxata Tesalonike. Keresan taxata Galasi maro xan. Tite taxata Dalamanasi. 11Luka kilinpe le be nte bata jan. Nin í be nala, í nin Maraka xa na, bawo a si nte deema no ń na baaro la. 12Ń xa Tisike ki a xa taxa Efesi. 13Ń xa dorokeba men tu Karapusi bulu Torowasi, í nin wo xa na, a nin kitaabolu, sakuta gulumalu. 14Numuxe Alekisandere xa ku jaxu kiika ke ń na. Marigi si a sara a la kebaaro la. 15Í du x'é korosi bete a ma, bawo a xa n na xumolu sooso bete. 16Nte taxata kiititegedula xa ń ɲafo tumo men folofolo, moxo si man nte deema. I bee xa ń bula. Ala xana wo jaate i ɲen. 17Bari Marigi xa nte deema, xa barakeba di ń ma, walasa ń xa waajulo ke a ɲa ma, anin, Alalonbalolu bee x'a lame. Nte bota waraba da xono. 18Marigi si nte bo ku jaxo bee bulu, xa ń nakisi, xa ń nadun sanxulo Mansaya xono. Nooro xa la Fa Ala xan, birin abada, fo abada. Amiini. 19Í xa Pirisiye nin Akilasi xonton, anin Onesifore la lumamoxolu. 20Erasite tuta Korente. Ń xa Torofime tu Mile, bawo a tun man kende. 21Í balan í xa na jannin neno xa si. Ubulusi b'é xontonna, anin Pudansi nin Linusi nin Kulodiya anin badin tolu bee. 22Marigi xa tu í fe. Ala la neemo xa ke alu fe.

will be added

X\