1 YAYA 5

1Moxo wo moxo lata a la xo Isa le mu Kirisita ti, wo tigo mu Ala dinŋo ti. Moxo wo moxo du be Ala xanula, wo tigo be a dinŋo dulu xanula. 2N si a lon ɲa men xo n be Ala dinŋolu xanula, wo fele: Nin n be Ala xanula anin x'a la sariyalu labatu. 3Xa Ala xanu, wo mu ɲin ne ti, x'a la sariyalu labatu. A la sariyalu man xuli n ma. 4Awa, Ala dinŋo bee si sinŋo soto no duniya xan. N be sinŋo sotola duniya xan ɲa men, wo fele: N na lannaya fe. 5Jon si sinŋo soto duniya xan? Fo men kilin lata a la xo Isa le mu Ala Dinxe ti. 6Isa Kirisita le nata, a nin jiyo nin jelo. A nin jiyo doron man na, bari a nin jiyo nin jelo nata. Ni Senunŋo b'a seedeyala xo wo mu tonɲa le ti, bawo Niyo mu tonɲa le ti. 7Seede saba le be je. 8Ni Senunŋo nin jiyo anin jelo, wo sabo bee be xanma. 9N be sonna hadamadinŋolu la seedeyalo ma, Ala la seedeyalo le ɲoxon nte. Ala xa wo seedeyalo le ke a Dinxe la kuwo to. 10Wo ɲa ma, moxo wo moxo lata Ala Dinxe la, wo tigo sonta wo seedeya ma; bari moxo men man la Ala la, wo xa Ala ke fano ti, bawo Ala xa seedeyalo men ke a Dinxe la kuwo to, a man la wo la. 11Wo seedeya fele: Ala xa nilamaya banbalo di n ma. N be wo nilamaya sotola a Dinxe to. 12Wo Dinxe be men bulu, wo xa nilamaya soto. Ala Dinxe nte men bulu, wo man nilamaya soto. 13Ń be ɲin safela alu ɲen, walasa alu x'a lon xo alu xa nilamaya banbalo soto, atelu mennu lata Ala Dinxe toxo la. 14Hakililasigo men be n na a bata, wo fele: Nin n xa fen do ŋinin a la men mu a sago ti, a si n name. 15Nin n x'a lon xo a be n namenin, n x'a lon xo n je fen wo fen ŋinin a la, n xa wo soto. 16Nin moxo do x'a badinŋo je junubo kela men nte saya lasila a ma, a xa Ala matara a ɲen, Ala si nilamaya di a ma, nin a la junubo nte saya lasila a ma ken. Junubo do be je men be saya lasila moxo ma. Ń man a fo xo alu xa taralo ke wo ɲoxon junube xanma. 17Tilinbaliyakuwo bee mu junubo le ti. Bari junubo bee nte saya lasila moxo ma. 18N x'a lon xo moxo wo moxo bangeta tugun xa ke Ala dinŋo ti, wo tigo me tu no junubeko la, bawo Ala Dinxe b'a lakantala, Sentane me fusi no a ma. 19N x'a lon xo n mu Ala ta lelu ti, xo duniya bee be Sentane la fango le xono. 20Bari n x'a lon xo Ala Dinxe nata, xa hakilitigiya di n ma, walasa n xa Ala soobe lon. N be Ala soobe la kafuɲoxoya to a Dinxe Isa Kirisita le barako to. Ate le mu Ala soobe ti, anin nilamaya banbalo. 21Ń na dindinŋolu, alu i korosi bolibatutalu ma.

will be added

X\