1 YAYA 1

1Men tun be je kabirin folofolo, n xa men me, n xa men je n ɲalu la, n xa men mafele nin n bulolu maxata a la, nin wo mu nilamaya banbalo Xumo ti, ń be ɲin safe in kila alu ma wo la kuwo xan. 2Nilamaya x'é yita, n x'a je, n b'a seedeya bola. N be nilamaya banbalo fola alu ɲen, men tun be Fa Ala bata n'a yitata n na. 3N xa men je anin n xa men me, n be wo fola alu dulu ɲen, walasa alu dulu xa dun n na kafuɲoxoya xono. Ntelu be kafuɲoxoya men xono, wo mu Fa Ala anin a Dinxe Isa Kirisita la kafuɲoxoya le ti. 4N be ɲin ku innu safela x'e ki alu ma, walasa n na ɲaɲo xa dafa. 5N xa xumo men me Isa Kirisita la, nin n b'a fola alu ɲen, wo mu le xo: Ala mu keneya le ti, dibi si nte a la. 6Nin n xo, xo n be a la kafuɲoxoya xono, x'a tara n be n na kuwolu kela dibo to, wo to, n xa fani n na xumolu anin n na kebaarolu xono. 7Bari nin n be i taxamala keneya la í xo Ala fan be keneya la ɲa men, wo to, kafuɲoxoya be n nin i ɲoxo te anin a Dinxe Isa jelo be n senuyala xa junubo bee bo n na. 8Nin n xo xo junube nte n na, n be n fan nelu lafilila, n nte tonɲa silo xan. 9Bari nin n be n lola n na junubolu la Ala ɲen, ate mu xantigo nin tilinninŋo le ti, a si n na junubolu yaafa n ma, xa n senuya n na tilinbaliyakuwolu bee to. 10Nin n xo xo n man junube ke, n be Ala kela fano le ti, a la xumo nte n xono.

will be added

X\